Ujisɔsi ka ācɛ nōo lɛ ɔtu ō yeŋee a géē jé ɔkwɛyi eko néē lɛ ɔ po. (Ujɔ́n. 10:​4, 27) Ohigbu ɛnyā, eko duuma nɛ alɔ gē kɛlā lɛ ācɛ, alɔ dɔka ō da uwa aɔkwɛyi ŋma ipu Ubáyíbu nōo tɔɔtɛ ō jɛyi nu. Ceyitikwu ō kɛla ɔkwɛyi éyi ŋma lɛ ō dɔka kahinii: “A jé ka . . . ?” amāŋ “A po jeejee ɛ ka . . . ?” Cɛɛ a bi ɛga ku Ubáyíbu nōo tɛɛma kwu ɔkwɛyi ɔɔma le yuklɔ. Ō da ɔcɛ a ɔkwɛyi ŋma ipu Ubáyíbu nōo tɔɔtɛ ō jɛyi nu lɔfu nyi ikpo ku ɔkoolɔhi a ipu ɔtu ku ɔcɛ ɔɔma, Ɔwɔico kē lɔfu ya ku īkpō ɔɔma kóō jɛ gla!—1 Ukɔ́r. 3:​6, 7.

•  Ɛcɔbu

•  Apɔlɛ

•  Ɔwɔico

•  Ɔkɔ Ō Gba

•  Ujisɔsi

•  Ajɔɔcɛ Ku Ɔwɔico

•  Owe

•  Ikwū

•  Ɔwɛ Ō Gba Ɛ̄gbā

 ƐCƆBU

1. 1. Aɔdā nōo yɔ i ya babanya mla ɔwɛ nɛ ācɛ gē ya odee a mafu ka ó gboji gɛ ŋ, odee géē piyabɔ.—Umát. 24:​3, 7, 8; Ulúk. 21:​10, 11; 2 Utím. 3:​1-5.

2. 2. É gáā ca ɛcɛ nyā taajɛ gboogboo ŋ.—Aíjē 104:5; Ɔ̄cok. 1:4.

3. 3. Ɛcɛ a géē le ya yeŋee klla géē kwu piya Uparadais.—Ayis. 35:​1, 2; Mafú. 11:18.

4. 4. Ɔcɛ duuma i klla gáā doōcē gɛ ŋ.—Ayis. 33:24; 35:​5, 6.

5. 5. A lɔfu lā ipu ɛcɛ nyā piyoo. —Aíjē 37:29; Umát. 5:5.

 APƆLƐ

1. 6. Ɔba cika ō “yíhɔtū tá ɔnyā nū bɛ̄ɛka iyī nū ā piíí.”—Āfi. 5:33; Ukól. 3:19.

2. 7. Ɔnyā cika ō lɛ ojilima ce ɔba nu piii.—Āfi. 5:33; Ukól. 3:18.

3. 8. Ɔba mla ɔnyā cika ō ka ɔkwɛyi lɛ iyi uwa, klla yɔ kwu iyi uwa gā ajaajɛ.—Umál. 2:16; Umát. 19:​4-6, 9; Uhíb. 13:4.

4. 9. Ayipɛ nōo gē lɛ ojilima ce adā mla ɛ́nɛ́ uwa klla lɛyitaajɛ lɛ uwa géē ya lɔhi.—Aíit. 1:​8, 9; Āfi. 6:​1-3.

 ƆWƆICO

1. 10. Ɔwɔico lɛ iye.—Oyɛb. 3:​14, ɛlā néē ta ɛhaajɛ a; Ujɛr. 10:​10, NW.

2. 11. Ubáyíbu wɛ olɛhɔ ocɛgbá nɛhi nōo ŋma ɛgiyi Ɔwɔico lɛ alɔ.—2 Utím. 3:​16, 17; 2 Upít. 1:​20, 21.

3. 12. Ɔwɔico i gē má eyigoo ŋ.—Obla. 10:17; Ācot. 10:​34, 35.

4. 13. Ɔwɔico dɔka ō ta alɔ abɔ.—Aíjē 46:1; 145:​18, 19.

 ƆKƆ Ō GBA

1. 14. Ɔwɔico dɔka ku alɔ gbɔɔkɔ lɛ ɔ.—Aíjē 62:8; 65:2; 1 Upít. 5:7.

2. 15. Ubáyíbu nwu alɔ ɛgɛ nɛ alɔ géē gbɔɔkɔ a.—Umát. 6:​7-13; Ulúk. 11:​1-4.

3. 16. Alɔ cika ō gbɔɔkɔ ojigogo.—Umát. 7:​7, 8; 1 Utes. 5:17.

 UJISƆSI

1. 17. Ujisɔsi wɛ itica nōo lɔhi fiyɛ duu a, ukɔ́ ku nu kē yɔ i yuklɔ jaa kwu icɛ.—Umát. 6:​14, 15, 34; 7:12.

2. 18. Ujisɔsi lɛ aɔdā nōo yɔ i ya icɛ a ka taajɛ gbɔbu ɛɛ.—Umát. 24:​3, 7, 8, 14; Ulúk. 21:​10, 11.

3. 19. Ujisɔsi wɛ ɔyi ku Ɔwɔico.—Umát. 16:16; Ujɔ́n. 3:16; 1 Ujɔ́n. 4:15.

4. 20. Ujisɔsi i wɛ Ɔwɔico nōo fiyɛ duu a ŋ.—Ujɔ́n. 14:28; 1 Ukɔ́r. 11:3.

 AJƆƆCƐ KU ƆWƆICO

1. 21. Ajɔɔcɛ ku Ɔwɔico wɛ igɔmɛnti nōo yɔ ɔkpanco ɔkwɔɔkwɛyi.—Udán. 2:44; 7:​13, 14; Umát. 6:​9, 10; Mafú. 11:15.

2. 22. Ajɔɔcɛ ku Ɔwɔico géē kwɛyi igɔmɛnti ku alɛɛcɛ.—Aíjē 2:​7-9; Udán. 2:44.

3. 23. Ajɔɔcɛ ku Ɔwɔico foofunu gáā ya ku ɛjɛɛji unwalu ku alɛɛcɛ kóō mɛ gla a.—Aíjē 37:​10, 11; 46:9; Ayis. 65:​21-23.

 OWE

1. 24. Ó wɛ Ɔwɔico gē ya nɛ alɔ gē má owe a ŋ.—Obla. 32:4; Ujɛ́m. 1:13.

2. 25. Usetan yɔ i lé ɔcɛ́ ikpɛyi ku ɛcɛ nyā a.—Ulúk. 4:​5, 6; 1 Ujɔ́n. 5:19.

3. 26. Ɔwɔico má owe nɛ a yɔ i má a, ó kē dɔka ō ta uwɔ abɔ.—Aíjē 34:​17-19; Ayis. 41:​10, 13.

4. 27. Ó gboji gɛ ŋ, Ɔwɔico géē bi ɛjɛɛji owe wa oŋmɛyi.—Ayis. 65:17; Mafú 21:​3, 4

 IKWŪ

1. 28. Ācɛ nōo gekwu ɛɛ ma i jé ɔdā duuma gɛ ŋ, é kē yɔ i má owe duuma ŋ.—Ɔ̄cok. 9:5; Ujɔ́n. 11:​11-14.

2. 29. Ācɛ nōo gekwu ɛɛ ma i ta alɔ abɔ amāŋ ya alɔ ɔdobɔbi duuma gla ŋ.—Aíjē 146:4; Ɔ̄cok. 9:​6, 10.

3. 30. Ācɛ nɛ alɔ yihɔtu uwa nōo gekwu ɛɛ ma géē heyi ŋma ɔlekwu.—Ujób. 14:​13-15; Ujɔ́n. 5:​28, 29; Ācot. 24:15.

4. 31. “Ikwū í gáā yɔ̄ gɛ ŋ́.”—Mafú 21:​3, 4; Ayis. 25:8.

 ƆWƐ Ō GBA Ɛ̄GBĀ

1. 32. Ó wɛ ɛjɛɛji ɔwɛ ō gba ɛ̄gbā he Ɔwɔico ɔtu a ŋ.—Ujɛr. 7:11; Umát. 7:​13, 14, 21-23.

2. 33. Ɔwɔico gē wɔtu ācɛ nōo leyi ɛpa a.—Ayis. 29:13; Umáy. 3:11; Umák. 7:​6-8.

3. 34. Ihɔtu ɔkwɛyi gē mafu ɔwɛ ō gba ɛ̄gbā ku ɔkwɛyi a.—Umáy. 4:3; Ujɔ́n. 13:​34, 35.