Ta Iesu i Rave

Eaa te Apiianga Mei ia Iesu?

2. Ka anoanoia te aroa e te ngakau toa me akakite ki te aronga apii, eaa ta ratou ka rave kia tere ki mua i te pae vaerua.

 Aru ia Iesu

3. Tauturu i taau tangata apii kia akanoo e kia itae i tana au akakoroanga.

1.   a. E taangaanga i te tuanga “Akakoroanga” i roto i te au apii o te puka Oraanga Mataora e Tuatau Ua Atu!

2.  e. Tauturu iaia kia kite eaa tana ka rave, kia itae i te au akakoroanga rikiriki e te akakoroanga maata.

3.  ng. E akameitaki ua rai iaia no tana e rave ra.

4. Eaa te arairai ra i taau tangata apii, e akapeea koe me tauturu iaia.

1.   a. Ui kia koe:

   • ‘Me kare taku tangata apii e aruaru kia papetito, eaa te arai ra iaia?’

   • ‘Eaa taku ka rave ei tauturu iaia?’

2.  e. E pure no te tu ngakau toa, kia uriuri korua eaa tana ka anoanoia kia rave.

5. E akamutu i tetai apii Pipiria.

1.   a. Kia kite me te tere ra taau tangata apii ki mua, ui kia koe:

   • ‘Te taangaanga ra ainei aia i tana e apii ra?’

   • ‘Te aere ra ainei aia ki te au uipaanga, e te akakite i te tuatua mou ki etai ke?’

   • ‘Me kua roa aia i te apiianga, te inangaro ra ainei aia kia riro mai ei Kite no Iehova?’

2.  e. Me kare te tangata apii e inangaro ana kia tere ki mua:

   • E ui kiaia, eaa te arairai ra iaia.

   • Ma te maru, e akamārama kiaia i te tumu ka akamutu ei koe i te apii.

   • Akakite kiaia eaa tana ka anoanoia kia rave, ei akamata akaou i te apii Pipiria.