Ri xubʼan ri Jesús

¿Jas kqetaʼmaj chrij ri Jesús?

2. We kqaj che ri tijoxel kkʼiy pa ri ukojonik, rajawaxik che rukʼ loqʼoqʼebʼal kojtzijon rukʼ y che kqabʼij ri qastzij che.

 Chabʼanaʼ awe ri xubʼan ri Jesús

3. Chatoʼ ri tijoxel rech kukoj umetas y chatoʼ che ubʼanik.

1.    Chakojoʼ ri recuadro «Chabʼanaʼ wariʼ» are chiʼ kawil jun kʼutunem re ri wuj kʼaslemal che kʼo ta ukʼisik.

2.   Chatoʼ ri tijoxel rech kretaʼmaj ri rajawaxik kubʼano rech kuriqaʼ ri umetas che kubʼan pa kebʼ oxibʼ ikʼ o pa kebʼ oxibʼ junabʼ.

3.   Amaqʼel chabʼij che ri utz che tajin kubʼano.

4. Chawilaʼ jas ri tajin kqʼaten ri tijoxel rech kkʼiy ta pa ri ukojonik y chatoʼo.

1.    Chachomaj wariʼ:

   • «We ri tijoxel kraj taj kubʼan ubautismo, ¿jas ri tajin kqʼatenik?».

   • «¿Jas kinkunik kinbʼano rech kintoʼo?».

2.   Chataʼ tobʼanik che ri Jehová rech katkunik rukʼ utz taq tzij kabʼij che ri tijoxel ri rajawaxik kubʼano rech kkʼiy ri ukojonik.

5. Chatanabʼaʼ kan ri etaʼmanik we ri tijoxel kkʼiy ta pa ri ukojonik.

1.    Rech kawetaʼmaj we kaya na ri tijonik che, chatchoman chrij wariʼ:

   • «¿La kubʼan pa ri ukʼaslemal ri tajin kretaʼmaj?».

   • «¿La kbʼe pa ri riqbʼal ibʼ y kutzijoj chke e nikʼaj chik ri tajin kretaʼmaj?».

   • «We naj chi tiempo tajin kaya ri etaʼmanik che, ¿la kraj kux testigo rech Jehová?».

2.   We kqilo che ri tijoxel tajin ta kkʼiy pa ri ukojonik:

   • Chqatoʼ che rilik jas ri tajin kqʼaten pa ri ukojik.

   • Rukʼ utz taq tzij chabʼij che jasche kaya ta chi ri etaʼmanik che.

   • Chaqʼalajisaj chuwach jas ri rajawaxik kukʼex pa ri ukʼaslemal we kraj kyaʼ chi jumul ri etaʼmanik che.