Sinabi ni Jesus na pag madangog kan mga tawong sadiyosan an puso an katotoohan, mamimidbid ninda iyan. (Juan 10:​4, 27) Kaya pag nakikipag-ulay kita sa mga tawo, gusto tang maghiras nin simpleng mga katotoohan sa Bibliya. Hinguwahon na iintrodusir an sarong katotoohan paagi sa paghapot nin: “Aram mo daw na . . . ?” o “Nadangog mo na daw na . . . ?” Dangan gamiton an konektadong (mga) teksto para ipaliwanag an katotoohan na iyan. Paagi sa paghiras nin dawa saro sanang simpleng katotoohan sa Bibliya, puwede kitang makatanom nin banhi sa puso nin sarong tawo, asin puwedeng patalubuon nin Diyos an banhing iyan!—1 Cor. 3:​6, 7.

•  Maugmang Puturo

•  Pamilya

•  Diyos

•  Pamibi

•  Jesus

•  Kahadian nin Diyos

•  Pagsakit

•  Kagadanan

•  Relihiyon

 MAUGMANG PUTURO

1. 1. An mga pangyayari sa presente saka an iginagawi kan mga tawo nagpaparisa na madali na an pagbabago.​—Mat. 24:​3, 7, 8; Luc. 21:​10, 11; 2 Tim. 3:​1-5.

2. 2. An daga dai nuarin man biyong mararaot asin mapapara.​—Sal. 104:5; Ecl. 1:4.

3. 3. Ibabalik an dating magayon na kamugtakan kan daga.​—Isa. 35:​1, 2; Kap. 11:18.

4. 4. An gabos magkakaigwa nin perpektong salud.​—Isa. 33:24; 35:​5, 6.

5. 5. Puwede kang mabuhay nin daing katapusan digdi sa daga.​—Sal. 37:29; Mat. 5:5.

 PAMILYA

1. 6. An agom na lalaki dapat na “mamutan an saiyang agom na babayi siring kan pagkamuot niya sa saiyang sadiri”—Efe. 5:33; Col. 3:19.

2. 7. An agom na babayi dapat na magpahiling nin hararom na paggalang sa saiyang agom.​—Efe. 5:33; Col. 3:18.

3. 8. An mag-agom dapat na magin maimbod sa kada saro.​—Mal. 2:16; Mat. 19:​4-6, 9; Heb. 13:4.

4. 9. An mga aki na iginagalang asin sinusunod an saindang mga magurang mapaparahay.​—Tal. 1:​8, 9; Efe. 6:​1-3.

 DIYOS

1. 10. An Diyos igwa nin pangaran.​—Sal. 83:18; Jer. 10:10.

2. 11. Nakikipag-ulay sa sato an Diyos.​—2 Tim. 3:​16, 17; 2 Ped. 1:​20, 21.

3. 12. An Diyos mayo nin pinapalain.​—Deu. 10:17; Gibo 10:​34, 35.

4. 13. Gusto nin Diyos na tabangan kita.​—Sal. 46:1; 145:​18, 19.

  PAMIBI

1. 14. Gusto nin Diyos na mamibi kita sa saiya.​—Sal. 62:8; 65:2; 1 Ped. 5:7.

2. 15. Tinutukduan kita kan Bibliya kun paano mamibi.​—Mat. 6:​7-13; Luc. 11:​1-4.

3. 16. Dapat na parati kitang mamibi.​—Mat. 7:​7, 8; 1 Tes. 5:17.

 JESUS

1. 17. Si Jesus sarong nangungurog na paratukdo na an mga itinaong giya sa buhay pirming kapaki-pakinabang.​—Mat. 6:​14, 15, 34; 7:12.

2. 18. Ihinula ni Jesus an mga pangyayari na nahihiling ta ngunyan.​—Mat. 24:​3, 7, 8, 14; Luc. 21:​10, 11.

3. 19. Si Jesus Aki nin Diyos.​—Mat. 16:16; Juan 3:16; 1 Juan 4:15.

4. 20. Si Jesus bako an Diyos na Makakamhan sa Gabos.​—Juan 14:28; 1 Cor. 11:3.

 KAHADIAN NIN DIYOS

1. 21. An Kahadian nin Diyos sarong tunay na gobyerno sa langit.​—Dan. 2:44; 7:​13, 14; Mat. 6:​9, 10; Kap. 11:15.

2. 22. Sasalidahan kan Kahadian nin Diyos an mga gobyerno nin tawo.​—Sal. 2:​7-9; Dan. 2:44.

3. 23. An Kahadian nin Diyos an solamenteng solusyon sa mga problema kan katawuhan.​—Sal. 37:​10, 11; 46:9; Isa. 65:​21-23.

 PAGSAKIT

1. 24. Bako an Diyos an dahilan kan satong mga pagsakit.​—Deu. 32:4; Sant. 1:13.

2. 25. Si Satanas an namamahala sa kinaban na ini.​—Luc. 4:​5, 6; 1 Juan 5:19.

3. 26. Nahihiling nin Diyos an satong pagsakit asin gusto niyang tabangan kita.​—Sal. 34:​17-19; Isa. 41:​10, 13.

4. 27. Madali nang tapuson nin Diyos an pagsakit.​—Isa. 65:17; Kap. 21:​3, 4.

 KAGADANAN

1. 28. An mga gadan daing pag-aram; dai sinda nagsasakit.​—Ecl. 9:5; Juan 11:​11-14.

2. 29. An mga gadan dai makakatabang o makakakulog sa sato.​—Sal. 146:4; Ecl. 9:​6, 10.

3. 30. Bubuhayon liwat an satong mga mahal sa buhay na nagadan na.​—Job 14:​13-15; Juan 5:​28, 29; Gibo 24:15.

4. 31. “An kagadanan mawawara na.”​—Kap. 21:​3, 4; Isa. 25:8.

 RELIHIYON

1. 32. Bako gabos na relihiyon nakakapaugma sa Diyos.​—Jer. 7:11; Mat. 7:​13, 14, 21-23.

2. 33. Ikinakaungis nin Diyos an pagsagin-sagin.​—Isa. 29:13; Mik. 3:11; Mar. 7:​6-8.

3. 34. An tunay na pagkamuot an midbidan kan tunay na relihiyon.​—Mik. 4:3; Juan 13:​34, 35.