KUZGORA ŴANTHU KUŴA ŴASAMBIRI
SAMBIRO 12
Chikanga
Fundo: “Mafuta na vyakununkhira vikukondweska mtima. Ndimo uliri ubwezi uwemi wakujintha pa ulongozgi wakovwira.”—Zinth. 27:9.
Ivyo Yesu Wakachita
1. Wonelerani VIDIYO, panji ŵazgani Mariko 10:17-22. Kufuma apo zgorani mafumbo ghakulondezgapo agha:
Kasi Tikusambirako Vichi kwa Yesu?
2. Apo tikovwira ŵasambiri ŵithu kuti ŵakure mwauzimu tikwenera kuyowoya nawo mwachitemwa kweni mwambura kubisa.
Yezgani Yesu
3. Wovwirani msambiri kuti wajiŵikire vilato na kuvifiska.
-
Pa sambiro lililose, gwiliskirani ntchito chigaŵa cha “Vyakuti Muchite” mu buku la “Mungakondwa na Umoyo Kwamuyirayira!
-
Wovwirani msambiri winu kuti wamanye ivyo wangachita kuti wafiske vilato vyake vyasonosono panji vyamunthazi.
-
Nyengo na nyengo muwongani msambiri winu para wakukura mwauzimu.
4. Manyani ivyo vikutondeska msambiri winu kukura mwauzimu ndipo movwirani kuti wamarane navyo.
-
-
‘Para msambiri wane wakukura yayi mwauzimu na kubatizika, kasi chikumutondeska ntchivichi?’
-
‘Kasi ningamovwira wuli?’
-
-
Lombani chikanga kuti mudumbiskane nayo mwambura kubisa kweniso mwachitemwa ivyo wangachita kuti wakure mwauzimu.
5. Lekani dankha kusambira na msambiri uyo wakukura yayi mwauzimu.
-
Kuti mumanye usange msambiri winu wa Baibolo wakukura mwauzimu, jifumbani kuti:
-
‘Kasi msambiri wane wakuchita ivyo wakusambira?’
-
‘Kasi wakwiza ku maungano gha mpingo na kuphalirako ŵanji unenesko?’
-
‘Usange mwasambira kwa nyengo yitali, kasi wakukhumba kuŵa yumoza wa Ŵakaboni ŵa Yehova?’
-
-
Para msambiri wakukhumba yayi kukura mwauzimu:
-
Mupemphani kuti waghanaghanirepo ivyo vikumutondeska.
-
Mulongosolerani mwalusungu chifukwa icho mukughanaghanira vya kuleka dankha kusambira nayo.
-
Muphalirani ivyo wakwenera kuchita kuti muzakambireso kusambira nayo.
-
