INFORMASIÓN A
Umi enseñánsa bíblica ñandegustavéva
Jesús heʼi vaʼekue umi hénte ikorasõ porãva ohendúvo umi notísia porã, opillataha haʼeha la verda (Juan 10:4, 27). Upévare káda ke ñañeʼẽ umi héntepe ñakomparti vaʼerã hendivekuéra umi enseñánsa bíblica iporãva. Por ehémplo ñañepyrũ hag̃ua ñañemongeta ikatu jaʼe: “¿Ndépa reikuaa koʼẽrõite Ñandejára oipeʼataha pe sufrimiénto?”. Térã: “¿Ndépa reikuaa Ñandejára réra?”. Upe rire ikatu eipuru peteĩ téxto bíblico ohóva pe pregúntare. Péicha sensillomínte ñañotỹtama pe semílla pe persóna korasõme, ha Ñandejára ikatu omongakuaa upéva (1 Cor. 3:6, 7).
ÑANDE FUTÚRO
-
1. Umi mbaʼe oikóva ko múndope ha la hénte oñekomporta lája, ohechauka hiʼag̃uiha peteĩ kámbio (Mat. 24:3, 7, 8; Luc. 21:10, 11; 2 Tim. 3:1-5).
-
2. Ko yvy núnka noñehundimoʼãi (Sal. 104:5; Ecl. 1:4).
-
3. Ndaiporimoʼãvéima kontaminasión ni desástre, ko yvy haʼéta peteĩ hardín (Is. 35:1, 2; Apoc. 11:18).
-
4. Enterove ñaneresãita (Is. 33:24; 35:5, 6).
-
5. Ikatúta jaikove pára siémpre (Sal. 37:29; Mat. 5:5).
FAMÍLIA
-
6. Peẽ menakuéra “pehayhu vaʼerã pene rembirekópe peẽ voi pejehayhuháicha” (Efes. 5:33; Col. 3:19).
-
7. Pe tembireko “orrespeta vaʼerã iménape ipyʼaite guive” (Efes. 5:33; Col. 3:18).
-
8. Ména ha tembireko ifiél vaʼerã ojupe (Mal. 2:16; Mat. 19:4-6, 9; Heb. 13:4).
-
9. Mitãnguérape oho porãta orrespetáramo ituakuérape (Prov. 1:8, 9; Efes. 6:1-3).
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
ÑANDEJÁRA
-
10. Ñandejára oreko héra (Sal. 83:18; Jer. 10:10).
-
11. Ñandejára oreko peteĩ mensáhe ñandéve g̃uarã (2 Tim. 3:16, 17; 2 Ped. 1:20, 21).
-
12. Ñandejára ihústo ha nomboykéi avavépe (Deut. 10:17; Hech. 10:34, 35).
-
13. Ñandejára ñanepytyvõse (Sal. 46:1; 145:18, 19).
ÑEMBOʼE
-
14. Ñandejára oipota ñañemboʼe chupe (Sal. 62:8; 65:2; 1 Ped. 5:7).
-
15. La Biblia heʼi ñandéve mbaʼéichapa ñañemboʼe vaʼerã (Mat. 6:7-13; Luc. 11:1-4).
-
16. Ñañemboʼe meme vaʼerã (Mat. 7:7, 8; 1 Tes. 5:17).
JESÚS
-
17. Jesús haʼe pe mboʼehára ivalevéva, ha ikonsého koʼág̃a peve ideprovécho (Mat. 6:14, 15, 34; 7:12).
-
18. Jesús oprofetisa umi mbaʼe oikóva koʼág̃a (Mat. 24:3, 7, 8, 14; Luc. 21:10, 11).
-
19. Jesús haʼe Ñandejára Raʼy (Mat. 16:16; Juan 3:16; 1 Juan 4:15).
-
20. Jesús ndahaʼéi pe Dios Todopoderóso (Juan 14:28; 1 Cor. 11:3).
Based on NASA/Visible Earth imagery
ÑANDEJÁRA RRÉINO
-
21. Ñandejára Rréino haʼe peteĩ goviérno oĩva yvágape (Dan. 2:44; 7:13, 14; Mat. 6:9, 10; Apoc. 11:15).
-
22. Ñandejára Rréino opytáta umi goviérno koʼag̃agua vése (Sal. 2:7-9; Dan. 2:44).
-
23. Ñandejára Rréino añoite osolusionáta entéro ñane provlemakuéra (Sal. 37:10, 11; 46:9; Is. 65:21-23).
SUFRIMIÉNTO
-
24. Ñandejára ndorekói la kúlpa ñande jasufri haguére (Deut. 32:4; Sant. 1:13).
-
25. Satanás odomina ko múndo (Luc. 4:5, 6; 1 Juan 5:19).
-
26. Ñandejára ohecha la jahasáva ha ñanepytyvõse (Sal. 34:17-19; Is. 41:10, 13).
-
27. Ñandejára oipeʼáta opaichagua sufrimiénto (Is. 65:17; Apoc. 21:3, 4).
ÑEMANO
-
28. Umi omanóva noñanduvéima mbaʼeve, haʼekuéra ndosufrivéima (Ecl. 9:5; Juan 11:11-14).
-
29. Umi omanóva ndaikatuvéima ñanepytyvõ ni ñandeperhudika (Sal. 146:4; Ecl. 9:6, 10).
-
30. Umi omanóva oikove jeýta (Job 14:13-15; Juan 5:28, 29; Hech. 24:15).
-
31. “Ndaiporimoʼãvéima omanóva” (Apoc. 21:3, 4; Is. 25:8).
RRELIHIÓN
-
32. Ñandejára ndoguerohorýi entéro rrelihión (Jer. 7:11; Mat. 7:13, 14, 21-23).
-
33. Ñandejára ndochaʼéi umi hovamokõivare (Is. 29:13; Miq. 3:11; Mar. 7:6-8).
-
34. Umi kristiáno verdadéro ojoayhu (Miq. 4:3; Juan 13:34, 35).