NDƐ UFLƐ WIE MUN 1
Biblu’n nun ndɛ nanwlɛ nga e kunndɛ kɛ sran’m be si i’n
Zezi seli kɛ be nga be awlɛn’n ti kpa’n, kɛ bé wá tí ndɛ nanwlɛ’n bé wún i wlɛ kpɛkun bé fá su. (Zan 10:4, 27) Ɔ maan blɛ kwlaa nga e nin sran mun e koko yalɛ’n e kunndɛ kɛ é kán Biblu’n nun ndɛ nanwlɛ nga be wlɛ wunlɛ ti pɔpɔ’n i ndɛ é klé be. Sɛ a kunndɛ kɛ á kán Biblu’n nun ndɛ nanwlɛ’n i ndɛ klé sran kun’n a kwla bo i bo kɛ: “?A si kɛ . . . ?” annzɛ “?W’a ti i le kɛ . . . ?” I sin’n, fa Biblu’n nun ndɛ mma ng’ɔ yiyi ndɛ sɔ’n nun’n kle sran’n. Sɛ e bo Biblu’n nun ndɛ nanwlɛ kun su e kle sran’n ɔ ti kɛ y’a lua like sran sɔ’n i awlɛn’n nun sa. Yɛ Ɲanmiɛn yó maan like sɔ’n yó kpa. —1 Kor. 3:6, 7.
E ƝRUN LƆ SA MUN
-
1. Sa nga e wun be dɔ nga su’n, nin sran’m be ayeliɛ’n ɔ kle kɛ ɔ cɛ kan’n ninnge’m bé káci.—Mat. 24:3, 7, 8; Lik. 21:10, 11; 2 Tim. 3:1-5.
-
2. Asiɛ’n su nunnunman le.—Jue. 104:5; Aku. 1:4.
-
3. Cɛn wie lele’n sran’m be su saciman asiɛ’n kun.—Eza. 35:1, 2; Ngl. 11:18.
-
4. Blɛ kun wá jú’n sran’m be su tɔman tukpacɛ kun.—Eza. 33:24; 35:5, 6.
-
5. A kwla tran nguan nun tititi.—Jue. 37:29; Mat. 5:5.
AWLOBO’N
-
6. Ɔ fata kɛ yasua’n “klo i yi kɛ ɔ fa klo i bɔbɔ wun’n sa.”—Efɛ. 5:33; Kol. 3:19.
-
7. Ɔ fata kɛ bla’n i ɲin yi i wun’n i kpa.—Efɛ. 5:33; Kol. 3:18.
-
8. Ɔ fata kɛ be nga b’a ja’n be di nda nga be tali be wiengu’n su titi.—Mal. 2:16; Mat. 19:4-6, 9; Ebr. 13:4.
-
9. Ba nga be ɲin yi be si nin be nin’n be liɛ yó ye.—Ɲan. 1:8, 9; Efɛ. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
ƝANMIƐN
-
10. Ɲanmiɛn le dunman. —Jue. 83:18; Zer. 10:10.
-
11. Ɲanmiɛn kan ndɛ kle e.—2 Tim. 3:16, 17; 2 Piɛ. 1:20, 21.
-
12. Ɲanmiɛn kpaman sran nun.—Mml. 10:17; Yol. 10:34, 35.
-
13. Ɲanmiɛn kunndɛ kɛ ɔ́ úka e.—Jue. 46:1; 145:18, 19.
ƝANMIƐN SRƐLƐ’N
-
14. Ɲanmiɛn kunndɛ kɛ e srɛ i.—Jue. 62:8; 65:2; 1 Piɛ. 5:7.
-
15. Biblu’n kle e wafa ng’ɔ fata kɛ e srɛ Ɲanmiɛn’n.—Mat. 6:7-13; Lik. 11:1-4.
-
16. Ɔ fata kɛ e srɛ Ɲanmiɛn titi.—Mat. 7:7, 8; 1 Tes. 5:17.
ZEZI
-
17. Zezi sili like kle kpa yɛ i afɔtuɛ’m be kwla uka e andɛ.—Mat. 6:14, 15, 34; 7:12.
-
18. Zezi dun mmua boli sa nga e wun be andɛ’n be su.—Mat. 24:3, 7, 8, 14; Lik. 21:10, 11.
-
19. Zezi ti Ɲanmiɛn i wa.—Mat. 16:16; Zan 3:16; 1 Zan 4:15.
-
20. Zezi timan Ɲanmiɛn Kpli. —Zan 14:28; 1 Kor. 11:3.
Based on NASA/Visible Earth imagery
ƝANMIƐN SIELƐ’N
-
21. Ɲanmiɛn Sielɛ’n ti awa jrɛin kun m’ɔ o ɲanmiɛn su lɔ-ɔ.—Dan. 2:44; 7:13, 14; Mat. 6:9, 10; Ngl. 11:15.
-
22. Ɲanmiɛn Sielɛ’n wá núnnún klɔ sran’m be awa mun.—Jue. 2:7-9; Dan. 2:44.
-
23. Ɲanmiɛn Sielɛ’n i kunngba cɛ yɛ ɔ kwla siesie klɔ sran’m be su sa mun-ɔn.—Jue. 37:10, 11; 46:9; Eza. 65:21-23.
ƝRƐNNƐN’N
-
24. Nán Ɲanmiɛn ti yɛ e wun ɲrɛnnɛn-ɔn.—Mml. 32:4; Zak. 1:13.
-
25. Satan yɛ ɔ sie mɛn’n niɔn.—Lik. 4:5, 6; 1 Zan 5:19.
-
26. Ɲanmiɛn wun afɛ nga be o e su’n yɛ ɔ kunndɛ kɛ ɔ́ úka e.—Jue. 34:17-19; Eza. 41:10, 13.
-
27. Ɔ cɛ kan’n Ɲanmiɛn wá yí ɲrɛnnɛn’n.—Eza. 65:17; Ngl. 21:3, 4.
WIE’N
-
28. Be nga be wuli’n be siman sa yɛ be fɛman.—Aku. 9:5; Zan 11:11-14.
-
29. Be nga be wuli’n be kwlá yoman e like yaya yɛ be kwlá ukaman e.—Jue. 146:4; Aku. 9:6, 10.
-
30. E awlɛn su sran nga be wuli’n bé wá cɛ́n.—Zɔb. 14:13-15; Zan 5:28, 29; Yol. 24:15.
-
31. “Wie’n su tranman lɛ kun.”—Ngl. 21:3, 4; Eza. 25:8.
ƝANMIƐN SULƐ’N
-
32. Nán Ɲanmiɛn sulɛ wafa kwlaa yɛ Ɲanmiɛn klun jɔ su-ɔ.—Zer. 7:11; Mat. 7:13, 14, 21-23.
-
33. Ɲanmiɛn ci ninnge nga be yo i gblɛ nun’n.—Eza. 29:13; Mis. 3:11; Mar. 7:6-8.
-
34. Klolɛ’n yɛ be fa sie Ɲanmiɛn sulɛ kpafuɛ’n i nzɔliɛ-ɔ.—Mis. 4:3; Zan 13:34, 35.