Itshi Yesu Watshitshile?

Longo Ditshi Tuazula mu Gifezegeselo gia Yesu?

2. Tudi naye gumonesa guzumba gudi muthu tuana longuga n’enji, uvi tudi naye gumumonesa haphelo ndaga idi naye gutshita muene ha gulandula gukula mu nyuma.

 Landula Gifezegeselo gia Yesu

3. Kuatesa muthu wana longuga n’enji ha gudihagela mafelela a mu nyuma nu ha guatagenesa.

1.    Kalegela gitshinyi gidi mu longo diagasue dia mukanda Heta Monyo wa Ivo nu Ivo! gidi muzuela egi: “Desizio Ngazula”

2.   Kuatesa muthu wana longuga n’enji Biblia ha gukotelesa ndaga idi naye gutshita muene ha gutagenesa mafelela azonda nga akoma.

3.   Khala mushimana muthu wana longuga n’enji Biblia tangua diagasue hadi muene mukula mu nyuma.

4. Kamba gujiya ndaga idi gumukanga njila ha gukula mu nyuma, gungima mukuatese ha gubinga ndaga yene.

1.    Dihule egi:

   • ‘Itshi idi mukuata muthu ngana longuga n’enji Biblia ha gubatijiwa?’

   • ‘Itshi ngajiya gutshita ha gumukuatesa?’

2.   Toga Yehowa aguhane gikhesa hagula tangua uya muta n’enji maga umuwambele haphelo nu guzumba guagasue ndaga idi naye gutshita muene.

5. Bemba gulonguga nu muthu gula gashigo mukula mu nyuma.

1.    Ha gujiya gula muthu muene yowu mukula mu nyuma, dihule egi:

   • ‘Muthu ngudi mulonguga n’enji wana kalegela ndaga jiana longuga muene ba?’

   • ‘Wana guya mu gudibungisa gua mu hungu nu wana longesa athu ako giamatshidia ba?’

   • ‘Gungima dia gulonguga n’enji masugu avula, muthu muene wana tshigina gubua Temue wa Yehowa ba?’

2.   Gula muthu udi mulonguga n’enji Biblia gashigo mukula mu nyuma:

   • Muhule aguwambele ndaga idi gumukanga njila ha gukula mu nyuma.

   • Muwambele nu gisemo giagasue gishina udi mutshigina gubemba gulonguga n’enji.

   • Muwambele ndaga jiajiya gutshita muene gutuama egi musendese gulonguga luko n’enji.