Nagsiling si Jesus nga kon mabatian sang sinsero nga mga tawo ang aton mensahe, mabal-an nila nga amo ini ang kamatuoran. (Juan 10:​4, 27) Gani kon nagapakig-istorya kita sa mga tawo, gusto naton isugid sa ila ang simple nga mga kamatuoran sa Biblia. Halimbawa, puede mo sila pamangkuton: “Sa banta mo, . . . ?” ukon “Nabatian mo na bala nga . . . ?” Dayon gamita ang nagakaigo nga teksto para ipaathag ina nga kamatuoran. Ang pagsugid sang simple nga kamatuoran daw pareho lang sa pagtanom sang binhi sa tagipusuon sang tawo, kag ang Dios ang magapatubo sini!—1 Cor. 3:​6, 7.

•  Palaabuton

•  Pamilya

•  Dios

•  Pangamuyo

•  Jesus

•  Ginharian sang Dios

•  Pag-antos

•  Kamatayon

•  Relihion

 PALAABUTON

1. 1. Ang mga nagakatabo subong kag ang batasan sang mga tawo nagapakita nga malapit na ang pagbag-o.​—Mat. 24:​3, 7, 8; Luc. 21:​10, 11; 2 Tim. 3:​1-5.

2. 2. Ang duta indi gid maguba.​—Sal. 104:5; Man. 1:4.

3. 3. Mangin matahom na liwat ang duta.​—Isa. 35:​1, 2; Bug. 11:18.

4. 4. Mangin maayo na ang panglawas sang tanan.​—Isa. 33:24; 35:​5, 6.

5. 5. Mahimo ka mabuhi sing wala katapusan sa duta.​—Sal. 37:29; Mat. 5:5.

 PAMILYA

1. 6. Ang bana dapat “maghigugma sang iya asawa kaangay sang paghigugma niya sang iya kaugalingon.”​—Efe. 5:33; Col. 3:19.

2. 7. Ang asawa dapat may tudok nga pagtahod sa iya bana.​—Efe. 5:33; Col. 3:18.

3. 8. Ang bana kag asawa dapat matutom sa isa kag isa.​—Mal. 2:16; Mat. 19:​4-6, 9; Heb. 13:4.

4. 9. Ang kabataan nga nagarespeto kag nagatuman sa ila mga ginikanan mangin madinalag-on.​—Hulu. 1:​8, 9; Efe. 6:​1-3.

 DIOS

1. 10. May ngalan ang Dios.​—Sal. 83:18; Jer. 10:10.

2. 11. Nagakomunikar ang Dios sa aton.​—2 Tim. 3:​16, 17; 2 Ped. 1:​20, 21.

3. 12. Ang Dios wala sing ginapasulabi.​—Deut. 10:17; Binu. 10:​34, 35.

4. 13. Gusto kita buligan sang Dios.​—Sal. 46:1; 145:​18, 19.

  PANGAMUYO

1. 14. Gusto sang Dios nga mangamuyo kita sa iya.​—Sal. 62:8; 65:2; 1 Ped. 5:7.

2. 15. Ginatudluan kita sang Biblia kon paano mangamuyo.​—Mat. 6:​7-13; Luc. 11:​1-4.

3. 16. Dapat pirme kita mangamuyo.​—Mat. 7:​7, 8; 1 Tes. 5:17.

 JESUS

1. 17. Maayo gid nga manunudlo si Jesus kag mapuslanon gid pirme ang iya laygay.​—Mat. 6:​14, 15, 34; 7:12.

2. 18. Gintagna ni Jesus ang mga nagakatabo subong.​—Mat. 24:​3, 7, 8, 14; Luc. 21:​10, 11.

3. 19. Si Jesus ang Anak sang Dios.​—Mat. 16:16; Juan 3:16; 1 Juan 4:15.

4. 20. Indi si Jesus ang Labing Gamhanan nga Dios.​—Juan 14:28; 1 Cor. 11:3.

 GINHARIAN SANG DIOS

1. 21. Ang Ginharian sang Dios isa ka matuod nga gobierno sa langit.​—Dan. 2:44; 7:​13, 14; Mat. 6:​9, 10; Bug. 11:15.

2. 22. Buslan sang Ginharian sang Dios ang mga gobierno sang tawo.​—Sal. 2:​7-9; Dan. 2:44.

3. 23. Ang Ginharian sang Dios lang ang makasolbar sa mga problema sang tawo.​—Sal. 37:​10, 11; 46:9; Isa. 65:​21-23.

 PAG-ANTOS

1. 24. Indi halin sa Dios ang aton pag-antos.​—Deut. 32:4; Sant. 1:13.

2. 25. Si Satanas ang nagagahom sini nga kalibutan.​—Luc. 4:​5, 6; 1 Juan 5:19.

3. 26. Nakita sang Dios ang imo pag-antos kag gusto ka niya buligan.​—Sal. 34:​17-19; Isa. 41:​10, 13.

4. 27. Malapit na dulaon sang Dios ang pag-antos.​—Isa. 65:17; Bug. 21:​3, 4.

 KAMATAYON

1. 28. Ang patay wala na nakahibalo sang mga nagakatabo sa iya palibot kag wala na sia nagaantos.​—Man. 9:5; Juan 11:​11-14.

2. 29. Indi kita mabuligan ukon mahalitan sang mga patay.​—Sal. 146:4; Man. 9:​6, 10.

3. 30. Banhawon ang aton mga pinalangga nga napatay.​—Job 14:​13-15; Juan 5:​28, 29; Binu. 24:15.

4. 31. “Wala na sing kamatayon.”​—Bug. 21:​3, 4; Isa. 25:8.

 RELIHION

1. 32. Indi tanan nga relihion nagapalipay sa Dios.​—Jer. 7:11; Mat. 7:​13, 14, 21-23.

2. 33. Ginadumtan sang Dios ang mga salimpapaw.​—Isa. 29:13; Miq. 3:11; Mar. 7:​6-8.

3. 34. Ang matuod nga relihion may ara sing sinsero nga gugma.​—Miq. 4:3; Juan 13:​34, 35.