U ITA VHAFUNZIWA
NGUDO 12
Ivhani Na Tshivhindi
Vhulivhisi: “Mapfura na zwioro zwi takadza mbilu; zwo tou ralo na nga khonani dzi eletshedzanaho zwi tshi bva mbiluni.”—Mir. 27:9.
Zwe Yesu A Zwi Ita
1. Ṱalelani VIDIO, kana ni vhale Marko 10:17-22. Nga murahu ni fhindule mbudziso dzi tevhelaho:
Ri Guda Mini Kha Yesu?
2. Ri tea u sumbedza lufuno, fhedzi ri tea u dovha hafhu ra ṱalutshedza nga ho livhaho zwine mugudiswa a nga zwi ita uri a bvele phanḓa a tshi khwaṱhisa vhushaka hawe na Yehova.
Edzisani Yesu
3. Thusani mugudiswa waṋu u ḓivhetshela zwipikwa na u zwi swikelela.
-
Shumisani tshiteṅwa “Lingedzani Hezwi” tshi re kha ngudo iṅwe na iṅwe ya bugu Ḓiphiṋeni Nga Vhutshilo Lwa Tshoṱhe!
-
Thusani mugudiswa u pfesesa zwine a nga zwi ita u itela u swikelela zwipikwa zwa tshifhinga tshipfufhi na zwipikwa zwine zwa ḓo dzhia tshifhinga tshilapfu.
-
Dzulani ni tshi khoḓa mugudiswa waṋu nga mvelaphanḓa ine a khou i ita.
4. Ḓivhani zwine zwa khou thivhela mugudiswa u ita mvelaphanḓa nahone ni mu thuse u kunda zwenezwo zwithithisi.
-
-
‘Arali mugudiswa a sa khou ita mvelaphanḓa uri a fanelee u lovhedzwa, ndi mini zwine zwa khou mu thivhela?’
-
‘Ndi nga mu thusa hani?’
-
-
Rabelani ni humbele tshivhindi tsha u vhudza mugudiswa nga ho livhaho na nga nḓila ya lufuno zwine a tea u zwi ita.
5. Litshani u guda na mugudiswa ane a sa khou ita mvelaphanḓa.
-
Sedzani arali mugudiswa wa Bivhili a tshi khou ita mvelaphanḓa nga u ḓivhudzisa uri:
-
‘Naa u khou shumisa zwine a khou zwi guda?’
-
‘Naa u a ḓa miṱanganoni ya tshivhidzo na u vhudza vhaṅwe zwine a khou zwi guda?’
-
‘Arali o no guda tshifhinga tshilapfu, naa u a ṱoḓa u vha Ṱhanzi Ya Yehova?’
-
-
Arali mugudiswa a sa ṱoḓi u ita mvelaphanḓa:
-
Mu humbeleni uri a humbulisise nga ha uri ndi mini tshine tsha khou mu thivhela u ita mvelaphanḓa.
-
Mu vhudzeni nga nḓila ya vhuthu uri ndi ngani ni sa ḓo bvela phanḓa u guda nae.
-
Mu vhudzeni zwine a fanela u zwi ita uri ni dovhe hafhu ni gude nae.
-