Iesu na e gwa kudou maoro taudia na be dibamu bema e kamonaia herevana na hereva momokanina. (Ioa. 10:​4, 27) Una dainai taunimanima ida ta herevaherevamu neganai, idia ese bae lalopararalai hereva momokanidia baita herevalai. Henanadai kwadoḡina ta amo hereva momokanina ta ba herevalaia. Heḡereḡere, ini ba henanadai toma: “Oi mai dibamu kahirakahira Dirava ese hisihisi iboudiai be haoremu, a?” eiava “Nega ta o kamonai Dirava na mai ladana, a?” Bena ihamomokanina sirina ta eiava rua ba ḡaukaralai. Ta kudouna ai hereva momokani uhena ta hadoamu neganai, Dirava ese una uhe na be hatubuamu!—1 Kor. 3:​6, 7.

•  Nega Vaira

•  Famili

•  Dirava

•  Ḡuriḡuri

•  Iesu

•  Dirava Ena Basileia

•  Hisihisi

•  Mase

•  Tomadiho

 NEGA VAIRA

1. 1. Tanobada heḡeḡemadai ai e varamu ḡaudia bona taunimanima edia kara amo ta dibamu kahirakahira sensi ta na be varamu.—Mat. 24:​3, 7, 8; Luka 21:​10, 11; 2 Tim. 3:​1-5.

2. 2. Tanobada na be mia hanaihanaimu.—Sal. 104:5; Koh. 1:4.

3. 3. Tanobada na paradaiso ai be laomu.—Isa. 35:​1, 2; Apok. 11:18.

4. 4. Taunimanima iboudiai edia helt na be namomu.—Isa. 33:24; 35:​5, 6.

5. 5. Tanobada ai bo mauri hanaihanaimu.—Sal. 37:29; Mat. 5:5.

 FAMILI

1. 6. Tau ese adavana baine lalokau henia sibona e helalokau henimu heḡereḡerena.—Efe. 5:33; Kol. 3:19.

2. 7. Hahine ese adavana baine matauraia.—Efe. 5:33; Kol. 3:18.

3. 8. Tau bona hahine bae hebadina heheni na ḡau badana.—Mal. 2:16; Mat. 19:​4-6, 9; Heb. 13:4.

4. 9. Natu ese tama sina be matauraidiamu bona be kamonai henidiamu neganai edia mauri na be namomu.—Her. 1:​8, 9; Efe. 6:​1-3.

 DIRAVA

1. 10. Dirava na mai ladana.—Sal. 83:18; Ier. 10:10.

2. 11. Dirava na Baibul amo ita e hereva henidamu.—2 Pet. 1:​20, 21; 2 Tim. 3:​16, 17.

3. 12. Dirava vairanai taunimanima iboudiai na heḡereḡere.—Deu. 10:17; Apos. 10:​34, 35.

4. 13. Dirava na e uramu ita baine duruda.—Sal. 46:1; 145:​18, 19.

  ḠURIḠURI

1. 14. Dirava na e uramu ia baita ḡuriḡuri henia.—Sal. 62:8; 65:2; 1 Pet. 5:7.

2. 15. Baibul amo ḡuriḡuri dalana ta dibamu.—Mat. 6:​7-13; Luka 11:​1-4.

3. 16. Ḡuriḡuri basita hadokoa.—Mat. 7:​7, 8; 1 Tes. 5:17.

 IESU

1. 17. Iesu na hahediba tauna namona dainai iena sisiba na hanaihanai mamaoro.—Mat. 6:​14, 15, 34; 7:12.

2. 18. Hari e varamu ḡaudia na Iesu ese vada e perovetalai.—Mat. 24:​3, 7, 8, 14; Luka 21:​10, 11.

3. 19. Iesu na Dirava Natuna.—Mat. 16:16; Ioa. 3:16; 1 Ioa. 4:15.

4. 20. Iesu na dia Siahu Idoinai Diravana.—Ioa. 14:28; 1 Kor. 11:3.

 DIRAVA ENA BASILEIA

1. 21. Dirava ena Basileia na gavamani korikorina ta guba ai.—Mat. 6:​9, 10; Dan. 2:44; 7:​13, 14; Apok. 11:15.

2. 22. Dirava ena Basileia ese tanobada gavamanidia iboudiai gabudia be abimu.—Sal. 2:​7-9; Dan. 2:44.

3. 23. Dirava ena Basileia ese tanobada ai hekwakwanai iboudiai be haorediamu.—Sal. 37:​10, 11; 46:9; Isa. 65:​21-23.

 HISIHISI

1. 24. Ta davarimu hisihisidia na dia Dirava amo.—Deu. 32:4; Iak. 1:13.

2. 25. Tanobada idoinai na Satana ese e lohiaiamu.—Luka 4:​5, 6; 1 Ioa. 5:19.

3. 26. Dirava ese eda hisihisi na e itamu bona e uramu baine duruda.—Sal. 34:​17-19; Isa. 41:​10, 13.

4. 27. Dirava ese hisihisi na kahirakahira be haorediamu.—Isa. 65:17; Apok. 21:​3, 4.

 MASE

1. 28. Mase taudia na ḡau ta asi dibadia bona asie hisihisimu.—Koh. 9:5; Ioa. 11:​11-14.

2. 29. Mase taudia ese basie hahisidamu eiava basie durudamu.—Sal. 146:4; Koh. 9:​6, 10.

3. 30. Mase taudia na be toreisi loumu.—Iobu 14:​13-15; Ioa. 5:​28, 29; Apos. 24:15.

4. 31. Dirava ese mase na be haorea vaitanimu.—Apok. 21:​3, 4; Isa. 25:8.

 TOMADIHO

1. 32. Dia tomadiho iboudiai ese Dirava e hamoaleamu.—Ier. 7:11; Mat. 7:​13, 14, 21-23.

2. 33. Dirava ese koikoi karadia e inai henimu.—Isa. 29:13; Mika 3:11; Mar. 7:​6-8.

3. 34. Tomadiho momokanina ese lalokau korikorina e hahedinaraiamu.—Mika 4:3; Ioa. 13:​34, 35.