FA O DIRA BARUTWA
THUTO 12
Nna Sebete
Molaomotheo: “Leokwane le maswalo di itumedisa pelo; go ntse jalo le ka botsala jo bo molemo jo bo nnang gone ka ntlha ya kgakololo e e tswang pelong.”—Diane 27:9.
Se Jesu a Ileng a se Dira
1. Lebelela BIDIO, kgotsa bala Mareko 10:17-22. Go tswa foo, ipotse dipotso tse di latelang:
Re Ithuta Eng mo go Jesu?
2. Le fa re rata batho ba re ithutang le bone, re tshwanetse go ba bolelela se ba tlhokang go se dira gore ba kgone go tswelela ba atamalana le Jehofa.
Etsa Jesu
3. Thusa motho yo o ithutang le ene gore a ipeele mekgele le gore a e fitlhelele.
-
Dirisa karolo ya “Leka go Dira Seno” e e mo thutong nngwe le nngwe mo bukeng ya Itumelele go Tshelela Ruri!
-
Thusa motho yo o ithutang le ene gore a itse gore o tshwanetse go dira eng gore a fitlhelele mekgele e a ipeetseng yone.
4. Leka go bona gore ke eng se se dirang gore motho yo o ithutang le ene a se ka a dira diphetogo, mme o mo thuse.
-
-
‘Ke eng se se dirang gore motho yo ke ithutang le ene a se ka a kolobediwa?’
-
‘Nka mo thusa jang?’
-
-
Kopa Jehofa gore a go thuse gore o nne le sebete sa go tlhalosetsa motho yo o ithutang le ene gore o tshwanetse go dira eng.
5. O se ka wa tswelela o ithuta le motho fa a sa dire diphetogo.
-
Leka go bona gore a motho yo o ithutang le ene o dira diphetogo. Ipotse go re:
-
‘A o dirisa se a se ithutang?’
-
‘A o tla dipokanong e bile o bolelela ba bangwe se a se ithutang?’
-
‘Fa e le gore o na le nako e telele a ithuta, a o batla go nna Mosupi wa ga Jehofa?’
-
-
Fa e le gore motho yo o ithutang le ene ga a dire diphetogo:
-
Mmotse gore ke eng se se ka tswang se dira gore a se ka a dira diphetogo.
-
Mo tlhalosetse gore ke eng fa o emisa thuto.
-
Mmolelele gore o tshwanetse go dira eng fa e le gore o batla go boa a ithuta gape mo nakong e e tlang.
-
