Yesu enena kuti ŵanthu aweme ntima azamvwe choonadi ndipo azachiziŵe. (Yoh. 10:4, 27) Tetyo tikolaŵila na ŵanthu tufuna kuŵauja mfundo za m’Baibolo zosavuta kumvwa. Yejani kuyambisha makambilano pokonsha kuti: “Kansi muziŵa kuti . . . ?” olo “Kansi mwimvwapo kale kuti . . . ?” Ndipo pavuli pake katishilani ntchito lemba yukatijana na vamene ivo pofotokoza mfundo yamene iyo. Kuuja ayakine mfundo yosavuta ya m’Baibolo vingankhale monga mwakomola mbeyu mu ntima mwa munthu, ndipo Yehova angameleshe mbewu yamene iyo!—1 Akor. 3:6, 7.

•  Sogolo yasu

•  Banja

•  Mulungu

•  Pemphelo

•  Yesu

•  Ufumu wa Mulungu

•  Kuvutika

•  Imfwa

•  Chipembezo

 SOGOLO YASU

1. 1. Vinthu vakuchita ŵanthu komasoti mwakuvichitila, vuwonesha kuti kwalombapano vinthu vichinje.—Mt. 24:3, 7, 8; Lk. 21:10, 11; 2 Tim. 3:1–5.

2. 2. Ichi chalo chatunkhalamo chizawonongewelini.—Sal. 104:5; Mlal. 1:4.

3. 3. Ichi chalo chizankhale paladaiso.—Yes. 35:1, 2; Chiv. 11:18.

4. 4. Munthu aliyense azankhale na thanzi iweme.—Yes. 33:24; 35:5, 6.

5. 5. Muzasangalale na moyo wosasila pano pachalo.—Sal. 37:29; Mt. 5:5.

 BANJA

1. 6. Mwanalume ofunika “kukonda mwanakazi wake n’nga mwakuzikondela yeka.”—Aef. 5:33; Akol. 3:19.

2. 7. Mwanakazi awolemekeza ngako mwanalume wake.—Aef. 5:33; Akol. 3:18.

3. 8. Mwanalume na mwanakazi wake ofunika kunkhala wokhulupilika kuli muyake na muyake.—Mal. 2:16; Mt. 19:4–6, 9; Ahe. 13:4.

4. 9. Ŵana amene olemekeza nomvwila makolo ŵawo vinthu vizaŵayendele luweme.—Miy. 1:8, 9; Aef. 6:1–3.

 MULUNGU

1. 10. Mulungu ali na zina.—Sal. 83:18; Yer. 10:10.

2. 11. Mulungu olaŵila nase.—2 Tim. 3:16, 17; 2 Pet. 1:20, 21.

3. 12. Mulungu ni wachilungamo ndipo aliye sankho.—Deut. 10:17; Mac. 10:34, 35.

4. 13. Mulungu ofuna kutiyavya.—Sal. 46:1; 145:18, 19.

  PEMPHELO

1. 14. Mulungu ofuna kuti tikopemphela kuli yove.—Sal. 62:8; 65:2; 1 Pet. 5:7.

2. 15. Baibolo yutiphunzisa mwatingapemphelele.—Mt. 6:7-13; Lk. 11:1–4.

3. 16. Tufunika kupemphela pafupi-pafupi.—Mt. 7:7, 8; 1 Ates. 5:17.

 YESU

1. 17. Yesu enze m’phunzisi nkulu wamene malangizo ŵake okata ntchito nthawe zonse.—Mt. 6:14, 15, 34; 7:12.

2. 18. Yesu elaŵililatu za vinthu vatuwona masiku ŵano.—Mt. 24:3, 7, 8, 14; Luk. 21:10, 11.

3. 19. Yesu ni mwana wa Mulungu.—Mt. 16:16; Yoh. 3:16; 1 Yoh. 4:15.

4. 20. Yesu ni Mulungulini wa mphamvuzonse.—Yoh. 14:28; 1 Akor. 11:3.

 UFUMU WA MULUNGU

1. 21. Ufumu wa Mulungu ni boma ngayo-ngayo ya kululu.—Dan. 2:44; 7:13,14; Mat. 6:9, 10; Chiv. 11:15.

2. 22. Ufumu wa Mulungu uzafumyepo maboma onse a ŵanthu ndipo uzayambe kulamulila.—Sal. 2:7–9; Dan. 2:44.

3. 23. Ufumu wa Mulungu niye ukuti uzasilije mavuto onse a ŵanthu.—Sal. 37:10, 11; 46:9; Yes. 65:21-23.

 KUVUTIKA

1. 24. Mulungu niyelini ochitisha kuti tikovutika.—Deut. 32:4; Yak 1:13.

2. 25. Satana niye otonga ichi chalo.—Lk. 4:5, 6; 1 Yoh. 5:19.

3. 26. Mulungu owona kuvutika kwanu ndipo ofuna kuti akuyavyeni.—Sal. 34:17-19; Yes. 41:10, 13.

4. 27. Kwalombapano Mulungu azasilije mavuto onse.—Yes. 65:17; Chiv. 21:3, 4.

 IMFWA

1. 28. Akufwa oziŵalini chilichonse; ndipo ovutikalini.—Mlal. 9:5; Yoh. 11:11-14.

2. 29. Akufwa angatiyavyelini olo kutiwononga.—Sal. 146:4; Mlal. 9:6, 10.

3. 30. Azishamwali ŵasu onse emwalila azaushiwe.—Yobu 14:13-15; Yoh. 5:28, 29; Mac. 24:15.

4. 31. “Mulungu azasilije imfwa, ndipo izaŵepolinisoti.”—Chiv. 21:3, 4; Yes. 25:8.

 CHIPEMBEZO

1. 32. Nivipembezolini vonse vamene vukondwelesha Mulungu.—Yer. 7:11; Mt. 7:13, 14, 21-23.

2. 33. Mulungu ozondana na kusoŵa chilungamo.—Yes. 29:13; Mik. 3:11; Mk. 7:6–8.

3. 34. Chikondi ngacho-ngacho niye chuziŵikisha chipembezo cha chendi.—Mik. 4:3; Yoh. 13:34, 35.