PANHIMO HIN DISIPULO
LEKSYON 12
Pagin Prangka
Prinsipyo: “An lana ngan insenso nakakapalipay ha kasingkasing; sugad man liwat an maopay nga pagkamagsangkay nga nagtikang ha sinsero nga sagdon.”—Prob. 27:9.
An Ginbuhat ni Jesus
1. Kitaa an VIDEO, o basaha an Marcos 10:17-22. Katapos, batona an masunod nga mga pakiana:
-
Ano an mag-opay nga kalidad nga posible nakita ni Jesus ha batan-on nga magmarando?
-
Kay ano nga kinahanglan ni Jesus ipakita an gugma ngan pagin prangka ha pagsagdon hito nga batan-on?
Ano an Aton Mahibabaroan kan Jesus?
2. Kinahanglan naton ipakita an gugma pero magin prangka liwat ha aton study basi mabuligan hira nga mag-uswag ha espirituwal.
Subara hi Jesus
3. Buligi an imo study nga magkaada hin goal ngan abuton ito.
-
Gamita an kahon nga “An puydi mo buhaton” ha Mabuhi hin Malipayon ha Waray Kataposan!
-
Buligi an imo study nga masabtan an iya mga kinahanglan buhaton basi maabot an iya short-term ngan long-term goal.
-
Pirme kumendasyuni an imo study ha iya pag-uswag.
4. Hibaroi kon ano an nakakaulang ha imo study nga mag-uswag, ngan buligi hiya nga malamposan ito.
-
Pakianhi an imo kalugaringon:
-
‘Kon an akon study diri nag-uuswag salit diri hiya nagigin kwalipikado ha bawtismo, ano an nakakaulang ha iya?’
-
‘Ano an akon maibubulig ha iya?’
-
-
Pag-ampo para hin kaisog basi prangka ngan mahigugmaon nga maisumat ha imo study an kinahanglan niya buhaton.
5. Iundang an pag-aram kon diri nag-uuswag an imo study.
-
Analisara kon nag-uuswag ba an imo study pinaagi ha pagpakiana:
-
‘Igin-aaplikar ba han akon study an iya nahibabaroan?’
-
‘Natambong ba hiya ha mga katirok ngan iginsusumat ha iba an kamatuoran nga iya nahibabaroan?’
-
‘Kon maiha na hiya nga study, karuyag ba niya magin Saksi ni Jehova?’
-
-
Kon an study nadiri mag-uswag:
-
Pakianhi hiya kon ano an posible nga nakakaulang.
-
Isaysay ha buotan nga paagi kon kay ano nga iuundang mo an pag-aram.
-
Isumat ha iya kon ano an kinahanglan niya pauswagon kon karuyag niya magpa-study utro.
-