Jesús kiijtok maseualmej katli kipiaj kuali ininyolo uelis kimachilisej tlake nelia eli melauak (Juan 10:4, 27). Yeka, tijnekij tikinnextilisej maseualmej tlamachtili tlen uala ipan Biblia uan tlen amo ouij kikuamachilisej. Ueliskia tijpeualtisej ika ni tlajtoli: “¿Tijmajtoya. . . ?” o “¿Ipa tijkaktok. . . ?”, uan tikijtosej se tlamachtili tlen amo ouij. Teipa uelis tijpouilisej se texto tlen kiixtoma nopa tlamachtili. Kema tijpaleuiaj se akajya ma kikuamachili se tlamachtili tlen Biblia, eliskia kejuak tijtokaj se xinachtli ipan iyolo. ¡Uan toTeotsij uelis kichiuas ma moskalti nopa xinachtli! (1 Cor. 3:6, 7).

•  Tlen panos teipa

•  Tochampoyouaj

•  ToTeotsij

•  Tlamaijtoli

•  Jesús

•  ToTeotsij iTlanauatijkayo

•  Tlaijiyouilistli

•  Mikilistli

•  Religión

 TLEN PANOS TEIPA

1. 1. Tlen pano ipan ni tonali uan kej monejnemiltiaj maseualmej, kinextia nechka mopatlas kej tiitstokej (Mat. 24:3, 7, 8; Luc. 21:10, 11; 2 Tim. 3:1-5).

2. 2. Tlaltipaktli amo kema kitsontlamiltisej (Sal. 104:5; Ecl. 1:4).

3. 3. Tlaltipaktli mokualtlalis uan elis se yejyektsi xochimili (Is. 35:1, 2; Apoc. 11:18).

4. 4. Amo aka mokokos (Is. 33:24; 35:5, 6).

5. 5. Uelis tiitstosej nochipa ipan Tlaltipaktli (Sal. 37:29; Mat. 5:5).

 TOCHAMPOYOUAJ

1. 6. Se tlakatl kinamiki kiiknelis isiua “keja moiknelia” (Efes. 5:33; Col. 3:19).

2. 7. Se siuatl moneki kitlepanitas iueue (Efes. 5:33; Col. 3:18).

3. 8. Katli mosenkajtokej amo kinamiki mokajkayauasej (Mal. 2:16; Mat. 19:4-6, 9; Heb. 13:4).

4. 9. Konemej katli kintlepanitaj uan kinneltokaj inintatauaj nochipa kuali itstosej (Prov. 1:8, 9; Efes. 6:1-3).

 TOTEOTSIJ

1. 10. ToTeotsij kipia itoka (Sal. 83:18, TNM; Jer. 10:10, TNM).

2. 11. ToTeotsij kineki ma tijmatikaj tlen tlauel ipati (2 Tim. 3:16, 17; 2 Ped. 1:20, 21).

3. 12. ToTeotsij amo techikoita (Deut. 10:17; Hech. 10:34, 35).

4. 13. ToTeotsij kineki techpaleuis (Sal. 46:1; 145:18, 19).

  TLAMAIJTOLI

1. 14. ToTeotsij kineki ma timomaijtokaj (Sal. 62:8; 65:2; 1 Ped. 5:7).

2. 15. Biblia techmachtia kenijkatsa timomaijtosej (Mat. 6:7-13; Luc. 11:1-4).

3. 16. Moneki nochipa timomaijtosej (Mat. 7:7, 8; 1 Tes. 5:17).

 JESÚS

1. 17. Jesús kuali tlamachtik uan nochipa tepaleuia tlen tetlajtolmakak (Mat. 6:14, 15, 34; 7:12).

2. 18. Jesús kiijtok tlen panoskia ipan ni tonali (Mat. 24:3, 7, 8, 14; Luc. 21:10, 11).

3. 19. Jesús eli toTeotsij iKone (Mat. 16:16; Juan 3:16; 1 Juan 4:15).

4. 20. Jesús amo eli toTeotsij (Juan 14:28; 1 Cor. 11:3).

 TOTEOTSIJ ITLANAUATIJKAYO

1. 21. ToTeotsij iTlanauatijkayo eltok iluikak (Dan. 2:44; 7:13, 14; Mat. 6:9, 10; Apoc. 11:15).

2. 22. ToTeotsij iTlanauatijkayo kintekipatlas nochi tlanauatianij (Sal. 2:7-9; Dan. 2:44).

3. 23. ToTeotsij iTlanauatijkayo kichiuas kuali ma tiitstokaj (Sal. 37:10, 11; 46:9; Is. 65:21-23).

 TLAIJIYOUILISTLI

1. 24. ToTeotsij amo kichiua ma titlaijiyouikaj (Deut. 32:4; Sant. 1:13).

2. 25. Satanás kinauatia Tlaltipaktli (Luc. 4:5, 6; 1 Juan 5:19).

3. 26. ToTeotsij kiita titlaijiyouia uan kineki mitspaleuis (Sal. 34:17-19; Is. 41:10, 13).

4. 27. ToTeotsij nechka kitlamiltis tlen techtlaijiyouiltia (Is. 65:17; Apoc. 21:3, 4).

 MIKILISTLI

1. 28. Katli miktokej amo tleno kimatij yon tlaijiyouijtokej (Ecl. 9:5; Juan 11:11-14).

2. 29. Katli miktokej amo uelij techpaleuiaj yon techtlaijiyouiltiaj (Sal. 146:4; Ecl. 9:6, 10).

3. 30. Moyolkuisej katli tlauel tikinikneliaj (Job 14:13-15; Juan 5:28, 29; Hech. 24:15).

4. 31. ToTeotsij “kitlamiltis mikilistli” (Is. 25:8; Apoc. 21:3, 4).

 RELIGIÓN

1. 32. ToTeotsij amo kipaktia nochi religiones (Jer. 7:11; Mat. 7:13, 14, 21-23).

2. 33. ToTeotsij kualani kema istlakatij (Is. 29:13; Miq. 3:11; Mar. 7:6-8).

3. 34. Tlaiknelili kinextia ajkia itstokej ipan religión tlen melauak (Miq. 4:3; Juan 13:34, 35).