Yaŵatesile Yesu

Ana Yaŵatesile Yesu Yikutujiganya Chichi?

2. Tukusosekwa kumsalila jwakulijiganya jwetu mwachinonyelo soni mwangapita mumbali yindu yakusosekwa kutenda kuti ajawule pasogolo mwausimu.

 Amsyasyeje Yesu

3. Amkamuchisyeje jwakulijiganya jwawo kuti akole yakulinga soni ayikwanilisyeje.

1.    Akamulichisyeje masengo mbali jakuti “Akole Chakulinga Achi” jajili mu buku ja Asangalaleje Mpaka Kalakala.

2.   Amkamuchisyeje jwakulijiganya jwawo kumanyilila yampaka atende kuti akwanilisye yakulinga yamwanamwana soni yekulungwakulungwa.

3.   Ndaŵi syosope amyamichileje jwakulijiganya jwawo ligongo lyakwawula kwakwe pasogolo.

4. Amanyilileje yayikumtendekasya jwakulijiganya jwawo kuti akajawula pasogolo soni amkamuchisyeje.

1.    Aliwusyeje kuti:

   • ‘Ana ni yindu yapi yayikumtendekasya jwakulijiganya jwangu kuti akasaka kubatisidwa?’

   • ‘Ana mpaka namkamuchisye chamtuli?’

2.   Amŵendeje Yehofa kuti ŵakamuchisye kuŵa ŵakulimba mtima ni chakulinga chakuti akakombole kumsalila mwangapita mumbali soni mwachinonyelo yindu yakusosekwa kutenda jwakulijiganya jwawo.

5. Aleche kulijiganya ni mundujo naga ngakwawula pasogolo mwausimu.

1.    Kuti amanyilile naga jwakulijiganya jwawo akwawula pasogolo akusosekwa kuliwusya kuti:

   • ‘Ana jwalakwe atandite kukamulichisya masengo yindu yakulijiganya?’

   • ‘Ana akusasimanikwa pamisongano ja mpingo soni akusiŵasalila ŵane yakulijiganya?’

   • ‘Panyuma pakulijiganya kwa kandaŵi, ana jwalakwe akusaka kuŵa jwa Mboni sya Yehofa?’

2.   Naga jwakulijiganya jwawo ngakusaka kwawula pasogolo mwausimu:

   • Amwusye kuti asale yindu yayikumtendekasya kuti akajawula pasogolo mwausimu.

   • Amsalile mwalunda ligongo lyakwe asagwile yakuti aleche kaje kumjiganya.

   • Amsalilesoni yindu yampaka atende kuti chatandilesoni kumjiganya.