Bɔ Yesu Yɛle Ɔ

Bɔ Yesu Yɛle Ne, Nzu Yeɛ Yesũa Yefi Nu Ɔ?

2. Ɔwɔ nu kyɛ yɛdɔ yɛ Bible asũafoɛ nemɔ, nakoso nikyee deinn bɔ bɛyɛ a ɔkɔmaa bɛne Yehowa kɔfa adamvoa ne, odikyɛ yɛmaa benwu ye. Ɔnzɛkyɛ yɛfa nikyee biala yɛfea bɛ.

 Suesũa Bɔ Yesu Yɛle Ne

3. Boka wɔ sũaniɛ ne ma ɔfa botayɛɛ bie sie yenye so, na odwu yenwo. Bɔ ɛkɔhora kɔyɛ ne, ebie ɛhe:

1.    “Botayɛɛ” ahoroɛ bɔ ɔwɔ Nya Asetena Nu Anigye Daa! nwomaa nanu ne, fa bie boka ye.

2.   Botayɛɛ ahoroɛ bɔ ɔpena kyɛ odwu yenwo kesaalae, ɔne bɔ ɔpena kyɛ odwu yenwo kyẽabie ne, maa onwu nikyee pɔtẽe bɔ ɔyɛ a, ɔkɔboka ye maa okodwu yenwo ɔ.

3.   Sɛ ɔkora dwu botayɛɛ bɔ wafa wasie yenye so nanwo a, kamvo ye.

4. Sɛ wɔ sũaniɛ ne ngora ngɔ ye nyunu wɔ Yehowa sõen nu a, bɔ mmɔden kyɛ ekonwu bɔ ɔha ye ɔ, na boka ye.

1.    Bisa wɔnwo kyɛ:

   • ‘Sɛ me sũaniɛ ne bɔlle asu a, nzu yeɛ osi ye atẽe ɔ?’

   • ‘Nzu yeɛ odikyɛ meyɛ mefa meboka ye ɔ?’

2.   Ɔnate kyɛ ɛdɔ wɔ sũaniɛ nati, nnɛfa nikyee biala fea ye, na mmom maa onwu nikyee deinn bɔ odikyɛ ɔyɛ ɔ. Nakoso sɛ ɛkɔhora kɔyɛ sɔ a, srɛ Yehowa kyɛ ɔma wɔ akokoduro.

5. Sɛ sona ne yɛlle y’adwene kyɛ ɔkɔfa bɔ osũa ne kɔyɛ adwuma a, yakyi adesũa ne.

1.    Sɛ ɛpena kyɛ enwu kyɛ bɔ ɛmɔ sũa ne, nikyee pá bie kofi nu kɔwa a, bisa wɔnwo kyɛ:

   • ‘Aso bɔ osũa ne, ɔfa yɛ adwuma?’

   • ‘Ɛyɛ a ɔba asafo nhyiamu, na bɔ osũa ne koso ɔkã yenwo dwirɛ kyire afoforɛ?’

   • ‘Ebia ɛne ye asũa nikyee ahyɛ, nakoso ɛnea a, yenye gye yenwo kyɛ ɔkɔyɛ Yehowa Danzeniɛ anaa?’

2.   Sɛ Bible sũaniɛ ne nguro kyɛ ɔfa bɔ osũa ne yɛ adwuma a:

   • Má ɔhã bɔ yeti yeɛ ɔyɛ se ma ye kyɛ, ɔkɔfa bɔ osũa ne kɔyɛ adwuma ne ohyire wɔ.

   • Má onwu kyɛ ɛpena kyɛ ɛyakyi adesũa ne, na to wɔ boase kyirekyire nu kyire ye.

   • Má onwu kyɛ, sɛ ɔpena kyɛ ɔtoa adesũa naso a, ɔkɔhora kɔhã kohyire wɔ. Afei maa onwu bɔ odikyɛ ɔyɛ kora ná ɛmɔ ahora batoa so ɔ.