იესოშ მაგალით

მუშ გურაფა შეილებ იესოშე?

2. ბიბლიაშ მაგურაფალს სულიერო წიმი ულას ქიმეხვარენ, ორაგადე გემუანო, მარა ალალას ოკო უწუე.

 მიაჸუნ იესოშ მაგალითის

3. ქიმეხვარ მაგურაფალს მიზნეფიშ დასახვას დო მენჭირნაფას.

1.   ა) გეგმირინე წიგნიშ „მარადიულო გეხარით ცხოვრებათ!“ ირ გაკვეთილიშ ბოლოს მოჩამილ პუნქტ „მიზან“.

2.  ბ) ქიმეხვარ, ქინანჭას, მუ ოკო აკეთას, მუჭოთ ჭიჭე, თეშ დიდ მიზნეფიშ მიოჭირნაფალო.

3.  გ) ირიათო ქაცქვე, მუჟამსით წიმი მეურს.

4. ქიგეგ, მუ ოცილ სულიერო წიმი ულას დო ქიმეხვარ თიშ გერჯგინას.

1.   ა) ქოკითხ სქან დუდის:

   • მუ ოცილ ბიბლიაშ მაგურაფალს, დინათას?

   • მუჭო შემლებ მივეხვარე?

2.  ბ) ღორონთის გაბედულება ქოთხი, ნამდა შეგალებუას ალალას დო ჸოროფათ ქიჩუე თიწკუმა თიშე, მუთ ოკეთებელ აფჷ.

5. თინა სულიერო წიმი ვემურს-და, მიოტე თიწკუმა გურაფა.

1.   ა) თიშ გინაჭყვიდირალო, ქოღირ დო ვარ გურაფაშ გაგრძელება, ქოკითხ სქან დუდის:

   • ქირინუანსო ცხოვრებას თის, მუდგას გურაფლენს?

   • ქასწრუნო შეხვალამეფს დო ქეჩიებნო ჭეშმარიტებაშენ შხვეფს?

   • ბრელ ხან ქორე გურაფლენს-და, ქაკონო, იეჰოვაშ მოწმეთ გინირთას?

2.  ბ) ბიბლიაშ მაგურაფალს წიმი ულაშ სურვილ ვა უღჷ-და:

   • ქოთხი, დეფიქრას, მუ შილებე ოცილდას წიმი ულას.

   • ტაქტიანო გეუნწყჷ, მუშენ ვაგრძელენქ თიწკუმა გურაფას.

   • გეუნწყჷ, მუ ოკო აკეთას თიშო, ნამდა მომავალს კინ ქეშიალებუას გურაფაშ გაგრძელებაქ.