Yesuusi Oottidobaa

Yesuusappe Ay Tamaariyoo?

2. Nu xinaateti ayyaanaaban minnanaadan maaddanawu siiquwan haasayana koshshikkonne, eti oottana bessiyabaa qonccissi yootana koshshees.

 Yesuusa Milata

3. Ne xinaatee halchchuwa kessanaadaaninne hegaa polanaadan maadda.

1.    Merinawu Ufayttada Deˈa! giyo xuufiyan ubba timirttetun deˈiya, “Halchchanabaa” giyagaa goˈetta.

2.   Ne xinaatee mata wodiyawunne adussa wodiyawu halchchidobata polanawu oottana koshshiyabata akeekanaadan maadda.

3.   Ne xinaatee ayyaanaaban minniyo gishshawu ubbatoo galata.

4. Ne xinaatee ayyaanaaban minnennaadan oottiyabata akeeka, yaatada I hegeeta xoonanaadan maadda.

1.    Nena hagaadan oychcha:

   • ‘Ta xinaatee xammaqettanawu koshshiyabata oottiiddi deˈennaba gidikko, A diggiyabay aybee?’

   • ‘Taani A maaddanawu ay oottana danddayiyanaa?’

2.   Ne xinaatee oottana koshshiyabata awu siiquwaninne qonccissa yootanawu xalatettaa demmanawu woossa.

5. Ayyaanaaban minnenna ura xannaˈissiyogaa agga baya.

1.    Ne xinaatee ayyaanaaban minniiddi deˈiyakkonne eranawu nena hagaadan oychcha:

   • ‘Ta xinaatee tamaariyobaa oosuwan peeshshiiddi deˈii?’

   • ‘I gubaaˈe shiiqota shiiqii, qassi tumaa haratussi yootii?’

   • ‘I adussa wodiyawu xannaˈidaba gidikko, Yihoowa Markka gidanawu koyii?’

2.   Geeshsha Maxaafaa xannaˈiya uri laamettanawu koyana xayikko:

   • I ayyaanaaban minnennaadan diggiyabay aybakko A oychcha.

   • Neeni A xannaˈissiyogaa aggiyoy aybissakko hiillan qonccissa.

   • Neeni A xannaˈissiyogaa zaarettada doommanaadan koyikko, I oottana koshshiyabaa yoota.