Yesu waambile’mba bantu bakishinka bakakwatakanya bukine inge twibasapwila. (Yoa. 10:4, 27) Onkao mambo, kimye kyonse kyo twisamba na bantu, twafwainwa kwibabuulangako bukine buji mu Baibolo. Mwakonsha kutendeka bino: “Nanchi mwayuka’mba . . . ?” nangwa’mba “Nanchi mwakyumvwapo kala amba . . . ?” Inge mwapwisha kwibepuzha, tangai kinembelo kyakwatankana na bukine bo mubena kwisambapo. Kwisamba na muntu bukine mu kakimye kacheche kukabyala lukunwa mu muchima wanji, kabiji Lesa ukamenesha uno lukunwa.​—1 Ko. 3:6, 7.

•  Biji kulutwe

•  Kisemi

•  Lesa

•  Lulombelo

•  Yesu

•  Bufumu bwa Lesa

•  Kuyanda

•  Lufu

•  Bupopweshi

 BIJI KULUTWE

1. 1. Bintu byo tubena kumona lelo ne kutaminako kwa byubilo bya bantu, bibena kumwesha’mba katatakatu mpelo ifike.​—Mat. 24:3, 7, 8; Luka 21:10, 11; 2 Timo. 3:1-5.

2. 2. Ntanda kechi bakeyonauna ne.​—Sala. 104:5; Sapwi. 1:4.

3. 3. Ntanda bakeiwamisha.​—Isa. 35:1, 2; Lum. 11:18.

4. 4. Muntu yense ukekala bulongo kwa kubula kukolwa.​—Isa. 33:24; 35:5, 6.

5. 5. Mukekala myaka ne myaka pano pa ntanda.​—Sala. 37:29; Mat. 5:5.

 KISEMI

1. 6. Mwanamulume wafwainwa “kutemwa mukazhanji byonka byo etemwa aye mwine.”​—Efi. 5:33; Kolo. 3:19.

2. 7. Mwanamukazhi wafwainwa kupa mwatawanji mushingi mukatampe.​—Efi. 5:33; Kolo. 3:18.

3. 8. Bamulume ne mukazhi bafwainwa kwikala bakishinka mulwabo.​—Mala. 2:16; Mat. 19:4-6, 9; Hebe. 13:4.

4. 9. Baana banemeka ne kukookela bansemi babo, bekala bingi bulongo.​—Maana 1:8, 9; Efi. 6:1-3.

 LESA

1. 10. Lesa uji na jizhina.​—Sala. 83:18; Yele. 10:10.

2. 11. Lesa wisamba ne atweba.​—2 Timo. 3:16, 17; 2 Pe. 1:20, 21.

3. 12. Lesa kechi uji na misalululo ne.​—Mpitu. 10:17; Byu. 10:34, 35.

4. 13. Lesa winengezha kwitukwasha.​—Sala. 46:1; 145:18, 19.

  LULOMBELO

1. 14. Lesa ukeba’mba tulombenga kwi aye.​—Sala. 62:8; 65:2; 1 Pe. 5:7.

2. 15. Baibolo witubuula bya kulomba kwi Lesa.​—Mat. 6:7-13; Luka 11:1-4.

3. 16. Twafwainwa kulombanga kimye kyonse.​—Mat. 7:7, 8; 1 Tesa. 5:17.

 YESU

1. 17. Yesu wayukile bingi kufunjisha kabiji byonse byo afunjishanga bingila ne lelo jino.​—Mat. 6:14, 15, 34; 7:12.

2. 18. Yesu waambijile jimo bintu bibena kumweka mu ano moba.​—Mat. 24:3, 7, 8, 14; Luka 21:10, 11.

3. 19. Yesu Mwana Lesa.​—Mat. 16:16; Yoa. 3:16; 1 Yoa. 4:15.

4. 20. Yesu kechi Lesa wa bulume bonse ne.​—Yoa. 14:28; 1 Ko. 11:3.

 BUFUMU BWA LESA

1. 21. Bufumu bwa Lesa ke kafulumende wa kine uji mwiulu.​—Da. 2:44; 7:13, 14; Mat. 6:9, 10; Lum. 11:15.

2. 22. Bufumu bwa Lesa bukafumyapo makafulumende onse a bantu.​—Sala. 2:7-9; Da. 2:44.

3. 23. Bufumu bwa Lesa bo bonkatu bukapwisha makatazho onse abena kupitamo bantu.​—Sala. 37:10, 11; 46:9; Isa. 65:21-23.

 KUYANDA

1. 24. Lesa kechi ye witulengela’mba tuyandenga ne.​—Mpitu. 32:4; Yako. 1:13.

2. 25. Satana ye ubena kulama ino ntanda.​—Luka 4:5, 6; 1 Yoa. 5:19.

3. 26. Lesa umona kuyanda kwenu kabiji winengezha kwimukwasha.​—Sala. 34:17-19; Isa. 41:10, 13.

4. 27. Katatakatu Lesa afumyepo makatazho onse.​—Isa. 65:17; Lum. 21:3, 4.

 LUFU

1. 28. Bantu bafwa kafwako kyo bayuka ne. Kabiji kechi babena kuyanda ne.​—Sapwi. 9:5; Yoa. 11:11-14.

2. 29. Bantu bafwa kechi bafwainwa kwitukwasha nangwa kwitukozha ne.​—Sala. 146:4; Sapwi. 9:6, 10.

3. 30. Bantu bafwa bakebasangula.​—Yoba 14:13-15; Yoa. 5:28, 29; Byu. 24:15.

4. 31. ‘Lufu . .  . kechi lukekalako jibiji ne.’​—Lum. 21:3, 4; Isa. 25:8.

 BUPOPWESHI

1. 32. Kechi bupopweshi bonse butokesha Lesa ku muchima ne.​—Yele. 7:11; Mat. 7:13, 14, 21-23.

2. 33. Lesa washikwa bukamfutumfutu.​—Isa. 29:13; Mika 3:11; Mako 7:6-8.

3. 34. Butemwe bwa kine bo buyukisha bupopweshi bwa kine.​—Mika 4:3; Yoa. 13:34, 35.