AZizọs aḅẹm mọ awe iiḅi arokpom kolegheri ni igey phọ mem dị onhaghạn. (Jọn 10:4, 27) Kụ iḍighi kụ mem dị yira roḅaanhaạn we, ewạ ni mọ omhiighom igey aBaibul dị edugh onhaghanhạn. Nạ atue ni amiighom esi opuru mọ: “Nạ alegheri ni mọ . . . ?” obobọ “Nạ manhaghạn ghan ni mọ . . . ?” Kụ aạl esi obobọ riisi aBaibul dị egbạ eegholhomhi igey aBaibul phọ. Yira kotue ni ozụph igey phọ ekpom oye esi omhiighom r’igey aBaibul dị edugh onhaghanhạn, kụ Enhaạn katue ni aḍighi idị kepoph!—1 Kọr. 3:6, 7.

•  Ilọ Aghisigh Phọ

•  Eghun-otu

•  Enhaạn

•  Iiḅereghị

•  AZizọs

•  Omhạr K’Enhaạn

•  Imhinhimhiịn

•  Aḍuugh

•  Aruukụ Iiḅereghị

 ILỌ AGHISIGH PHỌ

1. 1. Araraạr phọ remiteghu bọ r’araagharạ awe eḍeenhaan mọ moọny amem araraạr kenmia ni.—Mat. 24:3, 7, 8; Luk 21:10, 11; 2 Tim. 3:1-5.

2. 2. Ko/piemhi ni bịn de phọ. —Ps. 104:5; Eccl. 1:4.

3. 3. Koḅilhẹ ni onighemhị de phọ.—Isa. 35:1, 2; Ogan. 11:18.

4. 4. Oomo awe komaạr omoon loor.—Isa. 33:24; 35:5, 6.

5. 5. Nạ katue ni atọl siẹn ade phọ k’agee-pọ.—Ps. 37:29; Mat. 5:5.

 EGHUN-OTU

1. 6. Olom ‘aphomhoghiạn ghan anhịr phọ odị idiphọ aloor phọ odị.’ —Efẹ. 5:33; Kọl. 3:19.

2. 7. Anhịr alhọgh eghuan olom mọ odị.—Efẹ. 5:33; Kọl. 3:18.

3. 8. Olom aḅạr anhịr odị ḅilhẹ anhịr aḅạr olom odị.—Mal. 2:16; Mat. 19:4-6, 9; Hib. 13:4.

4. 9. Anmụny dị rolọgh ghan eegu koḅilhẹ onhaghanhạn odẹ r’onhiin abidị komoọgh ni ekol.—Prov. 1:8, 9; Efẹ. 6:1-3.

 ENHAẠN

1. 10. Enhaạn amoọgh ni ḍien.—Ps. 83:18; Jer. 10:10.

2. 11. Enhaạn ruḅaanhaạn ghan ni iyira.—2 Tim. 3:16, 17; 2 Pit. 1:20, 21.

3. 12. Enhaạn re/Iọgh ghan oye iiseẹny.—Deut. 10:17; Iiḍ. 10:34, 35.

4. 13. Enhaạn rawạ ni olhoghonhaạn ayira ḍighaạgh.—Ps. 46:1; 145:18, 19.

  IIḄEREGHỊ

1. 14. Enhaạn rawạ mọ yira ooḅereghị ghan oḅenhị nyodị.—Ps. 62:8; 65:2; 1 Pit. 5:7.

2. 15. ABaibul phọ utughemhị iyira ilọ ooḅereghị ghan.—Mat. 6:7-13; Luk 11:1-4.

3. 16. U/gbạ ghan mem ooḅereghị ghan.—Mat. 7:7, 8; 1 Tẹs. 5:17.

 AZIZỌS

1. 17. AZizọs aḍighi ni ogbogh otughemhiạ dị oromha phọ odị ramoọgh ghan ni ekol mem dị oḍighinhom.—Mat. 6:14, 15, 34; 7:12.

2. 18. AZizọs aghaạph ni ilọ araraạr phọ remiteghu bọ rodon.—Mat. 24:3, 7, 8, 14; Luk 21:10, 11.

3. 19. AZizọs oọny Enhaạn.—Mat. 16:16; Jọn 3:16; 1 Jọn 4:15.

4. 20. AZizọs k/Enhaạn Oomo Iikpọ.—Jọn 14:28; 1 Kọr. 11:3.

 OMHẠR K’ENHAẠN

1. 21. Omhạr phọ Enhaạn aḍighi gomẹt dị odi epẹ k’akẹ.—Dan. 2:44; 7:13, 14; Mat. 6:9, 10; Ogan. 11:15.

2. 22. Omhạr phọ Enhaạn kapiemhi ni itooghị awe.—Ps. 2:7-9; Dan. 2:44.

3. 23. Omhạr phọ Enhaạn bịn kụ katue asiemhi eekunha iiḅaghamhị omhạr awe.—Ps. 37:10, 11; 46:9; Isa. 65:21-23.

 IMHINHIMHIỊN

1. 24. Enhaạn kụ ra/kọm ghan imhinhimhiịn phọ ayira.—Deut. 32:4; Jems 1:13.

2. 25. ASetan kụ ratooghị aḅirinhi phọ.—Luk 4:5, 6; 1 Jọn 5:19.

3. 26. Enhaạn ramiịn ghan ni mem dị nạ ramiinhọm kụ rawạ ni olhoghonhaạn anạ ḍighaạgh.—Ps. 34:17-19; Isa. 41:10, 13.

4. 27. Moọny amem Enhaạn kasiemhi ni eekunha imhinhimhiịn.—Isa. 65:17; Ogan. 21:3, 4.

 AḌUUGH

1. 28. Buphẹ momuughu bọ u/legheri mun iyaạr; bidị ro/miinhọm kẹn.—Eccl. 9:5; Jọn 11:11-14.

2. 29. Buphẹ momuughu bọ ko/tue ulhoghonhaạn iyira ḍighaạgh obobọ uḍighi iyira iyaạr.—Ps. 146:4; Eccl. 9:6, 10.

3. 30. Koḅerion ni buọ ephomhoghiạn phọ ayira momuughu bọ.—Job 14:13-15; Jọn 5:28, 29; Iiḍ. 24:15.

4. 31. “Aḍuugh ke/tọl mun.”—Ogan. 21:3, 4; Isa. 25:8.

 ARUUKỤ IIḄEREGHỊ

1. 32. Koo/mo aruukụ iiḅereghị kụ iḅeraạn Enhaạn.—Jer. 7:11; Mat. 7:13, 14, 21-23.

2. 33. Enhaạn akel li we iyạl asinem.—Isa. 29:13; Mic. 3:11; Mạk 7:6-8.

3. 34. Egey ephomhoghiạn kụ edị rosighẹ ghan kolhegheriom egey ekụ iiḅereghị.—Mic. 4:3; Jọn 13:34, 35.