Li Jesús kixye naq ebʼ li qas qiitzʼin li chaabʼilebʼ xchʼool teʼruuq xkʼebʼal reetal bʼar wank li yaal (Juan 10:​4, 27). Joʼkan naq naqaj xkʼutbʼal chiruhebʼ li yaal li wank saʼ li Santil Hu li moko chʼaʼaj ta xtawbʼal ru. Naru tqatikibʼ xyeebʼal chi joʼkaʼin «Ma nakaanaw naq…?» malaj «Ma aawabʼihom jun sutaq naq…?» ut chirix chik aʼan tqakʼut chiru jun li naʼlebʼ li wank saʼ li Santil Hu li moko chʼaʼaj ta xtawbʼal ru. Tojaʼ naq tqoksi jun xraqal li Santil Hu li naxchʼolobʼ aʼin. Naq naqawotz rikʼin junaq li qas qiitzʼin li naʼlebʼ chirix li Santil Hu li moko chʼaʼaj ta xtawbʼal ru chanchan tawiʼ yooko xrawbʼal saʼ li xchʼool jun li chʼina iyaj. Ut li Yos naru naxbʼaanu naq li chʼina iyaj aʼin tkʼiiq! (1 Cor. 3:​6, 7).

•  Li kutan chalk re

•  Li junkabʼal

•  Li Yos

•  Li tijok

•  Li Jesús

•  Li Xʼawabʼejilal li Yos

•  Li rahilal

•  Li kamk

•  Li paabʼal

 LI KUTAN CHALK RE

1. 1. Rikʼin chixjunil li yook chi kʼulmank ut chanru yookebʼ chi naʼlebʼak ebʼ li qas qiitzʼin, aʼin naxkʼutbʼesi naq chi seebʼ tjalaaq chixjunil (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Li Ruuchichʼochʼ maajunwa tsachmanq (Sal. 104:5; Ecl. 1:4).

3. 3. Maakʼaʼ chik ttzʼajninq re li qasutam (Is. 35:​1, 2; Apoc. 11:18).

4. 4. Saʼ li kutan chalk re maaʼani chik tyajerq (Is. 33:24; 35:​5, 6).

5. 5. Naru tatwanq chi junelik saʼ Ruuchichʼochʼ (Sal. 37:​29, TNM; Mat. 5:5).

 LI JUNKABʼAL

1. 6. Ex bʼeelomej tento raj teera leerixaqil «joʼ naq nekeera eeribʼ» (Efes. 5:33; Col. 3:19).

2. 7. Li ixaqilbʼej qʼaxal troxloqʼi raj li xbʼeelom (Efes. 5:33; Col. 3:18).

3. 8. Li bʼeelomej joʼ ajwiʼ li ixaqilbʼej maajunwa raj teʼxkʼat roq chiribʼilebʼ ribʼ (Mal. 2:16; Mat. 19:​4-6, 9; Heb. 13:4).

4. 9. Us teʼelq ebʼ li alal kʼajolbʼej li nekeʼabʼink ut nekeʼroxloqʼi li xnaʼ xyuwaʼ (Prov. 1:​8, 9; Efes. 6:​1-3).

 LI YOS

1. 10. Li Yos wank xkʼabʼaʼ (Jer. 10:​10, TNM; Sal. 83:​18, TNM).

2. 11. Li Yos kixkʼe qe jun li esil li wank xwankil (2 Tim. 3:​16, 17; 2 Ped. 1:​20, 21).

3. 12. Li Yos tiik xchʼool ut inkʼaʼ nasikʼok u (Deut. 10:17; Hech. 10:​34, 35).

4. 13. Li Yos naraj qatenqʼankil (Sal. 46:2; 145:​18, 19).

  LI TIJOK

1. 14. Li Yos naraj naq tootijoq chiru (Sal. 62:9; 65:3; 1 Ped. 5:7).

2. 15. Li Santil Hu naxkʼut chiqu chanru tootijoq (Mat. 6:​7-13; Luc. 11:​1-4).

3. 16. Junelik raj tootijoq (Mat. 7:​7, 8; 1 Tes. 5:17).

 LI JESÚS

1. 17. Li Jesús aʼan jun chaabʼil aj kʼutunel ut li naʼlebʼ li naxkʼe junelik nokooxtenqʼa (Mat. 6:​14, 15, 34; 7:12).

2. 18. Li Jesús ak kixye chaq rubʼelaj li yooko rilbʼal anaqwan (Mat. 24:​3, 7, 8, 14; Luc. 21:​10, 11).

3. 19. Li Jesús aʼan Ralal li Yos (Mat. 16:16; Juan 3:16; 1 Juan 4:15).

4. 20. Li Jesús moko aʼan ta li Yos (Juan 14:28; 1 Cor. 11:3).

 LI XʼAWABʼEJILAL LI YOS

1. 21. Li Xʼawabʼejilal li Yos aʼan jun tzʼaqal Awabʼejilal li wank saʼ choxa (Dan. 2:44; 7:​13, 14; Mat. 6:​9, 10; Apoc. 11:15).

2. 22. Li Xʼawabʼejilal li Yos tkanaaq choʼq reqaj ebʼ li xʼawabʼejilal li winq (Sal. 2:​7-9; Dan. 2:44).

3. 23. Kaʼajwiʼ li Xʼawabʼejilal li Yos tixtuqubʼ ru ebʼ li chʼaʼajkilal (Sal. 37:​10, 11; 46:10; Is. 65:​21-23).

 LI RAHILAL

1. 24. Moko li Yos ta wank re, naq wank qarahilal (Deut. 32:4; Sant. 1:13).

2. 25. Laj Tza najolomink re li ruuchichʼochʼ aʼin (Luc. 4:​5, 6; 1 Juan 5:19).

3. 26. Li Yos naril li rahilal li nakaakʼul ut naraj aatenqʼankil (Sal. 34:​18-20; Is. 41:​11, 14).

4. 27. Chi seebʼ li Yos trisi chixjunil li rahilal (Is. 65:17; Apoc. 21:​3, 4).

 LI KAMK

1. 28. Ebʼ li kamenaq maakʼaʼ chik nekeʼrekʼa ut inkʼaʼ yookebʼ chi rahobʼtesiik (Ecl. 9:5; Juan 11:​11-14).

2. 29. Ebʼ li kamenaq inkʼaʼ nekeʼruuk qatenqʼankil chi moko qarahobʼtesinkil (Sal. 146:4; Ecl. 9:​6, 10).

3. 30. Ebʼ li qakomon joʼ ajwiʼ ebʼ li qamiiw li ak xeʼkamk, teʼwaklesiiq chi yoʼyo (Job 14:​13-15; Juan 5:​28, 29; Hech. 24:15).

4. 31. «Maakʼaʼaq chik li kamk» (Apoc. 21:​3, 4; Is. 25:8).

 LI PAABʼAL

1. 32. Li Yos inkʼaʼ naxkʼulubʼa chixjunilebʼ li paabʼal (Jer. 7:11; Mat. 7:​13, 14, 21-23).

2. 33. Li Yos xikʼ naril li kaʼpakʼalil u (Is. 29:13; Miq. 3:11; Mar. 7:​6-8).

3. 34. Li nakʼutbʼesink re li tzʼaqal paabʼal aʼan li rahok (Miq. 4:3; Juan 13:​34, 35).