A Jesús in uluw abal neʼetsak ka waʼtsin i atiklábchik axi kin ejtow kin exlaʼ an chubaxtaláb (Juan 10:​4, 27). Jaxtám i leʼ ki ólchij an chubaxtaláb axi kʼwajat ti Biblia an atiklábchik axi i tʼilmayal. Abal ku tujey tu tʼilom, walám i éjtowal ki uchaʼ: «¿A exlálak abal…?» o «¿Tatáʼ a atsʼámal abal…?». Talbél ka ólchij jawaʼ in ulal an Biblia ani juʼtáj ti kʼwajat dhuchadh. Tam i ólchal an chubaxtaláb jun i atikláb pel ejtíl tam i tʼayál jun i ichlab ani a Dios in éjtowal kin tʼajaʼ abal ka puwey nixéʼ xi ichlab (1 Cor. 3:​6, 7).

•  An kʼicháj axi taʼtál

•  An yaneláb

•  A Dios

•  An oláb

•  A Jesús

•  In eyaltal a Dios

•  An yajchiktaláb

•  An tsemláj

•  An kʼakʼnaxtaláb

 AN KʼICHÁJ AXI TAʼTÁL

1. 1. Jawaʼ kʼwajat ti watʼel xowéʼ ta kʼicháj ani jawaʼ in tʼajál an atiklábchik in tejwamedhál abal lej weʼits neʼets ku kʼwajiy más alwaʼ al axéʼ xi xeʼtsintaláb (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. An tsabál yab jaykʼiʼ neʼets ka talabedháj (Sal. 104:5; Ecl. 1:4).

3. 3. Neʼets ka wejkʼáj an tsabál ani patal kʼal jawaʼ tu odhnáb (Is. 35:​1, 2; Apoc. 11:18).

4. 4. Ban kʼicháj axi taʼtál yabáts jitaʼ neʼets ka yawʼláts (Is. 33:24; 35:​5, 6).

5. 5. Tatáʼ a éjtowal kit kʼwajiy abal etsʼey ti tsabál (Sal. 37:29; Mat. 5:5).

 AN YANELÁB

1. 6. An inik kwaʼal kin kʼanidhaʼ in kʼimádhil «antsanáʼ jantʼiniʼ in kʼanidhál tin baʼ» (Efes. 5:33; Col. 3:19).

2. 7. An tomkidh uxum in kwaʼal in uchbíl kin kʼakʼnaʼ in tomkíl (Efes. 5:33; Col. 3:18).

3. 8. An tomkidh inik ani an tomkidh uxum yab in tomnálchik ka kʼambíxin (Mal. 2:16; Mat. 19:​4-6, 9; Heb. 13:4).

4. 9. An tsakamchik axi in belkál ani in kʼakʼnál in tátaj neʼets ka kʼwajiy kulbél (Prov. 1:​8, 9; Efes. 6:​1-3).

 A DIOS

1. 10. A Dios in kwaʼal in bij (Sal. 83:18; Jer. 10:10).

2. 11. A Dios in kwaʼal jun i alabél olchixtaláb abal kʼal patal wawáʼ (2 Tim. 3:​16, 17; 2 Ped. 1:​20, 21).

3. 12. A Dios etsʼey in tʼajál jawaʼ tekedh ani yab u kʼeʼatnax (Deut. 10:17; Hech. 10:​34, 35).

4. 13. A Dios in leʼ tu ku tólmiy (Sal. 46:1; 145:​18, 19).

  AN OLÁB

1. 14. A Dios in leʼ abal ki ólonchij (Sal. 62:8; 65:2; 1 Ped. 5:7).

2. 15. An Biblia tu ólchal jantʼiniʼ ku oláts (Mat. 6:​7-13; Luc. 11:​1-4).

3. 16. Etsʼey kwaʼal ku oláts (Mat. 7:​7, 8; 1 Tes. 5:17).

 A JESÚS

1. 17. A Jesús pel jun i alwaʼ exóbchix ani patal jawaʼ in olnál etsʼey tu tólmiyal (Mat. 6:​14, 15, 34; 7:12).

2. 18. A Jesús in okʼxidh olnaʼ an kʼibataláb axi kʼwajat ti watʼel xowéʼ (Mat. 24:​3, 7, 8, 14; Luc. 21:​10, 11).

3. 19. A Jesús pel in Tsakámil a Dios (Mat. 16:16; Juan 3:16; 1 Juan 4:15).

4. 20. A Jesús yab jats a Dios (Juan 14:28; 1 Cor. 11:3).

 IN EYALTAL A DIOS

1. 21. In eyaltal a Dios pel jun i eyaltaláb axi kʼwajat ti eb (Dan. 2:44; 7:​13, 14; Mat. 6:​9, 10; Apoc. 11:15).

2. 22. In eyaltal a Dios neʼets kin tixkʼaʼ patal an eyal (Sal. 2:​7-9; Dan. 2:44).

3. 23. Expidh in eyaltal a Dios neʼets kin tsʼejkaʼ patal an kʼibataláb axi waʼats ti tsabál (Sal. 37:​10, 11; 46:9; Is. 65:​21-23).

 AN YAJCHIKTALÁB

1. 24. Yab pel a Dios axi in tʼajál ki yajchiknaʼ (Deut. 32:4; Sant. 1:13).

2. 25. A Satanás jats axi in abatnál axéʼ xi xeʼtsintaláb (Luc. 4:​5, 6; 1 Juan 5:19).

3. 26. A Dios in tʼajál ti kwéntaj tam i yajchiknál ani in leʼ tu ku tólmiy (Sal. 34:​17-19; Is. 41:​10, 13).

4. 27. Lej weʼits a Dios neʼets kin talabedhaʼ patal jawaʼ in tʼajál ki yajchiknaʼ (Is. 65:17; Apoc. 21:​3, 4).

 AN TSEMLÁJ

1. 28. An atiklálchik axi tsemenekits yab in exlál nibal jantʼoj ani yabáts kʼwajat in yajchiknál (Ecl. 9:5; Juan 11:​11-14).

2. 29. An tsemelom yab in éjtowal tu ku tólmiy nibal tu ku odhnaʼ (Sal. 146:4; Ecl. 9:​6, 10).

3. 30. Neʼets ka wichbanchat in ejatal i yanél axi tsemenek (Job 14:​13-15; Juan 5:​28, 29; Hech. 24:15).

4. 31. «Yabáts neʼets ka waʼtsin i tsemláj» (Apoc. 21:​3, 4; Is. 25:8).

 AN KʼAKʼNAXTALÁB

1. 32. A Dios yab in batsʼuwal patal an kʼakʼnaxtaláb (Jer. 7:11; Mat. 7:​13, 14, 21-23).

2. 33. A Dios yab in kulbetnál jitaʼ u kʼambix (Is. 29:13; Miq. 3:11; Mar. 7:​6-8).

3. 34. An kʼakʼnaxtaláb axi chubax neʼets ka exláj kom in tejwamedhálchik i kʼanidhomtaláb (Miq. 4:3; Juan 13:​34, 35).