ઈસુએ કહ્યું હતું કે સારાં દિલના લોકો સંદેશો સાંભળીને સમજી જશે કે આ ઈશ્વરનો સંદેશો છે. (યોહા. ૧૦:૪, ૨૭) એટલે લોકોને મળીએ ત્યારે બાઇબલમાંથી એવું કંઈક જણાવવાની કોશિશ કરીએ, જે તેઓને તરત સમજાઈ જાય. એ માટે તમે આવા નાના સવાલથી શરૂઆત કરી શકો: “શું તમને લાગે છે . . . ?” અથવા “શું તમે ક્યારેય સાંભળ્યું છે . . . ?” દાખલા તરીકે, “શું તમને લાગે છે કે પૃથ્વીનો ક્યારેય નાશ નહિ થાય?” અથવા “શું તમે ક્યારેય સાંભળ્યું છે કે ઈશ્વર જલદી જ બધી દુઃખ-તકલીફો મિટાવી દેશે?” પછી એ વિશે વધારે સમજાવવા કલમોનો ઉપયોગ કરી શકો. આપણે કોઈને ઈશ્વરના વિચારો જણાવીએ ત્યારે કદાચ તેના દિલમાં સત્યનું બી રોપાય અને ઈશ્વર એને વધવા મદદ કરે.—૧ કોરીં. ૩:૬, ૭.

•  આવનાર સમય

•  કુટુંબ

•  ભગવાન

•  પ્રાર્થના

•  ઈસુ

•  ઈશ્વરનું રાજ્ય

•  દુઃખ-તકલીફો

•  મરણ

•  ભક્તિ

 આવનાર સમય

1. ૧. આજે દુનિયામાં જે થઈ રહ્યું છે, એનાથી ખબર પડે છે કે બહુ જલદી મોટો ફેરફાર થશે.—માથ. ૨૪:૩, ૭, ૮; લૂક ૨૧:૧૦, ૧૧; ૨ તિમો. ૩:૧-૫.

2. ૨. પૃથ્વીનો ક્યારેય નાશ નહિ થાય.—ગીત. ૧૦૪:૫; સભા. ૧:૪.

3. ૩. એવો સમય આવશે કે જ્યારે પ્રદૂષણ નહિ હોય અને પૃથ્વી બાગ જેવી સુંદર બની જશે.—યશા. ૩૫:૧, ૨; પ્રકટી. ૧૧:૧૮.

4. ૪. બધા લોકો એકદમ તંદુરસ્ત હશે.—યશા. ૩૩:૨૪; ૩૫:૫, ૬.

5. ૫. તમે પૃથ્વી પર કાયમ જીવી શકશો.—ગીત. ૩૭:૨૯; માથ. ૫:૫.

 કુટુંબ

1. ૬. પતિ ‘જેવો પોતાને પ્રેમ કરે છે, એવો જ પ્રેમ તેમણે પોતાની પત્નીને’ કરવો જોઈએ.—એફે. ૫:૩૩; કોલો. ૩:૧૯.

2. ૭. પત્નીએ પોતાના પતિને પૂરા દિલથી માન આપવું જોઈએ.—એફે. ૫:૩૩; કોલો. ૩:૧૮.

3. ૮. પતિ-પત્નીએ એકબીજાને વફાદાર રહેવું જોઈએ.—માલા. ૨:૧૬; માથ. ૧૯:૪-૬, ૯; હિબ્રૂ. ૧૩:૪.

4. ૯. બાળકો મમ્મી-પપ્પાને માન આપશે અને તેઓનું કહેવું માનશે તો બાળકોનું ભલું થશે.—નીતિ. ૧:૮, ૯; એફે. ૬:૧-૩.

 ભગવાન

1. ૧૦. ભગવાનનું એક નામ છે.—ગીત. ૮૩:૧૮; યર્મિ. ૧૦:૧૦.

2. ૧૧. ભગવાને પોતાના વિચારો એક પુસ્તકમાં લખાવ્યા છે.—૨ તિમો. ૩:૧૬, ૧૭; ૨ પિત. ૧:૨૦, ૨૧.

3. ૧૨. ભગવાન ક્યારેય ભેદભાવ કે અન્યાય કરતા નથી.—પુન. ૧૦:૧૭; પ્રે.કા. ૧૦:૩૪, ૩૫.

4. ૧૩. ભગવાન આપણને મદદ કરવા માંગે છે.—ગીત. ૪૬:૧; ૧૪૫:૧૮, ૧૯.

  પ્રાર્થના

1. ૧૪. ભગવાન ચાહે છે કે આપણે પ્રાર્થના કરીએ, તેમની આગળ દિલ ઠાલવી દઈએ.—ગીત. ૬૨:૮; ૬૫:૨; ૧ પિત. ૫:૭.

2. ૧૫. શાસ્ત્રમાંથી શીખવા મળે છે કે પ્રાર્થના કઈ રીતે કરવી જોઈએ.—માથ. ૬:૭-૧૩; લૂક ૧૧:૧-૪.

3. ૧૬. તમે ચાહો એટલી વાર પ્રાર્થના કરી શકો છો.—માથ. ૭:૭, ૮; ૧ થેસ્સા. ૫:૧૭.

 ઈસુ

1. ૧૭. ઈસુ સૌથી સારા શિક્ષક હતા, તેમણે શીખવેલી વાતો આજે પણ કામ લાગે છે.—માથ. ૬:૧૪, ૧૫, ૩૪; ૭:૧૨.

2. ૧૮. આજે દુનિયામાં જે બની રહ્યું છે, એ વિશે ઈસુએ પહેલેથી જણાવ્યું હતું. —માથ. ૨૪:૩, ૭, ૮, ૧૪; લૂક ૨૧:૧૦, ૧૧.

3. ૧૯. ઈસુ ઈશ્વરના દીકરા છે.—માથ. ૧૬:૧૬; યોહા. ૩:૧૬; ૧ યોહા. ૪:૧૫.

4. ૨૦. ઈસુ ભગવાન નથી.—યોહા. ૧૪:૨૮; ૧ કોરીં. ૧૧:૩.

 ઈશ્વરનું રાજ્ય

1. ૨૧. ઈશ્વરનું રાજ્ય એક હકીકત છે, એ સ્વર્ગમાં રાજ કરે છે.—દાનિ. ૨:૪૪; ૭:૧૩, ૧૪; માથ. ૬:૯, ૧૦; પ્રકટી. ૧૧:૧૫.

2. ૨૨. આખી પૃથ્વી પર માણસોની સરકારને બદલે ઈશ્વરનું રાજ હશે.—ગીત. ૨:૭-૯; દાનિ. ૨:૪૪.

3. ૨૩. ઈશ્વરનું રાજ્ય આપણી બધી મુશ્કેલીઓ દૂર કરશે.—ગીત. ૩૭:૧૦, ૧૧; ૪૬:૯; યશા. ૬૫:૨૧-૨૩.

 દુઃખ-તકલીફો

1. ૨૪. ઈશ્વર આપણને દુઃખ આપતા નથી.—પુન. ૩૨:૪; યાકૂ. ૧:૧૩.

2. ૨૫. શેતાન દુનિયા પર રાજ કરે છે. —લૂક ૪:૫, ૬; ૧ યોહા. ૫:૧૯.

3. ૨૬. ઈશ્વરને ખબર છે કે તમારા પર શું વીતી રહ્યું છે, તે તમને મદદ કરવા તૈયાર છે.—ગીત. ૩૪:૧૭-૧૯; યશા. ૪૧:૧૦, ૧૩.

4. ૨૭. ઈશ્વર જલદી જ બધી દુઃખ-તકલીફો મિટાવી દેશે.—યશા. ૬૫:૧૭; પ્રકટી. ૨૧:૩, ૪.

 મરણ

1. ૨૮. ગુજરી ગયેલા લોકો જાણે ઊંઘમાં છે, તેઓને કંઈ ખબર હોતી નથી. હવે તેઓ કોઈ તકલીફમાં નથી.—સભા. ૯:૫; યોહા. ૧૧:૧૧-૧૪.

2. ૨૯. ગુજરી ગયેલી વ્યક્તિ આપણને મદદ કે નુકસાન કરી શકતી નથી.—ગીત. ૧૪૬:૪; સભા. ૯:૬, ૧૦.

3. ૩૦. ગુજરી ગયેલાં સગાં-વહાલાં અને મિત્રોને જીવતાં કરવામાં આવશે.—અયૂ. ૧૪:૧૩-૧૫; યોહા. ૫:૨૮, ૨૯; પ્રે.કા. ૨૪:૧૫.

4. ૩૧. ઈશ્વર મરણનું નામનિશાન મિટાવી દેશે.—યશા. ૨૫:૮; પ્રકટી. ૨૧:૩, ૪.

 ભક્તિ

1. ૩૨. મોટા ભાગના લોકો જે રીતે ભક્તિ કરે છે, એનાથી ઈશ્વર ખુશ નથી.—યર્મિ. ૭:૧૧; માથ. ૭:૧૩, ૧૪, ૨૧-૨૩.

2. ૩૩. ભક્તિનો ઢોંગ કરતા લોકોથી ઈશ્વરને નફરત છે.—યશા. ૨૯:૧૩; મીખા. ૩:૧૧; માર્ક ૭:૬-૮.

3. ૩૪. ઈશ્વરના સાચા ભક્તો વચ્ચે સાચો પ્રેમ હોય છે.—મીખા. ૪:૩; યોહા. ૧૩:૩૪, ૩૫.