APENDIKS A
Ol Trutok We Yumi Laekem Blong Tokbaot
Jisas i talem se ol man we hat blong olgeta i stret, bambae oli luksave trutok taem oli harem. (Jon 10:4, 27) Taswe taem yumi toktok long ol man, yumi wantem serem ol isi trutok blong Baebol. Bifo we yu serem wan trutok, askem long man se: “?Yu yu save se . . . ?” o “?Yu yu bin harem se . . . ?” Biaen yu yusum wan o sam vas blong eksplenem trutok ya. !Taem yu serem wan trutok blong Baebol, hemia i olsem we yu stap planem wan sid long hat blong man, mo God i save mekem i gru!—1 Kor. 3:6, 7.
FIUJA
-
1. Ol samting we yumi luk oli stap hapen mo fasin blong ol man, oli soemaot se i no longtaem ol samting bambae oli jenis.—Mat. 24:3, 7, 8; Luk 21:10, 11; 2 Tim. 3:1-5.
-
2. Wol ya bambae i neva lus.—Sam 104:5; Pri. 1:4.
-
3. Bambae i no moa gat polusen, mo wol ya bambae i kam wan paradaes.—Aes. 35:1, 2; Rev. 11:18.
-
4. Evri man bambae oli gat gudfala helt.—Aes. 33:24; 35:5, 6.
-
5. Yu save laef olwe long wol.—Sam 37:29; Mat. 5:5.
FAMLE
-
6. Hasban i mas “lavem waef blong hem olsem we hem i lavem hem wan.”—Efes. 5:33; Kol. 3:19.
-
7. Waef i mas gat bigfala respek long hasban blong hem.—Efes. 5:33; Kol. 3:18.
-
8. Hasban mo waef i mas stap tru long tufala.—Mal. 2:16; Mat. 19:4-6, 9; Hib. 13:4.
-
9. Ol pikinini we oli respektem mo obei long ol perens blong olgeta, bambae oli gat gudfala laef.—Prov. 1:8, 9; Efes. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
GOD
-
10. God i gat wan nem.—Sam 83:18; Jer. 10:10.
-
11. God i stap toktok long yumi.—2 Tim. 3:16, 17; 2 Pita 1:20, 21.
-
12. God i mekem i sem mak long evri man.—Dut. 10:17; Wok 10:34, 35.
-
13. God i wantem halpem yumi.—Sam 46:1; 145:18, 19.
PREA
-
14. God i wantem se yumi prea long hem.—Sam 62:8; 65:2; 1 Pita 5:7.
-
15. Baebol i tijim yumi olsem wanem blong prea.—Mat. 6:7-13; Luk 11:1-4.
-
16. Yumi mas prea oltaem.—Mat. 7:7, 8; 1 Tes. 5:17.
JISAS
-
17. Jisas i wan nambawan tija mo oltaem ol advaes blong hem oli wok gud.—Mat. 6:14, 15, 34; 7:12.
-
18. Jisas i talemaot longtaem finis ol samting we yumi stap luk tede.—Mat. 24:3, 7, 8, 14; Luk 21:10, 11.
-
19. Jisas i Pikinini blong God.—Mat. 16:16; Jon 3:16; 1 Jon 4:15.
-
20. Jisas i no God Ya We i Gat Olgeta Paoa.—Jon 14:28; 1 Kor. 11:3.
Based on NASA/Visible Earth imagery
KINGDOM BLONG GOD
-
21. Kingdom blong God i wan trufala gavman long heven.—Dan. 2:44; 7:13, 14; Mat. 6:9, 10; Rev. 11:15.
-
22. Kingdom blong God bambae i tekem ples blong ol gavman blong man.—Sam 2:7-9; Dan. 2:44.
-
23. Kingdom blong God nomo i save finisim olgeta problem blong man.—Sam 37:10, 11; 46:9; Aes. 65:21-23.
FASIN SAFA
-
24. God i no stap mekem yumi safa.—Dut. 32:4; Jem. 1:13.
-
25. Setan i rulum wol ya.—Luk 4:5, 6; 1 Jon 5:19.
-
26. God i luk taem yumi safa mo i wantem halpem yumi.—Sam 34:17-19; Aes. 41:10, 13.
-
27. I no longtaem God bambae i finisim fasin safa.—Aes. 65:17; Rev. 21:3, 4.
DED
-
28. Ol dedman oli no save wan samting mo oli no safa.—Pri. 9:5; Jon 11:11-14.
-
29. Ol dedman oli no save halpem yumi o spolem yumi.—Sam 146:4; Pri. 9:6, 10.
-
30. Ol dedman bambae oli laef bakegen.—Job 14:13-15; Jon 5:28, 29; Wok 24:15.
-
31. “Bambae i no moa gat man i ded.”—Rev. 21:3, 4; Aes. 25:8.
RELIJEN
-
32. I no evri relijen we God i glad long olgeta.—Jer. 7:11; Mat. 7:13, 14, 21-23.
-
33. God i no laekem man we i gat tu fes.—Aes. 29:13; Maeka 3:11; Mak 7:6-8.
-
34. Trufala lav i makemaot tru relijen.—Maeka 4:3; Jon 13:34, 35.