JESUSPA QATIQNIN KANANPAQ YACHACHISPA
12 YACHACHIKUY
Imam kaqta nisun
Bibliapim nin: “Imaynam miski asnaq aceitewan inciensopas runapa sunqunta kusichin, chaynam imam kaqta rimapayakuq runawanpas sumaq amistadta qallariyqa sunquta kusichin”, nispa (Prov. 27:9).
¿Imatam Jesus ruwarqa?
1. Qawaykuy VIDEOTA utaq leeykuy Marcos 10:17-22 nisqanta. Chaymantañataq qatiqnin tapukuykunapi yuyaymanay:
¿Imatam Jesusmanta yachachwan?
2. Estudiachisqanchik runakuna ñawparinankuta munaspaqa kuyakuywan hinaspa imam kaqtam ninanchik Jehova Diosman asuykunankupaq imakunata ruwanankumanta.
Jesusta qatipakuy
3. Estudiachisqayki runata yanapay astawan kallpanchakunanpaq hinaspa tantiasqankunata haypananpaq.
-
¿Imaynatam wiñaypaq kusisqa kawsakuchwan? sutiyuq libropim sapa yachachikuypa tukuyninpi kachkan “Kaypaq kallpanchakuy” niq, chaywan yanapay yachachisqayki runata.
-
Estudiachisqayki runata niy chay killakunapaq hinaspa chaymanta qipakunapaq tantiakusqanta haypananpaq imakunata ruwananpaq.
4. Dios servinanta imakuna harkasqanmanta cuentata qukuspa yanapay chay sasachakuyta atipananpaq.
-
-
“Estudiachisqay runataqa ¿imataq harkachkan bautizakuyman chayananta?”.
-
“¿Imaynatam yanapayman?”.
-
-
Jehova Diosta mañakuy valorta qusunaykipaq, chaynapi yachachisqayki runata imata ruwananpaq clarota hinaspa kuyakuywan ninaykipaq.
5. Mana ñawpariptinqa niy manaña estudiachinaykipaq.
-
Hinalla estudiachinaykipaqqa utaq manaña estudiachinaykipaqqa kaykunapi piensay:
-
“¿Bibliapi yachasqanman hinañachu kawsakuchkan?”.
-
“¿Richkanchu huñunakuykunaman hinaspa yachasqankunata willachkanchu hukkunaman?”.
-
“Unayña estudiaspanqa ¿munanchu Jehova Diospa testigon kayta?”.
-
-
Estudiachisqayki runa mana ñawpariptinqa:
-
Kallpanchay Dios servinanta ima harkasqanmanta cuentata qukunanpaq.
-
Sumaqllata niy imanasqa manaña yachachinaykimanta.
-
Clarota niy kaqmanta estudiayta munaspanqa imakunata cambiananmanta.
-