Yeˍsuˆ kʼoˆ ve, nyi ma nuˇ nehˬ ve chaw lehˬ Liꞈ hpu hkʼaw ve awˬ lawn htaꞈ gʼa kaˇ htaˇ, chi awˬ tehˬ hpehꞈ ve tehꞈ yawˇ hui shiˍ ve yoˬ. (Yoˇhanˬ 10:4, 27) Chi htaꞈ pa taw, ngaˬ hui awˬ nu ve chaw geh tawˇ yaw daꞈ htaˇ, Liꞈ hpu hkʼaw awˬ tehˬ ve teˇ lawn lawn yawˇ htaꞈ kaˇ tcuh gaˇ ve yoˬ. Ngaˬ hui yawˇ htaꞈ chi hkʼe na nyi piˇ gʼa ve: “Nawˬ chi hkʼe dawˇ˗aw laˇ?” Maˇ heˆ leh “Nawˬ chi hkʼe kaˇ jaw˗aw laˇ?” Peuˬ leh awˬ tehˬ ve oˇ ve htaꞈ caˉ daꞈ ve Liꞈ hpu awˬ tawn kʼoˆ maˍ piˇ gʼa ve yoˬ. Chi hkʼe te ve lehˬ, chaw yaˇ ve nyi ma hkʼaw awˬ tehˬ ve awˬ yawˇ ti keu piˇ ve htaꞈ shuˍ leh Gʼuiˬ sha uiˍ la yeˬ la piˇ gʼa tuˬ yoˬ!—1 Kawˇrenˍhtuˆ 3:6, 7.

•  Awˬ gʼuˇ suhˍ hpawˇ

•  Yehˬ kʼa

•  Gʼuiˬ sha

•  Bon lawˬ ve

•  Yeˍsuˆ

•  Gʼuiˬ sha ve mvuhˇ miˬ

•  Tuꞈ ve hkanˍ ve

•  Suh ve

•  Bon liˇ

 Awˬ gʼuˇ suhˍ hpawˇ

1. 1. Chi beuꞈ teˇ co˗e haiˬ ve awˬ ceuˬ lehˬ, maˇ maw ve awˬ yanˇ hkʼaw pa ve awˬ ceuˬ cawˬ tuˬ yoˬ tehꞈ hpeuꞈ maw laˇ ve yoˬ.—Maꞈhtehˍ 24:3, 7, 8; Luˉkaꞈ 21:10, 11; 2 Tiˆmoˉseˍ 3:1-5.

2. 2. Miˬ guiˬ chi maˇ luˬ kʼai taˬ.—Chiˇ mvuh ve 104:5; Cuˇ yiˍ piˇ ve 1:4.

3. 3. Mvuhˇ haw awˬ shaˉ maˇ daꞈ ve, mvuhˇ yeˬ mvuhˇ haw lonˉ maˇ kʼawꞈ cawˬ leh miˬ guiˬ chi ve lehˬ daꞈ jaˇ ve Paˍraˍdiˇsuˆ hpehꞈ la tuˬ yoˬ.—Iˉsaˍyaˆ 35:1, 2; Hpeuꞈ maˍ ve 11:18.

4. 4. Teˇ gʼaˇ le le chehˇ sha cawˬ sha leh awˬ gʼaˇ awˬ shaˉ cawˬ tuˬ yoˬ.—Iˉsaˍyaˆ 33:24; 35:5, 6.

5. 5. Miˬ guiˬ chi hkʼoˆ lo nawˬ co co taiˍ taiˍ gʼa chehˇ tuˬ yoˬ.—Chiˇ mvuh ve 37:29; Maꞈhtehˍ 5:5.

 Yehˬ kʼa

1. 6. Awˬ hpawˇ lehˬ, “a shu yawˇ awˬ to htaꞈ haꞈ ve hkʼe, a shu yawˇ awˬ miˇ ma htaꞈ haꞈ” cawˇ ve yoˬ.—Eˇfeˇsuꞈ 5:33; Kawˇlawˇsehˇ 3:19.

2. 7. Awˬ miˇ ma lehˬ, a shu yawˇ ve awˬ hpawˇ htaꞈ yawˆ yan cawˇ ve yoˬ.—Eˇfeˇsuꞈ 5:33; Kawˇlawˇsehˇ 3:18.

3. 8. Awˬ hpawˇ awˬ miˇ ma ka tiꞈ gʼa yeˬ daꞈ ve yoˬ.—Maˍlaˍhkiˆ 2:16; Maꞈhtehˍ 19:4-6, 9; Heˍbrehˇ 13:4.

4. 9. Yaˇ lehˬ, awˬ pa awˬ e htaꞈ yawˆ yan leh yawˇ hui ve hkawˇ na yuˬ ve kʼo, a shaꞈ teꞈ kuiˬ hkʼaw ha lehˬ gʼa tuˬ yoˬ.—Tawˇ naˉ ve 1:8, 9; Eˇfeˇsuꞈ 6:1-3.

 Gʼuiˬ sha

1. 10. Gʼuiˬ sha lehˬ awˬ meh cawˬ ve yoˬ.—Chiˇ mvuh ve 83:18; Yeˍraˍmiˆ 10:10.

2. 11. Gʼuiˬ sha ngaˬ hui htaꞈ a yeˇ uiˍ ve awˬ lawn kʼoˆ laˇ ve yoˬ.—2 Tiˆmoˉseˍ 3:16, 17; 2 Peˍtruˆ 1:20, 21.

3. 12. Gʼuiˬ sha lehˬ hteˇ jaˇ cawˇ jaˇ leh chaw mehˆ hpfuhˇ htaꞈ maˇ nyi ve yoˬ.—Bon maˍ ve 10:17; Tcuh yaˇ 10:34, 35.

4. 13. Gʼuiˬ sha ngaˬ hui htaꞈ ga laˇ gaˇ ve yoˬ.—Chiˇ mvuh ve 46:1; 145:18, 19.

  Bon lawˬ ve

1. 14. Gʼuiˬ sha ngaˬ hui yawˇ geh bon lawˬ tcuh gaˇ ve yoˬ.—Chiˇ mvuh ve 62:8; 65:2; 1 Peˍtruˆ 5:7.

2. 15. Ngaˬ hui bon hkʼaˬ hkʼe lawˬ tuˬ Liꞈ hpu hkʼaw maˍ laˇ ve yoˬ.—Maꞈhtehˍ 6:7-13; Luˉkaꞈ 11:1-4.

3. 16. Ngaˬ hui hkʼaˬ htaˆ kaꞈ bon lawˬ cawˇ ve yoˬ.—Maꞈhtehˍ 7:7, 8; 1 Hteˇsaˍlawˇniˆ 5:17.

 Yeˍsuˆ

1. 17. Yeˍsuˆ cheuˬ jaˇ ve Saˍ laꞈ lonˉ hpehꞈ leh yawˇ beˆ maˍ laˇ ve hkʼaˬ htaˆ kaꞈ yehˇ gʼa ve yoˬ.—Maꞈhtehˍ 6:14, 15, 34; 7:12.

2. 18. Chi beuꞈ teˇ ce˗e ngaˬ hui mawˬ chehˇ ve awˬ heˆ htaꞈ caˉ daꞈ ve, Yeˍsuˆ awˬ gʼuˇ suhˍ htaˇ kaꞈ kʼoˆ laˇ taˍ ve yoˬ.—Maꞈhtehˍ 24:3, 7, 8, 14; Luˉkaꞈ 21:10, 11.

3. 19. Yeˍsuˆ Gʼuiˬ sha ve Yaˇ hpehꞈ ve yoˬ.—Maꞈhtehˍ 16:16; Yoˇhanˬ 3:16; 1 Yoˇhanˬ 4:15.

4. 20. Yeˍsuˆ lehˬ kanˇ paˆ uiˍ jaˇ ve Gʼuiˬ sha hpehꞈ ve maˇ heˆ.—Yoˇhanˬ 14:28; 1 Kawˇrenˍhtuˆ 11:3.

 Gʼuiˬ sha ve mvuhˇ miˬ

1. 21. Gʼuiˬ sha ve mvuhˇ miˬ lehˬ, mvuhˇ naw ma hkʼoˆ uˉ peunˍ ve teˇ ceuˬ hpehꞈ ve yoˬ.—Daˍyeˍlaˆ 2:44; 7:13, 14; Maꞈhtehˍ 6:9, 10; Hpeuꞈ maˍ ve 11:15.

2. 22. Gʼuiˬ sha ve mvuhˇ miˬ chaw yaˇ uˉ peunˍ ve awˬ tan uˉ peunˍ tuˬ yoˬ.—Chiˇ mvuh ve 2:7-9; Daˍyeˍlaˆ 2:44.

3. 23. Gʼuiˬ sha ve mvuhˇ miˬ ceh tiˉ chaw yaˇ shoꞈ shaꞈ ve htaꞈ gu laˇ gʼa ve yoˬ.—Chiˇ mvuh ve 37:10, 11; 46:9; Iˉsaˍyaˆ 65:21-23.

 Tuꞈ ve hkanˍ ve

1. 24. Gʼuiˬ sha lehˬ tuꞈ ve hkanˍ ve cawˬ tcuh ve maˇ heˆ.—Bon maˍ ve 32:4; Yaˍkoˆ 1:13.

2. 25. Saˍtanˍ miˬ guiˬ chi htaꞈ uˉ peunˍ chehˇ ve yoˬ.—Luˉkaꞈ 4:5, 6; 1 Yoˇhanˬ 5:19.

3. 26. Nawˬ tuꞈ ve hkanˍ ve gʼa hpuˇ htaˇ, Gʼuiˬ sha nawˬ htaꞈ dawˇ haˍ leh ga laˇ gaˇ ve yoˬ.—Chiˇ mvuh ve 34:17-19; Iˉsaˍyaˆ 41:10, 13.

4. 27. Maˇ maw ve awˬ yanˇ hkʼaw tuꞈ ve hkanˍ ve hkʼa peu˗eˬ htaꞈ Gʼuiˬ sha yuˬ baˬ tuˬ yoˬ.—Iˉsaˍyaˆ 65:17; Hpeuꞈ maˍ ve 21:3, 4.

 Suh ve

1. 28. Suh peuˬ ve chaw teꞈ chiˉ maˇ shiˍ leh yawˇ tuꞈ ve hkanˍ ve maˇ gʼa hpuˇ˗o.—Cuˇ yiˍ piˇ ve 9:5; Yoˇhanˬ 11:11-14.

2. 29. Suh˗oˬ ve chaw ngaˬ hui htaꞈ ga laˇ maˇ gʼa leh ngaˬ hui htaꞈ kaꞈ te luˬ laˇ maˇ gʼa.—Chiˇ mvuh ve 146:4; Cuˇ yiˍ piˇ ve 9:6, 10.

3. 30. Nawˬ haꞈ ve chaw suh˗oˬ ve htawˇ, kʼawꞈ teꞈ tu la tuˬ yoˬ.—Yawˇbaˆ 14:13-15; Yoˇhanˬ 5:28, 29; Tcuh yaˇ 24:15.

4. 31. “Suh ve teˇ ceuˬ maˇ kʼawꞈ cawˬ” tuˬ yoˬ.—Hpeuꞈ maˍ ve 21:3, 4; Iˉsaˍyaˆ 25:8.

 Bon liˇ

1. 32. Gʼuiˬ sha lehˬ, bon liˇ teˇ maˬ le le htaꞈ haꞈ yuˬ ve maˇ heˆ.—Yeˍraˍmiˆ 7:11; Maꞈhtehˍ 7:13, 14, 21-23.

2. 33. Gʼuiˬ sha lehˬ, heˍ ve awˬ ceuˬ htaꞈ nyi baw ve yoˬ.—Iˉsaˍyaˆ 29:13; Miˆhkaˍ 3:11; Maˍkuˆ 7:6-8.

3. 34. Awˬ tehˬ haꞈ daꞈ ve lehˬ, bon hkʼaˬ ve teˇ moˍ awˬ tehˬ ve bon liˇ hpehꞈ ve tehꞈ shiˍ tuˬ te piˇ ve yoˬ.—Miˆhkaˍ 4:3; Yoˇhanˬ 13:34, 35.