Ke ku Jesus fasi

Ke ku no aprindi di Jesus?

2. No pirsisa di mostra amor, ma tambi no pirsisa di splika di manera klaru ke ku studanti dibi di fasi pa pudi kontinua pertusi mas di Jeova.

 Kopia isemplu di Jesus

3. Juda bu studanti pa i tene objetivus i yangasa elis.

1. Usa parti “Tenta fasi es” ku sta na kada lison di livru Bu Pudi Tene un Vida Filis pa Sempri!

2. Juda bu studanti ntindi kusas ki pirsisa di fasi pa yangasa objetivus di puku tempu ku objetivus ki na yangasa dipus.

3. Ngaba sempri bu studanti pa progresu ki sta na fasi.

4. Bu pirsisa di sibi ke ku sta na tuji bu studanti fasi progresu, i judal vensi ki kusas ku sta na tujil fasi progresu.

1. Punta bu kabesa:

   • ‘Si ña studanti ka sta na fasi progresu pa batismu ke ku sta na tujil?’

   • ‘Kal ajuda pratiku ku N pudi dal?’

2. Ora pa tene koraẑen pa bu pudi papia di manera franku i ku amor, pa konta bu studanti ke ki pirsisa di fasi.

5. Para studa ku studanti ku ka sta na fasi progresu.

1. Fasi bu kabesa es purguntas pa sibi si bu studanti sta na progredi:

   • ‘Sera ki ña studanti sta na aplika ke ki sta na aprindi?’

   • ‘Sera ki i ta mati runions i konta utrus ke ki sta na aprindi?’

   • ‘Si i studa pa manga di tempu, sera ki i misti sedu Tustumuña di Jeova?’

2. Si un studanti di Biblia ka misti progredi:

   • Falal pa i pensa na ke ku sta na tujil fasi progresu.

   • Ku bondadi, splikal pabia ku bu na para studa ku el.

   • Fasil pa i sibi ke ki pirsisa di fasi, antis di bu kumsa mas studa Biblia ku el.