Yesu zonzaka ti ntangu bantu ya ntima ya mbote ke kuwa matsyeleka, ba ke zaba ti ya ke matsyeleka. (Yoa. 10:4, 27) Na yawu, ntangu nyonso yina beto ke sololaka na bantu, beto zola kabula na bawu na faso ya pete matsyeleka ya Biblia. Samu na kubanda kuzonzila mosi ya matsyeleka ya Biblia, nge lenda yufula muntu: “Nge me zaba ti . . . ?” to “Nge me kanisa ti . . . ?” Na manima, sadila baverse ya Biblia yina ke na yisi samu na kuzonzila matsyeleka yango. Kusosa kukabula kaka mwa mosi ya matsyeleka ya Biblia lenda kunda na ntima ya muntu mbuma ya matsyeleka, mpe Nzambi lenda kulisa yawu.​—1Ko. 3:6, 7.

•  Bilumbu ya mantwala

•  Dikanda

•  Nzambi

•  Lusambu

•  Yesu

•  Kimfumu ya Nzambi

•  Bampasi

•  Lufwa

•  Mabuundu

 BILUMBU YA MANTWALA

1. 1. Bamambu yina ke na lutaka na yinza mpe ndyatulu ya bantu ke na lakisaka ti na mwa ntangu, bamambu ke soba.​—Mat. 24:3, 7, 8; Luke 21:10, 11; 2 Tim. 3:1-5.

2. 2. Ntoto ke mwangana ve ata fioti.​—Nku. 104:5; Lon. 1:4.

3. 3. Bisika nyonso ya ntoto ke kuma kitoko.​—Iza. 35:1, 2; Luz. 11:18.

4. 4. Bantu nyonso ke vanda na mavimpi ya mbote.​—Iza. 33:24; 35:5, 6.

5. 5. Nge lenda zinga ntangu nyonso na zulu ya ntoto.​—Nku. 37:29; Mat. 5:5.

 DIKANDA

1. 6. Bakala me lunga “kuzola kento ya yandi mutindu yandi ke zolaka nzutu ya yandi mosi.”​—Ef. 5:33; Kol. 3:19.

2. 7. Kento me lunga kuzitisa bakala ya yandi.​—Ef. 5:33; Kol. 3:18.

3. 8. Kento na bakala yina ke ya kukwelana zola basika ve na muntu ya nkaka.​—Mal. 2:16; Mat. 19:4-6, 9; Ebr. 13:4.

4. 9. Bana yina ke zitisaka mpe ke tumamaka na bibuti ya bawu, mambu yina ba ke sala ke simba.​—Bin. 1:8, 9; Ef. 6:1-3.

 NZAMBI

1. 10. Nzambi ke na nkumbu.​—Nku. 83:18; Yer. 10:10.

2. 11. Ya ke na mambu yina Nzambi me zonza samu na beto.​—2 Tim. 3:16, 17; 2 Pi. 1:20, 21.

3. 12. Nzambi ke talaka bantu nyonso mutindu mosi.​—Kul. 10:17; Bis. 10:34, 35.

4. 13. Nzambi zola kusadisa beto.​—Nku. 46:1; 145:18, 19.

  LUSAMBU

1. 14. Nzambi zola ti beto sambila yandi.​—Nku. 62:8; 65:2; 1 Pi. 5:7.

2. 15. Biblia ke longaka beto mutindu ya kusambila.​—Mat. 6:7-13; Luke 11:1-4.

3. 16. Beto zola sambila ntangu nyonso.​—Mat. 7:7, 8; 1 Tes. 5:17.

 YESU

1. 17. Yesu vandaka mulongi ya nene mpe malongi ya yandi ke simbaka kaka tii bubu yayi.​—Mat. 6:14, 15, 34; 7:12.

2. 18. Yesu bikulaka bamambu yina beto ke na talaka bubu yayi.​—Mat. 24:3, 7, 8, 14; Luke 21:10, 11.

3. 19. Yesu kele Mwana ya Nzambi.​—Mat. 16:16; Yoa. 3:16; 1 Yoa. 4:15.

4. 20. Yesu kele ve Nzambi ya Ngolo-Nyonso.​—Yoa. 14:28; 1 Ko. 11:3.

 KIMFUMU YA NZAMBI

1. 21. Kimfumu ya Nzambi ke na mazulu mpe ke yala awa na ntoto.​—Dan. 2:44; 7:13, 14; Mat. 6:9, 10; Luz. 11:15.

2. 22. Kimfumu ya Nzambi ke yala na kisika ya bimfumu ya bantu.​—Nku. 2:7-9; Dan. 2:44.

3. 23. Kaka Kimfumu ya Nzambi lenda katula mambu nyonso ya yimbi na zulu ya ntoto.​—Nku. 37:10, 11; 46:9; Iza. 65:21-23.

 BAMPASI

1. 24. Bampasi ya beto ke katukaka ve na Nzambi.​—Kul. 32:4; Zaki 1:13.

2. 25. Yinza yayi ke na lutumu ya Satana.​—Luke 4:5, 6; 1 Yoa. 5:19.

3. 26. Nzambi ke talaka bampasi ya beto mpe yandi zola kusadisa beto.​—Nku. 34:17-19; Iza. 41:10, 13.

4. 27. Ntama mingi ve, Nzambi ke katula bampasi ya beto.​—Iza. 65:17; Luz. 21:3, 4.

 LUFWA

1. 28. Bantu ya kufwa zaba ata kima mpe ba ke talaka ve mpasi.​—Lon. 9:5; Yoa. 11:11-14.

2. 29. Bantu ya kufwa lenda sadisa ve beto mpe ba lenda talisa ve beto mpasi.​—Nku. 146:4; Lon. 9:6, 10.

3. 30. Bantu ya beto yina kufwaka ke vumbuka na lufwa.​—Yobi 14:13-15; Yoa. 5:28, 29; Bis. 24:15.

4. 31. “Bantu ke kufwa dyaka ve.”​—Luz. 21:3, 4; Iza. 25:8.

 MABUUNDU

1. 32. Nzambi ke ndimaka ve mabuundu nyonso.​—Yer. 7:11; Mat. 7:13, 14, 21-23.

2. 33. Nzambi ke yiinaka bantu yina ke sadilaka yandi kaka na bikoba.​—Iza. 29:13; Mika 3:11; Mrk. 7:6-8.

3. 34. Dibuundu ya tsyeleka ke zabanaka na luzolo yina bampangi ke lakisaka bawu na bawu.​—Mika 4:3; Yoa. 13:34, 35.