Kibaadi Yesu mukite

Kinyi ki’atulongiela kui Yesu?

2. Abitungu tuleshe kifulo, anka abitungu dingi tuleshe mulongi etu patooka kiadi mulombene kukita bua’shi atungunukie na kuifubuila peepi na Yehowa.

 Ambula Yesu

3. Kuasha mulongi oobe buadia kuifundila bipatshila na kuibilombasha.

1.    Fubisha kipindi akiamba’shi “Kepatshila” ki mu dilongiesha dioso dia We kuikala na muloo bua loso!

2.   Kuasha mulongi oobe a Bible buadia kuuka akitungu’shi akite bua kulombasha bipatshila abiata mafuku apeela, mpa na abiata mafuku ebungi.

3.   Ikala na kiubishi kia kutumbula mulongi oobe bua bia kuete kuenda kumpala mu kikudi.

4. Uuka mianda ayikutshisha mulongi bua kuenda kumpala mu kikudi, na omukuashe bua kuiyikambila.

1.    Eyipushe’shi:

   • ‘Su mulongi ande t’ende kumpala bua kubatshishibua, kinyi akimukutshisha?’

   • ‘Nkinyi kiandia kukita bua kumukuasha?’

2.   Teka bua kupeta eshimba dinyingie bua’shi olungule mulongi oobe mianda yoso ayitungu’shi akite patooka, na webikite na kifulo.

5. Imika kulonga Bible na muntu sh’ende kumpala.

1.    Bua kuuka su mulongi oobe a Bible kuete kuenda kumpala mu kikudi, eyipushe’shi:

   • ‘Mulongi ande a Bible kuete kutumikila mianda ya kuete kulonga su?’

   • ‘Kuete kutuela mu bisangilo, na kulungula bangi bia binyibinyi bia kuete kulonga su?’

   • ‘Kunyima kuaye kulonga munda mua mafuku ebungi, e na lukalo lua kuikala Kamonyi ka Yehowa su?’

2.   Su mulongi a Bible t’akumiina kuenda kumpala mu kikudi:

   • Muipushe akimukutshisha kuenda kumpala mu kikudi.

   • Na kalolo koso, mupatuluile buakinyi okiebe kuimika naye kulonga.

   • Mulungule kiadia kukita kumpala kua’shi nuakabanguula kulonga.