CITANI ANYAKUPFUNDZA
NSOLO 12
Perekani Uphungu Mwacipapo
Bhibhlya isalonga: “Mafuta na insenso pisatsandzayisa ntima; ninga uxamwali wadidi unatoma pakumala kupereka uphungu na ntima onsene.”—Mis. 27:9.
Yezu Acitanji?
1. Onani VIDHYU, peno lerini Marko 10:17-22. Buluka penepo onani mibvundzo iyi:
Tisapfundzanji na Pidacita Yezu?
2. Ife tisafunika kupangiza ufuni, mbwenye nee tisafunika kubisira nyakupfundza pinafunika iye kucita toera apitirize kuwangisa uxamwali wace na Yahova.
Towezerani Yezu
3. Phedzani nyakupfundza toera akhazikise pifuno na kupikwanirisa.
-
Phatisirani khundu yakuti “Yeserani kucita ipi” inagumanika mu nsolo ubodzi na ubodzi wa bukhu Tsandzayani na Umaso Kwenda na Kwenda!
-
Phedzani nyakupfundza wanu toera adziwe pinafunika iye kucita toera akwanirise pifuno pyace pya ndzidzi wakucepa na pya ndzidzi uzinji.
-
Ndzidzi onsene simbani nyakupfundza wanu thangwi ya kuthambaruka kunacita iye.
4. Dziwani pinthu pinacitisa nyakupfundza wanu kuti akhonde kuthambaruka, pontho m’phedzeni toera apikunde.
-
-
‘Khala nyakupfundza wanga nee akuthambaruka toera kubatizwa, ninji cinampingiza?’
-
‘Ndinacitanji toera kum’phedza?’
-
-
Citani phembero toera mulonge mwaufuni, pontho mukhonde kum’bisira pinafunika iye kucita.
5. Siyani kupfundza na munthu wakuti nee akuthambaruka.
-
Bvundzikani tenepa toera kudziwa khala nyakupfundza wanu akuthambaruka:
-
‘Nyakupfundza wanga asaphatisira pinapfundza iye?’
-
‘Kodi iye asagumanika pa misonkhano ya mpingo, pontho asapanga anango mphangwa zadidi?’
-
‘Khala iye atoma kale kupfundza, kodi iye ali na cifuno cakukhala m’bodzi wa Mboni za Yahova?’
-
-
Khala nyakupfundza Bhibhlya nee akuthambaruka:
-
Mbvundzeni toera anyerezere kuti ninji cinampingiza kuti akhonde kuthambaruka.
-
Munjira yadidi, mpangeni kuti thangwi yanji munasiya kupfundza naye.
-
Mpangeni pinafunika iye kucita mbamudzati kupfundza naye pontho.
-
