Nuabu Yesu Kiswama

Anyoika bo Nuisisiauni Oni Kaneejai Yesu?

2. Ibusakinit oni einer keda esisiakawok ketodunitos amin konye ketacaikinitos kesi nuibusakinit aswam tetere inyikokinete aikunyakin neejai Yawe.

 Koputo Yesu

3. Kingarak esisianikon aitolomunun alosikineta ka aitodolikin da.

1.    Kitwasam atutubet “Nuebeit Ijo Aitodolikin” nakotoma nginisisiaet nakoitaabo Olelak Aijar Ikar Kere!

2.   Ingarak esisianikon ajenun nuibusakinit aswam kanu aitodolikin alosikineta nuka apak naedit keda nuka apak naepol.

3.   Kisiyalamik esisianikon duc kanu apol naetodu ngesi kotoma omoyo.

4. Kojenu iboro luimikitos esisianikon apol kotoma omoyo, kosodi aingarakin ngesi aipikor.

1.    Kingitakin ber ijo ebe:

   • ‘Arai mam esisianika ewuta apol ka adolokin aibatisao, inyoin bo imikit nges?’

   • ‘Anyoika bo nuapedori eong aswam kanu aingarakin nges?’

2.   Kilip atiting kaneejai Yawe kanu jo alimokin keitena esisianikon nuibusakinit aswam konye kitodunite amin.

5. Kitanang aisisia keda ngul lumam eutasi apol.

1.    Kanu ajenun arai euta esisianikon apol kingitakin ebe:

   • ‘Ibwaikinit kereka esisianika toma aswamisioit akiro nuisisiai ngesi?’

   • ‘Ejaunun kereka ngesi airiamununeta nuka atukot ido elimonokini kereka ngesi luce da akiro nukajokak?’

   • ‘Akaulo ngesi adaun apak isisiaete keong, ekoto kereka ngesi araun idiopet ka Ajenak Luka Yawe?’

2.   Arai mam esisian ekoto apol:

   • Kolimok ngesi aomoom nuikamunitos iboro luimikitos nges apol.

   • Kitodunite asianut, kitetemik ngesi kanuinyo itanangia ijo aisisia keda nges.

   • Kitejenik nges nuibusakinit ngesi aswam eringa jo ebongokina aisisia Ebaibuli ka nges.