KUGWASYA BANTU KUBA BASIKWIIYA
CIIYO 12
Kutayoowa
Njiisyo: “Mafwuta alimwi atununkilizyo zipa kuti moyo ukondwe; mbocibede acalo cilongwe cibotu ciboola akaambo kakupegwa lulayo luzwa ansi aamoyo.”—Tus. 27:9.
Ncaakacita Jesu
1. Amweebelele VIDIYO, naa kubala Marko 10:17-22. Mpoonya mubandike mibuzyo iitobela:
Ncinzi Ncotwiiya Kuli Jesu?
2. Tweelede kubandika caluyando pele cakutainda mumbali abasikwiiya besu kutegwa tubagwasye kuyaambele kumuuya.
Amumwiiye Jesu
3. Amumugwasye sikwiiya wanu kulibikkila mbaakani akuzizuzikizya.
-
Amubelesye cibeela cakuti “Mbaakani” muciiyo cimwi acimwi mubbuku lya Amupone Kukabe Kutamani!
-
Amumugwasye sikwiiya wanu kuzyiba ntaamu zyacigaminina nzyayelede kubweza kutegwa acikonzye kuzuzikizya mbaakani zisyoonto-syoonto alimwi azipati-pati.
-
Lyoonse amumulumbe sikwiiya wanu akaambo kakuyaambele nkwacita.
4. Amuzizyibe zintu zilesya sikwiiya wanu kuyaambele alimwi akumugwasya kutegwa azizunde.
-
-
‘Ikuti sikwiiya wangu katayaambele kusika antaamu yakubbapatizyigwa, ino ncinzi cimulesya?’
-
‘Ino ncinzi ncondikonzya kucita kutegwa ndimugwasye?’
-
-
Amupaile kutegwa mutayoowi kubandika cakutainda mumbali, pele caluyando amumutondezye ncayelede kucita sikwiiya wanu.
5. Amucileke kwiiya abasikwiiya batayaambele.
-
Amubone naa sikwiiya Bbaibbele wanu ulimukuyaambele kwiinda mukulibuzya mibuzyo eeyi:
-
‘Sena ulazibelesya nzyaiya?’
-
‘Sena ulajanika kumiswaangano alimwi akwaambila bamwi kasimpe?’
-
‘Ikuti wali kwiiya kwaciindi cili mbocibede, sena ulayanda kuba umwi wa Bakamboni ba Jehova?’
-
-
Ikuti sikwiiya Bbaibbele katalibambilide kuyaambele:
-
Amumwaambile kuti alange-lange icimulesya kuyaambele.
-
Caluzyalo amumupandulwide kaambo ncomuyanda kucilekela kwiiya anguwe.
-
Amumwaambile ncayelede kuyoocita kuti kayanda kuyootalika kwiiya alimwi.
-
