Jesús xuʼij chë ri winäq ri ütz kan xtqʼax pa kijolon ri naʼoj ye kʼo chpan le Biblia (Juan 10:4, 27). Rma riʼ nqajoʼ yeqakʼüt naʼoj ri ma kʼayewal ta yeqʼax. Rkʼë jbʼaʼ ütz nqachäp tzij kikʼë re tzij reʼ: «¿Ataman rït chë...?» o «¿Kʼo jmul akʼoxan chë...?», y chrij riʼ nqatzjoj apü jun naʼoj chrij le Biblia ri ma kʼayewal ta nqʼax. Chrij riʼ, ütz nqaksaj jun texto ri ntzjon chrij ri naʼoj riʼ. Taq nqatzjoj jun naʼoj ri ma kʼayewal ta nqʼax, achiʼel ta najin nqatïk qa jun ijaʼtz pa ran jun winäq. ¡Y Dios nkowin nuʼän chë ri ijaʼtz riʼ nkʼïy! (1 Cor. 3:6, 7).

•  Ri xtbʼanatäj chqawäch apü

•  Ri familia

•  Dios

•  Ri yachʼö rkʼë Dios

•  Jesús

•  Ri Ruqʼatbʼäl Tzij Dios

•  Ri natäj poqän

•  Ri kamïk

•  Ri religión

 RI XTBʼANATÄJ CHQAWÄCH APÜ

1. 1. Ri itzelal najin yebʼanatäj chqä ri kinaʼoj ri winäq nkikʼüt chë xa jbʼaʼ chik apü más ütz xtuʼän qakʼaslemal (Mat. 24:3, 7, 8; Luc. 21:10, 11; 2 Tim. 3:1-5).

2. 2. Le Ruwachʼlew majun bʼëy xtchup ta ruwäch (Sal. 104:5; Ecl. 1:4).

3. 3. Xtchojmïx jontir ri itzelal kibʼanon ri winäq che rä le Ruwachʼlew (Is. 35:1, 2; Apoc. 11:18).

4. 4. Chqawäch apü, majun ta chik jun xtyawäj ta (Is. 33:24; 35:5, 6).

5. 5. Rït yakowin yakʼaseʼ qa chwäch le Ruwachʼlew xa bʼa jaruʼ junaʼ xkeqʼax (Sal. 37:29; Mat. 5:5).

 RI FAMILIA

1. 6. Ri achï kʼo ta chë nrajoʼ rixjayil kan achiʼel nrajoʼ qa riʼ ryä (Efes. 5:33; Col. 3:19).

2. 7. Ri ixöq kʼo ta chë ma nuqasaj ta ruqʼij ri rachjil (Efes. 5:33; Col. 3:18).

3. 8. Ri achï chqä ri ixöq kʼo ta chë ma nkikanuj ta rukʼexel kikʼlaj (Mal. 2:16; Mat. 19:4-6, 9; Heb. 13:4).

4. 9. Ri akʼalaʼ ri nkinmaj kitzij kiteʼ kitataʼ ütz xkebʼä pa kikʼaslemal (Prov. 1:8, 9; Efes. 6:1-3).

 DIOS

1. 10. Dios kʼo rubʼiʼ (Sal. 83:18; Jer. 10:10).

2. 11. Dios kʼo jun rutzjol ri kan kʼo rejqalen ri nuyaʼ pä chqë (2 Tim. 3:16, 17; 2 Ped. 1:20, 21).

3. 12. Dios kan pa rubʼeyal nuʼän che rä jontir y ma yeruchaʼ ta ri winäq (Deut. 10:17; Hech. 10:34, 35).

4. 13. Dios nrajoʼ nqrtoʼ (Sal. 46:1; 145:18, 19).

  RI YACHʼÖ RKʼË DIOS

1. 14. Dios nrajoʼ nqchʼö rkʼë (Sal. 62:8; 65:2; 1 Ped. 5:7).

2. 15. Le Biblia nukʼüt chqawäch achkë rubʼanik nqchʼö rkʼë Dios (Mat. 6:7-13; Luc. 11:1-4).

3. 16. Kʼo ta chë ronojel mul nqchʼö rkʼë Dios (Mat. 7:7, 8; 1 Tes. 5:17).

 JESÚS

1. 17. Jesús xok jun utziläj tijonel y ri naʼoj xeruyaʼ qa ronojel mul yekʼatzin (Mat. 6:14, 15, 34; 7:12).

2. 18. Jesús rubʼin qa chik ri najin yebʼanatäj komä (Mat. 24:3, 7, 8, 14; Luc. 21:10, 11).

3. 19. Jesús ya riʼ Rukʼajol Dios (Mat. 16:16; Juan 3:16; 1 Juan 4:15).

4. 20. Jesús ma ya riʼ ta Dios (Juan 14:28; 1 Cor. 11:3).

 RI RUQʼATBʼÄL TZIJ DIOS

1. 21. Ri Ruqʼatbʼäl Tzij Dios chkaj kʼo wä (Dan. 2:44; 7:13, 14; Mat. 6:9, 10; Apoc. 11:15).

2. 22. Ri Ruqʼatbʼäl Tzij Dios xtkanaj qa pa kikʼexel jontir ri qʼatbʼäl taq tzij ri ye kʼo chwäch le Ruwachʼlew (Sal. 2:7-9; Dan. 2:44).

3. 23. Xa xuʼ Ruqʼatbʼäl Tzij Dios xtkowin xtsöl jontir ri kʼayewal najin nkiqʼaxaj ri winäq (Sal. 37:10, 11; 46:9; Is. 65:21-23).

 RI NATÄJ POQÄN

1. 24. Ma rumak ta Dios chë röj nqatäj poqän (Deut. 32:4; Sant. 1:13).

2. 25. Satanás ya riʼ ri najin nqʼatö tzij pa kiwiʼ ri winäq (Luc. 4:5, 6; 1 Juan 5:19).

3. 26. Dios nutzʼët taq rït natäj poqän y nrajoʼ yaturtoʼ (Sal. 34:17-19; Is. 41:10, 13).

4. 27. Xa jbʼaʼ chik apü, Dios xtuʼän chë ma xtqatäj ta chik poqän (Is. 65:17; Apoc. 21:3, 4).

 RI KAMÏK

1. 28. Ri kamnaqiʼ majun nkinaʼ ta chqä ma najin ta nkitäj poqän (Ecl. 9:5; Juan 11:11-14).

2. 29. Ri kamnaqiʼ ma yekowin ta yojkitoʼ nixta yojkitzʼlaʼ (Sal. 146:4; Ecl. 9:6, 10).

3. 30. Ri qachʼalal o qachiʼil ri ye kamnäq äl xkekʼasöx na pä (Job 14:13-15; Juan 5:28, 29; Hech. 24:15).

4. 31. «Ma xtjeʼ ta chik kamïk» (Apoc. 21:3, 4; Is. 25:8).

 RI RELIGIÓN

1. 32. Dios ma jontir ta religiones ütz yerutzʼët (Jer. 7:11; Mat. 7:13, 14, 21-23).

2. 33. Dios itzel yerutzʼët ri religiones ri ma pa rubʼeyal ta nkiyaʼ ruqʼij (Is. 29:13; Miq. 3:11; Mar. 7:6-8).

3. 34. Xttzʼetetäj achkë religión nqä chwäch Dios rma ri ye kʼo chpan kan nkajoʼ kiʼ (Miq. 4:3; Juan 13:34, 35).