Nzyaakachita Jesu

Twiiyaanzi Kuzwa Kuli Jesu?

2. Tweelede kutondeezya bantu mbitwiiyaabo luyando pesi tubazwide aantanganana kuzintu nzibeelede kuchita kuti bakomene mubukombi.

 Tobelezya Jesu

3. Gwasya muntu ngwiiyaawe kuti azibe nzyayelede kuchita alubo azichite.

1.    Belesya kabbokesi kati, “Nzweelede Kuchita” kali muchiiyo chimwi achimwi muli Mbukonzya Kubotelwa Mubuumi Kukabe Kutamani!

2.   Gwasya muntu ngwiiyaawe kuti asale zintu zipati aziniini ambakonzya kuzizuzikizya.

3.   Lumba muntu ngwiiyaawe chiindi choonse kuti kalikwiinkilila kunembo.

4. Ziba zintu zilikumukachizya kuti ayinkilile kunembo alubo umugwasye kuti azizunde.

1.    Libuzye kuti:

   • ‘Niinzi zilikukachizya muntu ngundiiyaawe Bbayibbili kuti achite zintu zipa kuti ayelele kubbabbatizigwa?’

   • ‘Niinzi nzindikonzya kuchita kuti ndimugwasye?’

2.   Kombela kuba aachibindi kuti umuzwide aantanganana muntu ngulikwiiyaawe kuzintu nzyayelede kuchita alubo kulikumutondeezya luyando.

5. Yimikila kwiiya aamuntu uutali kubelesya zintu nzyalikwiiya.

1.    Bona kuti muntu ngulikwiiyaawe Bbayibbili ulikubelesya zintu nzyalikwiiya kwiinda mukulibuzya kuti:

   • ‘Muntu ngundiiyaawe ulikuzibelesya na nzyalikwiiya?’

   • ‘Ulasika na kumiswaangano yambungano akubuzya bamwi atala anzyayiya?’

   • ‘Kuti waba achiindi chilamfu kalikwiiya, ulayanda na kuba Kamboni waJehova?’

2.   Kuti muntu ngulikwiiyaawe katali kwiinkilila kunembo:

   • Mubuzye kuti ayeeye kuti niinzi zilikumukachizya kuti ayinkilile kunembo.

   • Munzila yabupampu, mupandulwide kuti nkamboonzi nimwayimikila kwiiya.

   • Mubuzye kuti niinzi nzyayelede kuchita kuti muzoosaangune lubo kwiiya muchiindi chili kunembo.