Ino ty Nataoni-Jesosy?

Ino ty Ianarantsika Baka amy Jesosy?

2. Mila asehontsika ani-mpianatsintsika iny hoe teantsika ie, fe mila resahintsika aminy mivanta koa ty raha tokony hataony mba hahavy azy hifandramby soa amy Jehovah avao.

 Tahafo Jesosy

3. Ampeo mpianatsinao iny mba hana raha kendrè noho hanatratsy ani-raha zay.

1.   a. Ampiasao ty efajoro hoe “Raha Kendrè”, amy fianara kiraidraiky amy boky Ho Azonao Tavy ty Fiaina Zisiky Farany!

2.  b. Ampeo mpianatsinao iny mba hahay hoe ino ty hataony laha misy raha kendrè kelikely na bevata mila tratsiriny.

3.  d. Derao avao mpianatsinao iny saky misy ezaky vitany.

4. Anovo hay hoe ino ty raha manaka ani-mpianatsinao iny tsy handroso, le ampeo ie mba handresy ani-raha zay.

1.    Eritsereto zao:

   • ‘Ino ty manaka ani-mpianatsiko iny tsy hatao batisa?’

   • ‘Ino ty azoko atao mba hanampea azy?’

2.   Mivavaha mba hana herim-po hahavitanao hiresaky amy mpianatsinao iny ze raha mila ataony, sady mba ho soa fanahy lafa manao ani-zay.

5. Ajanono fianara iny lafa tsy mety mandroso mpianatsy iny.

1.    Akory ty hahaizanao hoe mandroso va mpianatsinao iny sa tsy mandroso? Eritsereto zao:

   • ‘Manoriky ze raha ianarany va ie?’

   • ‘Mivory va ie sady miresaky fahamarina amin’olo hafa?’

   • ‘Mba maniry ho lasa Vavolombeloni-Jehovah va ie laha hentea halavani-fotoa nianarany Baiboly zay?’

2.   Laha tsy mety mandroso mihintsy ty olo raiky, le:

   • Ampirisiho ie mba hieritseritsy hoe ino ty raha mety manaka azy.

   • Hazavao aminy hoe manino iha ro mampijano ani-fianara iny, fe miezaha ho soa fanahy lafa manao ani-zay.

   • Volano aminy hoe ino ty ezaky mila ataony laha teany hitohy ndraiky ty fianarany.