PAGGAWA NG MGA ALAGAD
ARALIN 12
May Lakas ng Loob
Prinsipyo: “Ang langis at insenso ay nagpapasaya sa puso; gayon din ang pagkakaibigang pinapatibay ng taimtim na pagpapayo.”—Kaw. 27:9.
Ang Ginawa ni Jesus
1. Panoorin ang VIDEO, o basahin ang Marcos 10:17-22. Pagkatapos, pag-isipan ang sumusunod na mga tanong:
-
Anong magagandang katangian ang posibleng nakita ni Jesus sa tagapamahala?
-
Bakit kaya kinailangan ni Jesus ng pag-ibig at lakas ng loob para mapayuhan ang lalaki?
Ang Matututuhan Natin kay Jesus
2. Matutulungan nating sumulong ang Bible study natin kung magiging prangka tayo sa kaniya pero ginagawa iyon sa maibiging paraan.
Tularan si Jesus
3. Tulungan ang Bible study mo na magkaroon at umabot ng mga goal.
-
Gamitin ang bahaging “Subukan Ito” sa bawat aralin ng Masayang Buhay Magpakailanman.
-
Tulungan siyang malaman ang mga dapat niyang gawin para maabot ang mga short-term at long-term goal niya.
-
Regular siyang komendahan sa nagagawa niyang pagsulong.
4. Alamin ang mga pumipigil sa pagsulong niya, at tulungan siyang malampasan ang mga iyon.
-
Pag-isipan:
-
‘Kung hindi sumusulong ang Bible study ko tungo sa bautismo, ano kaya ang nakakahadlang sa kaniya?’
-
‘Ano ang maitutulong ko sa kaniya?’
-
-
Manalangin para sa lakas ng loob na masabi sa kaniya ang kailangan niyang gawin nang deretsahan pero sa maibiging paraan.
5. Ihinto ang pag-aaral kung hindi siya sumusulong.
-
Para malaman kung sumusulong ang Bible study mo, pag-isipan:
-
‘Isinasabuhay ba niya ang natututuhan niya?’
-
‘Dumadalo ba siya sa pulong at sinasabi sa iba ang katotohanan?’
-
‘Matapos niyang mag-aral nang mahaba-habang panahon, gusto na ba niyang maging Saksi ni Jehova?’
-
-
Kung hindi sumusulong ang isang Bible study:
-
Sabihin sa kaniya na pag-isipan kung ano ang nakakahadlang sa kaniya.
-
Mabait na ipaliwanag sa kaniya kung bakit mo ihihinto ang Bible study.
-
Sabihin sa kaniya kung ano muna ang mga kailangan niyang pasulungin bago kayo mag-study ulit.
-
