Obo ri Jesu Ruru

Die Yen Avwanre Yono Mie Jesu?

2. Ofori nẹ e dje ẹguọnọ kẹ ohwo re yono, ẹkẹvuọvo o ji fo nẹ e chirakon vuẹ kpahen obo ro se vwo ru oyerinkugbe rọyen vẹ Jihova ganphiyọ.

 Vwẹrokere Jesu

3. Chọn ohwo rẹ wo yono uko vwo bru ẹkẹn kẹ oma je yanmu ayen.

1.    Reyọ ẹbẹre rẹ “Obo Wo Se Ru” rọhẹ uyono ọvuọvo rẹ ọbe ri Vwo Omavwerhovwẹn Bẹdẹ! na vwo ruiruo.

2.   Chọn ohwo rẹ wo yono uko vwọ riẹn obo rọ sa vwọ yanmu ẹkẹn ride vẹ itete ro bru kẹ oma.

3.   Vwẹ ọkieje vwo jiri ohwo rẹ wo yono na fikirẹ ẹyan obaro rọyen.

4. Riẹn obo re dia eshegberudio vwọ kẹ ẹyan obaro rọyen, wọ me je chọn uko vwo phi ayen kparobọ.

1.    Nọ oma wẹn:

   • ‘Ọ da dianẹ ohwo ri mi yono na yan obarọ vwọ kẹ omaebrophiyame-e, kẹ diesorọ?’

   • ‘Die mi se ru vwọ vwẹ ukẹcha kẹ?’

2.   Nẹrhovwo wo se vwo fiudugberi vwo chirakon vuẹ vwẹ idjerhe rẹ ẹguọnọ kpahen obo ro fori nẹ o ru.

5. Dobọ rẹ uyono rọ yan obaro-o ji.

1.    Riẹn sẹ uyono na yan obaro womarẹ wọ vwọ nọ oma wẹn:

   • ‘Ohwo ri mi yono na ruẹ nene obo ro yono?’

   • ‘O kpo emẹvwa je vuẹ ihwo efa kpahen obo ro yono na?’

   • ‘Ọ da dianẹ o yono ọke grongron re, ọ guọnọ dia ọvo usun rẹ Iseri ri Jihova?’

2.   Ọ da dianẹ ohwo rẹ wo yono na guọnọ yan obaro-o:

   • Gba vuẹ o roro kpahen oboresorọ o vwo siomauko.

   • Vwẹ idjerhe ọghọ, vuẹ oboresorọ wọ cha vwọ dobọ rẹ uyono na ji.

   • Vuẹ obo ro fori nẹ o ru, tavwen wọ ke rhoma ton uyono na phiyọ.