Imbaga ni Jesus a mailasin dagiti nasingpet a tattao ti kinapudno no mangngegda dayta. (Juan 10:​4, 27) Isu a no makisaritatayo kadagiti tattao, mangibagatayo kadagiti simple a kinapudno ti Biblia. Kas panangirugi, mabalinmo nga isaludsod: “Ammoyo kadi a . . . ?” wenno “Nangnangngegyo kadin a . . . ?” Kalpasanna, mangusarka iti mangsuporta a teksto a mangilawlawag iti dayta a kinapudno. No mangiranranudka iti simple a kinapudno iti Biblia, mabalin a makaimulaka iti bin-i iti puso ti tao, a dayta ti padakkelen ti Dios!—1 Cor. 3:​6, 7.

•  Ti Masakbayan

•  Pamilia

•  Dios

•  Kararag

•  Jesus

•  Pagarian ti Dios

•  Panagsagaba

•  Ipapatay

•  Relihion

 TI MASAKBAYAN

1. 1. Ipakita dagiti pasamak ita ken kababalin dagiti tattao nga asidegen nga adda panagbalbaliw.—Mat. 24:​3, 7, 8; Luc. 21:​10, 11; 2 Tim. 3:​1-5.

2. 2. Saanto a pulos a madadael ti daga.—Sal. 104:5; Ecl. 1:4.

3. 3. Matarimaanto ti daga.—Isa. 35:​1, 2; Apoc. 11:18.

4. 4. Perpektonto ti salun-at ti amin.—Isa. 33:24; 35:​5, 6.

5. 5. Mabalinmonto ti agbiag nga agnanayon ditoy daga.—Sal. 37:29; Mat. 5:5.

 PAMILIA

1. 6. Masapul nga ‘ayaten [ti lalaki] ti asawana a babai a kas iti panagayatna iti bagina.’—Efe. 5:33; Col. 3:19.

2. 7. Masapul nga adda nauneg a respeto ti babai iti asawana a lalaki.—Efe. 5:33; Col. 3:18.

3. 8. Masapul a matalek ti asawa a lalaki ken ti asawa a babai iti maysa ken maysa.—Mal. 2:16; Mat. 19:​4-6, 9; Heb. 13:4.

4. 9. Naimbag ti pagbanagan dagiti annak a mangrespeto ken agtulnog kadagiti nagannakda.—Prov. 1:​8, 9; Efe. 6:​1-3.

 DIOS

1. 10. Adda nagan ti Dios.—Sal. 83:18; Jer. 10:10.

2. 11. Adda importante a mensahe ti Dios kadatayo.—2 Tim. 3:​16, 17; 2 Ped. 1:​20, 21.

3. 12. Patas ken di manangidumduma ti Dios.—Deut. 10:17; Ara. 10:​34, 35.

4. 13. Kayatnatayo a tulongan ti Dios.—Sal. 46:1; 145:​18, 19.

  KARARAG

1. 14. Kayat ti Dios nga agkararagtayo kenkuana.—Sal. 62:8; 65:2; 1 Ped. 5:7.

2. 15. Isuronatayo ti Biblia no kasanotayo nga agkararag.—Mat. 6:​7-13; Luc. 11:​1-4.

3. 16. Kanayontayo koma nga agkararag.—Mat. 7:​7, 8; 1 Tes. 5:17.

 JESUS

1. 17. Naindaklan a mannursuro ni Jesus ken kanayon nga epektibo ti pammagbagana.—Mat. 6:​14, 15, 34; 7:12.

2. 18. Impakpakauna ni Jesus dagiti pasamak a makitkitatayo ita.—Mat. 24:​3, 7, 8, 14; Luc. 21:​10, 11.

3. 19. Ni Jesus ket Anak ti Dios.—Mat. 16:16; Juan 3:16; 1 Juan 4:15.

4. 20. Saan a ni Jesus ti Mannakabalin-amin a Dios.—Juan 14:28; 1 Cor. 11:3.

 PAGARIAN TI DIOS

1. 21. Ti Pagarian ti Dios ket maysa a pudno a gobierno idiay langit.—Dan. 2:44; 7:​13, 14; Mat. 6:​9, 10; Apoc. 11:15.

2. 22. Sukatanto ti Pagarian ti Dios ti amin a gobierno ti tao.—Sal. 2:​7-9; Dan. 2:44.

3. 23. Ti Pagarian ti Dios ti kakaisuna a solusion kadagiti amin a problema ti tattao.—Sal. 37:​10, 11; 46:9; Isa. 65:​21-23.

 PANAGSAGABA

1. 24. Saan a ti Dios ti paggapgapuan dagiti pakarigatantayo.—Deut. 32:4; Sant. 1:13.

2. 25. Ni Satanas ti mangiturturay iti daytoy a lubong.—Luc. 4:​5, 6; 1 Juan 5:19.

3. 26. Masaksaktan ti Dios iti panagrigrigattayo.—Sal. 34:​17-19; Isa. 41:​10, 13.

4. 27. Asidegen a pagpatinggaen ti Dios ti panagsagaba.—Isa. 65:17; Apoc. 21:​3, 4.

 IPAPATAY

1. 28. Awan ti ammo dagiti natay; saanda nga agrigrigat.—Ecl. 9:5; Juan 11:​11-14.

2. 29. Saandatayo a matulongan wenno madangran dagiti natay.—Sal. 146:4; Ecl. 9:​6, 10.

3. 30. Mapagungarto dagiti natayen nga ay-ayatentayo.—Job 14:​13-15; Juan 5:​28, 29; Ara. 24:15.

4. 31. “Awanton ni patay.”—Apoc. 21:​3, 4; Isa. 25:8.

 RELIHION

1. 32. Saan nga amin a relihion ket makaay-ayo iti Dios.—Jer. 7:11; Mat. 7:​13, 14, 21-23.

2. 33. Kagura ti Dios ti panaginsisingpet.—Isa. 29:13; Mik. 3:11; Mar. 7:​6-8.

3. 34. Ti pudno nga ayat ti pakabigbigan ti pudno a relihion.—Mik. 4:3; Juan 13:​34, 35.