Иисустыҥ айтканыла, ачык јӱректӱ улус сӱӱнчилӱ јарды угуп, оны чындык деп аайлап ийер (Иоанн 10:4, 27). Оныҥ учун бис кандый ла эптӱ айалгада улуска бу чындыктарды куучындап јадыс. Темдектезе, куучынды мындый сурактаҥ баштап кӧрӱгер: «А слер... билгенеер бе?» эмезе «А слер... укканаар ба?» Оноҥ келишкедий ӱлгер кычырып ийигер. Анайып, кижиниҥ јӱрегине чындыктыҥ ӱрени ӱренделип калар болор, а оны Кудай ӧскӱрер аргалу (1 Кор. 3:6, 7).

•  Келер ӧй

•  Биле

•  Кудай

•  Мӱргӱӱл

•  Иисус Христос

•  Кудайдыҥ Каандыгы

•  Кыйын-шыра

•  Ӧлӱм

•  Кудай јаҥ

 КЕЛЕР ӦЙ

1. 1. Телекейдеги айалганаҥ ла бӱгӱнги улустыҥ кылык-јаҥынаҥ удабас ӱзе неме солынар деп кӧрӱнет (Матф. 24:3, 7, 8; Лука 21:10, 11; 2 Тим. 3:1—5).

2. 2. Јер качан да јоголтылбас (Сар. 104:5; Эккл. 1:4).

3. 3. Јердиҥ экологиязы јаранып, орныктырылар (Иса. 35:1, 2; Ачыл. 11:18).

4. 4. Кажы ла кижи су-кадык болор (Иса. 33:24; 35:5, 6).

5. 5. Слер јердиҥ ӱстинде јажын-чакка јӱрер аргалу (Сар. 37:29; Матф. 5:5).

 БИЛЕ

1. 6. Ӧбӧӧни ӱйин «бойын сӱӱгени чилеп» (ЈТ) сӱӱр учурлу (Эф. 5:33; Кол. 3:19).

2. 7. Ӱйи «ӧбӧӧнин акту јӱрегинеҥ тооп јӱр[ер]» (ЈТ) учурлу (Эф. 5:33; Кол. 3:18).

3. 8. Эш-нӧкӧрлӧр бой-бойына чындык болор учурлу (Мал. 2:16; Матф. 19:4—6, 9; Евр. 13:4).

4. 9. Ада-энезин тооп, олордыҥ сӧзин угуп турган балдар једимдӱ болор (Укаа 1:8, 9; Эф. 6:1—3).

 КУДАЙ

1. 10. Кудайда ады бар (Сар. 83:18; Иер. 10:10).

2. 11. Ол бисле куучындажып јат (2 Тим. 3:16, 17; 2 Пётр 1:20, 21).

3. 12. Ол кемди де ылгабай јат (Јаҥ. т. 10:17; Ап. ижи 10:34, 35).

4. 13. Кудай биске болужарга кӱӱнзеп јат (Сар. 46:1; 145:18, 19).

  МӰРГӰӰЛ

1. 14. Кудай бисти ого мӱргӱзин деп кӱӱнзеп јат (Сар. 62:8; 65:2; 1 Пётр 5:7).

2. 15. Агару Бичикте канайып чын мӱргӱӱр керек деп јарталып калган (Матф. 6:7—13; Лука 11:1—4).

3. 16. Јаантайын мӱргӱӱр керек (Матф. 7:7, 8; 1 Фес. 5:17).

 ИИСУС ХРИСТОС

1. 17. Иисус Христос — улу ӱредӱчи, оныҥ јӧптӧри эмдиги ӧйгӧ јетире тузалу (Матф. 6:14, 15, 34; 7:12).

2. 18. Иисус Христос бӱгӱнги кӱндеги айалганы судурлап салган. Бис оны бойыстыҥ кӧзисле кӧрӱп јадыс (Матф. 24:3, 7, 8, 14; Лука 21:10, 11).

3. 19. Иисус Христос — Кудайдыҥ Уулы (Матф. 16:16; Иоанн 3:16; 1 Иоанн 4:15).

4. 20. Иисус Христос — Кудай эмес (Иоанн 14:28; 1 Кор. 11:3).

 КУДАЙДЫҤ КААНДЫГЫ

1. 21. Кудайдыҥ Каандыгы — теҥериде чын ла бар башкару (Дан. 2:44; 7:13, 14; Матф. 6:9, 10; Ачыл. 11:15).

2. 22. Кудайдыҥ Каандыгы улустыҥ башкаруларын солыыр (Сар. 2:7—9; Дан. 2:44).

3. 23. Јӱк ле бу башкару улустыҥ уур-кӱчтериниҥ аайына чыгар (Сар. 37:10, 11; 46:9; Иса. 65:21—23).

 КЫЙЫН-ШЫРА

1. 24. Улустыҥ кыйын-шыразында Кудай бурулу эмес (Јаҥ. т. 32:4; Иак. 1:13).

2. 25. Телекейле Сатана башкарат (Лука 4:5, 6; 1 Иоанн 5:19).

3. 26. Кудай улустыҥ кыйын-шыразын кӧрӱп јат, болужарга да кӱӱнзеп јат (Сар. 34:17—19; Иса. 41:10, 13).

4. 27. Кудай удабас кыйын-шыраны јоголтор (Иса. 65:17; Ачыл. 21:3, 4).

 ӦЛӰМ

1. 28. Божоп калган улус нени де билбей јат; олор шыралабай да јат (Эккл. 9:5; Иоанн 11:11—14).

2. 29. Олор биске болужып та, каршу да јетирип болбос (Сар. 146:4; Эккл. 9:6, 10).

3. 30. Божоп калган јуук улузыс тирилер (Иов 14:13—15; Иоанн 5:28, 29; Ап. ижи 24:15).

4. 31. «Ӧлӱм де... база болбос» (Ачыл. 21:3, 4; Иса. 25:8).

 КУДАЙ ЈАҤ

1. 32. Кудай јӱк ле бир кудай јаҥды јарадып јат (Иер. 7:11; Матф. 7:13, 14, 21—23).

2. 33. Кудай тӧгӱнди кӧрӧр кӱӱни јок (Иса. 29:13; Мих. 3:11; Марк 7:6—8).

3. 34. Чын кудай јаҥ сӱӱшле аҥыланып јат (Мих. 4:3; Иоанн 13:34, 35).