HA U ETSA BARUTUOA
THUTO EA 12
E-ba Sebete
Keletso ea Bibele: “Oli le libano li thabisa pelo joaloka motsoalle ea u khalemelang a se na boikaketsi.”—Liprov. 27:9.
Jesu o Ile a Etsa’ng?
1. Shebella VIDEO kapa u bale Mareka 10:17-22 ebe u araba lipotso tse latelang:
Re ka Ithuta’ng Mohlaleng oa Jesu?
2. Re lokela ho bontša batho bao re ithutang le bona hore rea ba rata le ho ba bolella ka tsela e hlakileng seo ba lokelang ho se etsa e le hore ba ka tsoela pele ba matlafatsa kamano ea bona le Jehova.
U ka Etsisa Jesu Joang?
3. Thusa motho eo u ithutang le eena ho finyella lintho tseo a batlang ho li etsa.
-
Sebelisa karolo ea “Seo U ka se Etsang” e hlahang khaolong ka ’ngoe ea buka ea U ka Thaba ka ho sa Feleng!
-
Mo thuse ho tseba lintho tseo a lokelang ho li etsa le hore na a ka li finyella joang ebang ke tseo a batlang ho li finyella haufinyane kapa nakong e tlang.
4. Tseba lintho tse sitisang motho eo u ithutang le eena ho etsa liphetoho u be u mo thuse hore a li hlole.
-
-
‘Haeba a sa etse liphetoho tse bontšang hore o batla ho kolobetsoa, ke’ng e mo sitisang?’
-
‘Nka etsa’ng ho mo thusa?’
-
-
Rapella hore u be sebete sa ho bua le eena ka tsela e hlakileng ka lintho tseo a lokelang ho li etsa empa e le ka tsela e bontšang hore oa mo rata.
5. Khaotsa thuto haeba a sa etse liphetoho.
-
Hlahloba hore na motho eo u ithutang le eena o etsa liphetoho ka ho ipotsa lipotso tse latelang:
-
‘Na o sebelisa lintho tseo a ithutang tsona?’
-
‘Na o ba teng libokeng le ho bolella batho ba bang lintho tseo a ithutileng tsona?’
-
‘Na o batla ho ba e mong oa Lipaki Tsa Jehova kamor’a ho ithuta?’
-
-
Haeba a sa ikemisetsa ho etsa liphetoho:
-
Mo botse hore na o sitisoa ke’ng.
-
Mo hlalosetse ka mosa hore na ke hobane’ng ha u khaotsa thuto.
-
Mo hlalosetse hore na o lokela ho etsa’ng e le hore le ka ithuta hape nakong e tlang.
-