Yecu otito ni jo ma cwinygi atir gibiniang lok ada ka guwinyo. (Jon 10:​4, 27) Pi meno, kare ducu ka waloko ki dano, mitte ni wanywak kwedgi lok ada me Baibul ma niang iye yot. Tem tite lok ada mo kun ipenye ni: “Tika onongo ingeyo ni . . . ?” nyo “Tika ma naka dong iwinyo ni . . . ?” Ci iti ki wang ginacoya mo me tito ada meno. Nywako lok ada mo mayot ki dano twero pito kodi me ada i cwinye, dok Lubanga twero weko kodi meno dongo!—1 Kor. 3:​6, 7.

•  Anyim

•  Kwo me Ot

•  Lubanga

•  Lega

•  Yecu

•  Ker pa Lubanga

•  Peko

•  To

•  Dini

 ANYIM

1. 1. Jami ma waneno tye ka timme i kare-ni kacel ki kit pa dano nyuto ni macok cok-ki agikki piny bibino.—Mat. 24:​3, 7, 8; Luka 21:​10, 11; 2 Tem. 3:​1-5.

2. 2. Pe kibijwero lobo-ni matwal.—Jab. 104:5; Latit. 1:4.

3. 3. Dano pe gibimedde ki balo lobo dok kibiroco lobo doko paradic.—Ic. 35:​1, 2; Yabo 11:18.

4. 4. Dano ducu bibedo ma komgi yot.—Ic. 33:24; 35:​5, 6.

5. 5. Itwero kwo pi naka i lobo kany.—Jab. 37:29; Mat. 5:5.

 KWO ME OT

1. 6. Laco omyero “omar dakone macalo maro kome kene.” —Ep. 5:33; Kol. 3:19.

2. 7. Dako myero obed ki woro matut i kom cware.—Ep. 5:33; Kol. 3:18.

3. 8. Laco ki dako omyero gubed lugen i kingi.—Mal. 2:16; Mat. 19:​4-6, 9; Ibru 13:4.

4. 9. Lutino ma giworo lunyodogi anyimgi bedo maber.—Car. 1:​8, 9; Ep. 6:​1-3.

 LUBANGA

1. 10. Lubanga tye ki nyinge. —Nia 3:15 [lok ma i tere piny]; Jab. 83:​18, NWT.

2. 11. Lubanga loko kwedwa. —2 Tem. 3:​16, 17; 2 Pet. 1:​20, 21.

3. 12. Lubanga pe poko kin dano.—Nwo. 10:17; Tic 10:​34, 35.

4. 13. Lubanga mito konyowa.—Jab. 46:1; 145:​18, 19.

  LEGA

1. 14. Lubanga mito ni waleg bote.—Jab. 62:8; 65:2; 1 Pet. 5:7.

2. 15. Baibul pwonyowa kit me lega.—Mat. 6:​7-13; Luka 11:​1-4.

3. 16. Omyero waleg kare ducu.—Mat. 7:​7, 8; 1 Tec. 5:17.

 YECU

1. 17. Yecu onongo obedo lapwony madit dok tamme pud tiyo wa i kare-ni.—Mat. 6:​14, 15, 34; 7:12.

2. 18. Yecu oloko i kom jami ma waneno tye ka timme i karewa-ni.—Mat. 24:​3, 7, 8, 14; Luka 21:​10, 11.

3. 19. Yecu obedo Wod pa Lubanga.—Mat. 16:16; Jon 3:16; 1 Jon 4:15.

4. 20. Yecu pe obedo Lubanga Won Twer Ducu.—Jon 14:28; 1 Kor. 11:3.

 KER PA LUBANGA

1. 21. Ker pa Lubanga obedo gamente ma tye ada i polo.—Dan. 2:44; 7:​13, 14; Mat. 6:​9, 10; Yabo 11:15.

2. 22. Ker pa Lubanga bijwero gamente pa dano woko.—Jab. 2:​7-9; Dan. 2:44.

3. 23. Ker pa Lubanga keken aye bijwayo pekki ducu pa dano. —Jab. 37:​10, 11; 46:9; Ic. 65:​21-23.

 PEKO

1. 24. Pe Lubanga aye kelo peko i komwa.—Nwo. 32:4; Yak. 1:13.

2. 25. Catan aye tye ka loyo lobo.—Luka 4:​5, 6; 1 Jon 5:19.

3. 26. Lubanga neno pekoni dok tye ki miti me konyi.—Jab. 34:​17-19; Ic. 41:​10, 13.

4. 27. Macok cok-ki Lubanga bijwayo pekki ducu.—Ic. 65:17; Yabo 21:​3, 4.

 TO

1. 28. Jo muto pe gingeyo gin mo keken; dok pe gitye ka deno can.—Latit. 9:5; Jon 11:​11-14.

2. 29. Jo muto pe gitwero konyowa nyo wanowa.—Jab. 146:4; Latit. 9:​6, 10.

3. 30. Jowa me amara kibicerogi.—Yubu 14:​13-15; Jon 5:​28, 29; Tic 24:15.

4. 31. “To bene dong bibedo pe.”—Yabo 21:​3, 4; Ic. 25:8.

 DINI

1. 32. Pe dini ducu giyomo cwiny Lubanga.—Jer. 7:11; Mat. 7:​13, 14, 21-23.

2. 33. Lubanga dag tim me goba.—Ic. 29:13; Mika 3:11; Mar. 7:​6-8.

3. 34. Lukricitayo me ada gingene pi mar me ada ma ginyuto i kingi.—Mika 4:3; Jon 13:​34, 35.