UKUPELA ABAFUNDIWA
IKIMANYILO 12
Mubakasyeghe aba Mukumanyila Nabo
Ilemba: ‘Amafuta nifya kufukisya ifya luma ulununu fikuyipelela indumbula ubwikyele; kangi mo buyilile ubulongosi ubwakufuma ku mmanyani unnunu.’—Mbu. 27:9.
Isi Yesu Abombile
1. Ketelela ividiyo IVIDIYO, pamo belenga Marko 10:17-22. Ukufuma apo mwinong’onelepo amalalusyo aghakukongapo agha:
Ngimba Tukumanyilako Isyafiki kwa Yesu?
2. Tukulondiwa ukunangisya ulughano ku aba tukumanyila nabo kangi pakabalilo kamokene tulinganieghe mwakupilikiwa isi babaghile ukubomba ukuti baye pabumanyani ubununu na Yehova.
Tunkongeghe Yesu
3. Mubatuleghe abamanyili binu ukuya nubwighane nukubufwanisya.
-
Mubombeleghe ikighaba ikyakuti “Ifyakuti Mubombe” pa mutu ghulighosa mu buku ilyakuti Amuhobokeghe nu Bumi kwa Bwila na Bwila!
-
Mubatuleghe abamanyili binu ukumanya isi bikulondiwa ukubomba ukuti bafwanisye ubwighane bwabo.
-
Akabalilo kosa munndaghisyeghe ummanyili winu linga ikukula mwambepo.
4. Musimanyeghe indamyo isi sikumpangisya ukuti angakulagha mwambepo kangi muntuleghe ukumalana nasyo.
-
-
‘Ngimba findu fiki fikuntolesya ummanyili wangu ukukula mwambepo?’
-
‘Ngimba filipo ifi mbaghile ukubomba ukuti nuntule?’
-
-
Musumeghe ubutuli kwa Yehova ukuti muye bakifu, balughano kangi mufwanisyeghe ukuyobesania nu mmanyili winu.
5. Mungakindililagha ukumanyila na bandu aba batikukula mwambepo.
-
Mwinong’onelengepo linga ummanyili winu wa Baibolo ikukula mwambepo pamo hayi mwakwilalusya ukuti:
-
‘Ngimba ummanyili wangu ikukonga isi ikumanyila?’
-
‘Ngimba ikwaghiwapo pa ngomano nukufumusya ubwanaloli ku bangi?’
-
‘Linga mumanyile nawe kwa kabalilo akatali, ngimba ikulonda ukuya yumo wa Baketi ba Yehova?’
-
-
Linga ummanyili atikulonda ukukula mwambepo:
-
Mundalusye isi sikuntolesya.
-
Mbololo mumbule inongwa iyi mukuya pakuleka ukumanyila nawe.
-
Mumbule kangi isi ikulondiwa ukubomba ukuti mwande kangi ukumanyila nawe.
-
