Te bin la spas te Jesús

¿Bin ya yakʼ jnoptik te bin la spas te Jesús?

2. Teme ya jkʼantik te ya xnoptsaj ta stojol Jehová te estudianteetik, ya skʼan ya jkʼopontik sok yutsil koʼtantik. Pero ya skʼan ya kalbeytik ta jamal te bin ya skʼan ya spasike.

 Nopbeya stalel te Jesús

3. Tijbeya yoʼtan yuʼun ayuk bin ya yakʼ ta yoʼtan spasel.

1.    Tuuntesa te recuadro «Pasa awil ini» te ay ta jujun lección yuʼun te libro o folleto Mulana.

2.   Koltaya te estudiante ta snaʼel te bintik ya skʼan ya spas yuʼun ya skʼotes ta pasel te bin staoj ta nopele.

3.   Utsilkʼoptaya te estudiante te bitʼil yak ta yakʼbeyel yipale.

4. Ilawil bintik ya xmakot sok koltaya ta sitintayel.

1.    Jojkʼoybeya aba:

   • «¿Binwan ya xkomot yuʼun ma xyichʼ jaʼ?».

   • «¿Bin ya xjuʼ ya jpas yuʼun ya jkoltay?».

2.   Kʼanbeya te Jehová te yakuk yakʼbat yip awoʼtan yuʼun ya awalbey ta jamal te estudiante te bin ya skʼan ya spas yuʼun ya yakʼbey yipal, pero albeya sok yutsil awoʼtan.

5. Ma xa anojptesix teme maba ya yakʼbey yipal.

1.    Swenta ya anaʼ teme yato anojptese, jojkʼoybeya aba:

   • «¿Yabal spas ta skuxlejal te bin yak ta snopel?».

   • «¿Yabal xkʼot ta tsoblej sok ya scholbey skʼop Dios te yantike?».

   • «Teme jalix yak ta snopel te Biblia, ¿yabal skʼan x-och ta testigo yuʼun Jehová?».

2.   Teme jich yilel te maba ya yakʼbey yipale:

   • Albeya te yakuk yil te bin yak ta makel yuʼune.

   • Cholbeya sok yutsil awoʼtan bin yuʼun te maba ya anojptesixe.

   • Albeya ta jamal te bintik ya skʼan ya spas teme ya skʼan ya schaʼnop te Biblia ta patil.