Myit dingman ai masha ni gaw, tengman lam hpe na ai shaloi hkap la na re ngu Yesu tsun ai. (Yhn 10:4, 27) Dai majaw, masha ni hte hkrum shaga lu shagu chye na loi ai Chyum Laika tengman lam hpe anhte tsun dan mayu ai. Tengman lam hpe shachyen ya ai shaloi ndai hku san u: “. . . hpe chye ai kun?” (sh) “. . . hpe na ga ai kun?” Dai hpang, dai tengman lam hpe chyum daw (ni) hte sanglang dan u. Chye na loi ai Chyum Laika tengman lam hpe tsun dan ai hte pyi, marai langai a myit masin hta tengman lam nli hkrat mat chye ai. Dai nli tu kaba hkra Karai Kasang galaw lu ai.—1 Ko 3:6, 7.

•  Htawm Hpang Prat

•  Kun Dinghku

•  Karai Kasang

•  Akyu Hpyi

•  Yesu

•  Karai A Mungdan

•  Yakhkak Ai Lam

•  Si Ai Lam

•  Nawku Htung

 HTAWM HPANG PRAT

1. 1. Mungkan a mabyin ni, shinggyim masha ni a lailen ni gaw, kade n na yang galai shai lam lama ma byin sana hpe madun nga ai.—Mat 24:3, 7, 8; Luk 21:10, 11; 2 Tm 3:1-5.

2. 2. Mungkan ga gaw galoi mung jahten hkrum na n re.—Shk 104:5; Hpj 1:4.

3. 3. Mungkan ga a shingra maka gaw grau kaja wa na.—Esa 35:1, 2; Shr 11:18.

4. 4. Masha yawng hkum tsup ai hkamja lam lu na.—Esa 33:24; 35:5, 6.

5. 5. Mungkan ga hta nang htani htana asak hkrung lu na.—Shk 37:29; Mat 5:5.

 KUN DINGHKU

1. 6. Madu wa gaw “tinang hkum hpe tsaw ra ai hte maren tinang a madu jan hpe tsaw ra nga u ga.”—Ehp 5:33; Kol 3:19.

2. 7. Madu jan gaw madu wa hpe grai hkungga lara ging ai.—Ehp 5:33; Kol 3:18.

3. 8. Madu jan hte madu wa shada da sadi dung ging ai.—Mal 2:16; Mat 19:4-6, 9; Heb 13:4.

4. 9. Kanu kawa ni hpe hkungga ai, ga madat ai ma ni gaw awng dang lam lu na re.—Gsh 1:8, 9; Ehp 6:1-3.

 KARAI KASANG

1. 10. Karai Kasang hta mying nga ai.—Shk 83:17; Yer 10:10.

2. 11. Karai Kasang gaw anhte hpe matut mahkai ai.—2 Tm 3:16, 17; 2 Pe 1:20, 21.

3. 12. Karai Kasang gaw myi man n lata ai.—Trj 10:17; Kas 10:34, 35.

4. 13. Karai Kasang gaw anhte hpe karum ya mayu ai.—Shk 46:1; 145:18, 19.

  AKYU HPYI

1. 14. Karai Kasang gaw shi kaw akyu hpyi shangun mayu ai.—Shk 62:8; 65:2; 1 Pe 5:7.

2. 15. Gara hku akyu hpyi ra na hpe Chyum Laika gaw sharin ya ai.—Mat 6:7-13; Luk 11:1-4.

3. 16. Chyahkring hkring akyu hpyi ging ai.—Mat 7:7, 8; 1 Ht 5:17.

 YESU

1. 17. Yesu gaw grau htum ai sara re. Shi jaw ai hpaji jaw ga gaw galoi mung akyu nga ai.—Mat 6:14, 15, 34; 7:12.

2. 18. Dai ni aten hta mu lu ai mabyin ni hpe Yesu tau hkrau tsun wa ai.—Mat 24:3, 7, 8, 14; Luk 21:10, 11.

3. 19. Yesu gaw Karai Kasang a Kasha re.—Mat 16:16; Yhn 3:16; 1 Yh 4:15.

4. 20. Yesu gaw Chyahtum Chyalai N-gun Rawng Ai Karai n re.—Yhn 14:28; 1 Ko 11:3.

 KARAI A MUNGDAN

1. 21. Karai A Mungdan gaw sumsing lamu hta gaja wa nga ai asuya re.—Dan 2:44; 7:13, 14; Mat 6:9, 10; Shr 11:15.

2. 22. Shinggyim asuya shara hta Karai A Mungdan malai shang wa na.—Shk 2:7-9; Dan 2:44.

3. 23. Karai A Mungdan sha shinggyim masha ni a manghkang hpe hparan ya lu ai.—Shk 37:10, 11; 46:9; Esa 65:21-23.

 YAKHKAK AI LAM

1. 24. Anhte hkrum ai yakhkak lam ni hpe Karai Kasang shabyin ai n re.—Trj 32:4; Yak 1:13.

2. 25. Ndai mungkan hpe Satan uphkang nga ai.—Luk 4:5, 6; 1 Yh 5:19.

3. 26. Na a yakhkak ai lam ni hpe Karai Kasang mu ai, karum ya mayu ai.—Shk 34:17-19; Esa 41:10, 13.

4. 27. Yakhkak ai lam ni hpe kade n na yang Karai Kasang jahtum kau na.—Esa 65:17; Shr 21:3, 4.

 SI AI LAM

1. 28. Si ai ni gaw hpa n chye ai, hpa hkamsha lam mung n nga sai.—Hpj 9:5; Yhn 11:11-14.

2. 29. Si ai ni gaw anhte hpe n lu karum ya ai zawn, hkra machyi hkra mung n lu galaw ai.—Shk 146:4; Hpj 9:6, 10.

3. 30. Tsawra ai si mat ai ni bai hkrung rawt wa na.—Yob 14:13-15; Yhn 5:28, 29; Kas 24:15.

4. 31. “Si hkrung si htan n nga lu na sai.”—Shr 21:3, 4; Esa 25:8.

 NAWKU HTUNG

1. 32. Nawku htung yawng hpe Karai Kasang n hkap la ai.—Yer 7:11; Mat 7:13, 14, 21-23.

2. 33. Hpyi hpun ai ni hpe Karai Kasang nju ndawng ai.—Esa 29:13; Mik 3:11; Mrk 7:6-8.

3. 34. Jet ai tsawra myit gaw jet ai nawku htung a masat dingsat re.—Mik 4:3; Yhn 13:34, 35.