Mea ne Fai ne Iesu

Se a te Mea e Tauloto ne Tatou Mai i a Iesu?

2. E ‵tau o fai‵pati tonu tatou mo te alofa ki ‵tou tino akoga ke fesoasoani ki a latou ke ga‵solo ki mua i te feitu faka-te-agaga.

 Fakaakoako ki a Iesu

3. Fesoasoani ki tau tino akoga ke fai ne ana fakamoemoega kae kausaki ki ei.

1.   a. Fakaaoga te vaega “Mea e Mafai o Fai” i mataupu takitasi o te tusi Ke Ola ki te Se-Gata-Mai!

2.  e. Fesoasoani ki tau tino akoga ke lavea ne ia a mea kolā e ‵tau o fai ne ia ke fakataunu ana fakamoemoega.

3.  i.  Ke fakamālō atu faeloa ki tau tino akoga ona ko tena gasolo ki mua.

4. Onoono ki mea kolā e taofi aka ne ia te gasolo ki mua o tau tino akoga, kae fesoasoani atu ki a ia ke manumalo i ei.

1.   a. Fesili ifo ki a koe:

   • ‘Kafai a taku tino akoga e se gasolo ki mua ki te tulaga ke papatiso, se a te mea e taofi ne ia a ia?’

   • ‘Se a te fesoasoani aoga e mafai o tuku atu ne au?’

2.  e. ‵Talo ke maua te loto malosi ke fakaasi atu mo te alofa ki tau tino akoga a mea kolā e ‵tau o fai ne ia.

5. Fakagata akoga faka-te-Tusi Tapu kolā e se ga‵solo ki mua.

1.   a. Ke iloilo aka me mata e isi se aoga o te akoga faka-te-Tusi Tapu mai i te fesili ifo ki a koe:

   • ‘E mata, e fakagalue ne taku tino akoga ana mea e tauloto?’

   • ‘E mata, e kau a ia ki fakatasiga a te fakapotopotoga kae faipati atu foki ki nisi tino a munatonu ko iloa ne ia?’

   • ‘Mai tua o se taimi leva ne fai ei tena akoga, e mata e isi se na manakoga ke fai pela me se tokotasi o Molimau a Ieova?’

2.  e. Kafai te tino akoga ki te Tusi Tapu e se fia gasolo ki mua:

   • Fesili ki ei ke mafaufau ki te pogai e se mafai ei a ia o gasolo ki mua.

   • Fakamatala ki ei mo te atafai te pogai kaia ko fakagata ei ne koe te akoga.

   • Fai ke iloa ne ia a mea e ‵tau o fai muamua ne ia a koi tuai o toe kamata tena akoga.