Jezu adalewa kuti wanthu wa mitima yabwino an’dzadziwa cadidi akadzapfunzisidwa. (Juw. 10:4, 27) Na tenepo, pomwe tikuceza na wanthu, tin’funika kuwapfunzisa cadidi ca m’Bibliya comwe n’cakusaya kunesa kubvesesa. Yezerani kuyambisa maceza mwakubvunza kuti: “Kodi imwepo mukhadziwa kuti . . . ?” ayai “Kodi imwepo mudabva kale kuti . . . ?” Patsogolo pace, phatisani basa mavesi yomwe yakubverana na nkhaniyo kuti mufotokoze cadidi ca m’Bibliya. Mukafotokozera munthu cadidi ca m’Bibliya cakusaya kunesa kubvesesa, mun’dzakhala mwabzala mbewu ya cadidi mu mtima mwa munthuyo ndipo Mulungu an’dzaikulisa! — 1 Ako. 3:6, 7.

•  Tsogolo

•  Banja

•  Mulungu

•  Mpembo

•  Jezu

•  Umambo bwa Mulungu

•  Kubonera

•  Infa

•  Cipembedzo

 TSOGOLO

1. 1. Bzinthu bzomwe bzikucitika m’dzikoli, bzikulatiziratu kuti bzinthu bzin’cinja tsapanopapa. — Mat. 24:3, 7, 8; Luk. 21:10, 11; 2 Tim. 3:1-5.

2. 2. Dzikoli lin’dzapfudzidwa lini. — Sal. 104:5; Mpal. 1:4.

3. 3. Dzikoli lin’dzadzongedwa lini pomwe ndipo lin’dzakhala paraizo. — Zai. 35:1, 2; Apok. 11:18.

4. 4. Munthu ali-wentse an’dzakhala na thanzi labwino. — Zai. 33:24; 35:5, 6.

5. 5. Imwepo mun’dzakhala pa dziko la pantsi mpaka kale-kale. — Sal. 37:29; Mat. 5:5.

 BANJA

1. 6. Mwamuna “ambafune mkazace ninga momwe ambabzifunira iye yekha.” — Aef. 5:33; Akol. 3:19.

2. 7. Mkazi ambalemekeze kwene-kwene mwamuna wace. — Aef. 5:33; Akol. 3:18.

3. 8. Mwamuna na mkazi wace an’funika kumbakhulupirana. — Malak. 2:16; Mat. 19:4-6, 9; Aheb. 13:4.

4. 9. Wana omwe ambalemekeza na kubvera abereki wawo bzinthu bzin’dzawafambira bwino. — Mim. 1:8, 9; Aef. 6:1-3.

 MULUNGU

1. 10. Mulungu ana dzina. — Sal. 83:18; Jer. 10:10.

2. 11. Mulungu ambalewalewa nafe. — 2 Tim. 3:16, 17; 2 Ped. 1:20, 21.

3. 12. Mulungu ngwakulungama ndipo alibe tsankhulo. — Deut. 10:17; Mab. 10:34, 35.

4. 13. Mulungu akufuna kutithandiza. — Sal. 46:1; 145:18, 19.

  MPEMBO

1. 14. Mulungu akufuna kuti timbapembe kwa iye. — Sal. 62:8; 65:2; 1 Ped. 5:7.

2. 15. Bibliya limbatipfunzisa momwe tingapempherere. — Mat. 6:7-13; Luk. 11:1-4.

3. 16. Tin’funika kumbapemba nthawe zentse. — Mat. 7:7, 8; 1 Ates. 5:17.

 JEZU

1. 17. Jezu akhali mpfunzisi mkulu ndipo malango yace njakuthandiza nthawe zentse. — Mat. 6:14, 15, 34; 7:12.

2. 18. Jezu adaleweratu bzinthu bzomwe bzikucitika ntsiku zino. — Mat. 24:3, 7, 8, 14; Luk. 21:10, 11.

3. 19. Jezu ni mwana wa Mulungu. — Mat. 16:16; Juw. 3:16; 1 Juw. 4:15.

4. 20. Jezu ni Mulungu lini Wamphanvu-zentse. — Juw. 14:28; 1 Ako. 11:3.

 UMAMBO BWA MULUNGU

1. 21. Umambo bwa Mulungu ni boma cairo lomwe liri kudzulu. — Dan. 2:44; 7:13, 14; Mat. 6:9, 10; Apok. 11:15.

2. 22. Umambo bwa Mulungu bun’dzapfudza maboma ya wanthu bucidzayamba kutonga. — Sal. 2:7-9; Dan. 2:44.

3. 23. Umambo bwa Mulungu ndibo bokha bomwe bun’dzamalisa mabvuto ya wanthu. — Sal. 37:10, 11; 46:9; Zai. 65:21-23.

 KUBONERA

1. 24. Ni Mulungu lini omwe ambacitisa kuti tibonere. — Deut. 32:4; Tiy. 1:13.

2. 25. Sathani ndiye omwe akutonga dzikoli. — Luk. 4:5, 6; 1 Juw. 5:19.

3. 26. Mulungu ambawona mabvuto yanu ndipo akufuna kukuthandizani. — Sal. 34:17-19; Zai. 41:10, 13.

4. 27. Mulungu animalisa kubonera tsapanopapa. — Zai. 65:17; Apok. 21:3, 4.

 INFA

1. 28. Anyakufa ambadziwa lini cinthu ciri-centse ndipo ambabonera lini. — Mpal. 9:5; Juw. 11:11-14.

2. 29. Anyakufa angatithandize lini ne kutipweteka. — Sal. 146:4; Mpal. 9:6, 10.

3. 30. Anyakufunidwa wathu omwe adafa an’dzalamusidwa. — Djob. 14:13-15; Juw. 5:28, 29; Mab. 24:15.

4. 31. “Infa in’dzawoneka lini pomwe.” — Zai. 25:8; Apok. 21:3, 4.

 CIPEMBEDZO

1. 32. Ni bzipembedzo lini bzentse bzomwe bzimbakondwesa Mulungu. — Jer. 7:11; Mat. 7:13, 14, 21-23.

2. 33. Mulungu ambawenga wanthu wacinyengo. — Zai. 29:13; Mik. 3:11; Mar. 7:6-8.

3. 34. Lufoyi cairo limbadziwikisa Akristau wacadidi. — Mik. 4:3; Juw. 13:34, 35.