ENDOMEKO A
Ekwenene y’eBiblia eyo tukanza erikangirirya abandu
Yesu mwabugha ati abandu b’emitima myolo bakendisyaminyerera ekwenene babyowayo. (Yoa. 10:4, 27) Omughulu tukakanaya n’abandu litolere itwabakanirya ekwenene eyikowika luba eyiri omo Biblia. Wanganakola ekyo omw’ibulya utya: “Unasi ngoko . . . ?” kutse “Une watowa ngoko . . . ?” Neryo ukolesaye amasako erimukanirya oko mwatsi oyo. Wanganahera embuto omo mutima w’omundu omw’imubwira ekwenene eyikowika luba eyiri omo Biblia. N’oMungu anganalasya embuto eyo!—1 Kor. 3:6, 7.
EBIRO EBIKASA
-
1. Ebyo tukalangira lino n’emibere y’abandu ko bakayiwata bikakanganaya ngoko hakisiya hake emyatsi iyabinduka.—Mat. 24:3, 7, 8; Luka 21:10, 11; 2 Tim. 3:1-5.
-
2. Ekitaka kino sikyendisyatoghotibwa.—Esy. 104:5; Omug. 1:4.
-
3. Ekihugho kikendisyayirwa kandi mo kihya kihya.—Isa. 35:1, 2; Erib. 11:18.
-
4. Sihendisyasyabya amakoni.—Isa. 33:24; 35:5, 6.
-
5. Wanganasyabyaho kera na kera oko kihugho.—Esy. 37:29; Mat. 5:5.
EKIHANDA
-
6. Omulume atolere inianza omukali wiwe ngoko ayanzire.”—Efe. 5:33; Kol. 3:19.
-
7. Litolere omukali iniasikya mwira wiwe yo kutsibu.—Efe. 5:33; Kol. 3:18.
-
8. Omulume syatolere akaleghula oko mukali wiwe n’omukali syatolere akaleghula oko mwira wiwe.—Mal. 2:16; Mat. 19:4-6, 9; Ebr. 13:4.
-
9. Abana bamasikya n’eryowa ababuti babo engebe yabo iyikendyuwana.—Emi. 1:8, 9; Efe. 6:1-3.
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
OMUNGU
-
10. OMungu anawite erina.—Esy. 83:18; Yer. 10:10.
-
11. OMungu anawite omulaghe busana netu.—2 Tim. 3:16, 17; 2 Pet. 1:20, 21.
-
12. OMungu awite olwanzo kandi syawite kasololo.—Ebi. 10:17; Emib. 10:34, 35.
-
13. OMungu anzire erituwatikya.—Esy. 46:1; 145:18, 19.
OMUSABE
-
14. OMungu anzire itwabya tukamusaba.—Esy. 62:8; 65:2; 1 Pet. 5:7.
-
15. EBiblia ikatukangiriraya ngoko twangasaba.—Mat. 6:7-13; Luka 11:1-4.
-
16. Litolere itwayitsinga erisaba.—Mat. 7:7, 8; 1 Tes. 5:17.
YESU
-
17. Yesu abya mukangirirya Mukulu kandi amahano wiwe akawatikaya na munabwire.—Mat. 6:14, 15, 34; 7:12.
-
18. Yesu mwahula emyatsi eyo tukalangira munabiwire.—Mat. 24:3, 7, 8, 14; Luka 21:10, 11.
-
19. Yesu ni Mughala w’oMungu.—Mat. 16:16; Yoa. 3:16; 1 Yoa. 4:15.
-
20. Yesu si Mungu Omutoki w’Ebyosi.—Yoa. 14:28; 1 Kor. 11:3.
Based on NASA/Visible Earth imagery
OBWAMI BW’OMUNGU
-
21. Obwami bw’oMungu ni butabali obuli elubula.—Dan. 2:44; 7:13, 14; Mat. 6:9, 10; Erib. 11:15.
-
22. Obwami bw’oMungu bukendisyalusyaho awandi matabali wosi—Esy. 2:7-9; Dan. 2:44.
-
23. Obwami bw’oMungu bo bukendisyabughaho amaligho w’abandu.—Esy. 37:10, 11; 46:9; Isa. 65:21-23.
ERYAGHALWA
-
24. OMungu yuteleta eryaghalwa.—Ebi. 32:4; Yak. 1:13.
-
25. Sitani yukatabala ekihugho kino.—Luka 4:5, 6; 1 Yoa. 5:19.
-
26. OMungu analangire amaligho agho ukalabamo kandi anzire erikuwatikya—Esy. 34:17-19; Isa. 41:10, 13.
-
27. Hakisiya hake oMungu iniabughaho amaligho.—Isa. 65:17; Erib. 21:3, 4.
OLUHOLO
-
28. Abaholi sibasi ekyosi-kyosi kandi sibalyaghalawa.—Omug. 9:5; Yoa. 11:11-14.
-
29. Abaholi sibangatuwatikya kandi sibangatukola muhanda.—Esy. 146:4; Omug. 9:6, 10.
-
30. Abandu betu ababirihola bakendisyalubuka.—Yobu 14:13-15; Yoa. 5:28, 29; Emib. 24:15.
-
31. “Oluholo silwendisyasyabyaho.”—Erib. 21:3, 4; Isa. 25:8.
EBISOMO
-
32. Si by’ebisomo byosi ebikatsemesaya oMungu.—Yer. 7:11; Mat. 7:13, 14, 21-23.
-
33. OMungu aponire obulimba-limba kutse obutebya.—Isa. 29:13; Mika 3:11; Mar. 7:6-8.
-
34. Olwanzo lo lukaminyikalaya ekisomo ky’ekwenene.—Mika 4:3; Yoa. 13:34, 35.