Gyisɛse hanle kɛ saa ahonlekpalɛma tie edwɛkɛ ne a bɛbanwu kɛ ɔle nɔhalɛ. (Dwɔn 10:​4, 27) Ɔti mekɛ biala mɔɔ yɛ nee menli kɛdendɛ la, yɛkulo kɛ yɛka Baebolo ne anu nɔhalɛ edwɛkɛ sikalɛ bie yɛkile bɛ. Saa ɛkulo kɛ ɛka edwɛkɛ ne bie ɛkile awie a biza ye kɛ: “Asoo ɛze kɛ . . . ?” anzɛɛ “Asoo wɔde ye ɛlɛ kɛ . . . ?” Akee fa ngɛlɛlera mɔɔ wɔ ɔ bo la kilehile nɔhalɛ ne anu. Saa yɛka Baebolo ne anu nɔhalɛ edwɛkɛ sikalɛ bie yɛkile awie a ɔbazɔ ndinli wɔ ye ahonle nu, na Nyamenle bamaa yeanyi.—1 Kɔl. 3:​6, 7.

•  Kenle bie

•  Abusua

•  Nyamenle

•  Asɔneyɛlɛ

•  Gyisɛse

•  Nyamenle Belemgbunlililɛ

•  Amaneɛnwunlɛ

•  Ewule

•  Ɛzonlenlɛ

 KENLE BIE

1. 1. Ninyɛne mɔɔ ɛlɛkɔ zo nee menli subane maa yɛnwu kɛ ɔnrɛhyɛ ninyɛne bahakyi.—Mat. 24:​3, 7, 8; Luku 21:​10, 11; 2 Tim. 3:​1-5.

2. 2. Bɛnrɛzɛkye azɛlɛ ne ɛlɛ. —Edw. 104:5; Nol. 1:4.

3. 3. Bɛbayɛ ninyɛne mɔɔ bɛzɛkye ye wɔ azɛlɛ ye azo la boɛ.—Aye. 35:​1, 2; Yek. 11:18.

4. 4. Awie biala bade kpɔkɛ kpalɛ.—Aye. 33:24; 35:​5, 6.

5. 5. Ɛbahola wɔadɛnla aze dahuu.—Edw. 37:29; Mat. 5:5.

 ABUSUA

1. 6. Ɔwɔ kɛ kunli “kulo ɔ ye kɛ ɔdaye ɔ nwo la.”—Ɛfɛ. 5:33; Kɔl. 3:19.

2. 7. Ɔwɔ kɛ yelɛ nyia ɛbulɛ kpole maa ɔ hu.—Ɛfɛ. 5:33; Kɔl. 3:18.

3. 8. Ɔwɔ kɛ kunli nee yelɛ di nɔhalɛ maa bɛ nwo.—Mal. 2:16; Mat. 19:​4-6, 9; Hib. 13:4.

4. 9. Ngakula mɔɔ bu bɛ awovolɛ na bɛtie bɛ la ɔbawie bɛ boɛ.—Mrɛ. 1:​8, 9; Ɛfɛ. 6:​1-3.

 NYAMENLE

1. 10. Nyamenle lɛ duma.—Edw. 83:18; Gyɛ. 10:10.

2. 11. Nyamenle nee yɛ tendɛ.—2 Tim. 3:​16, 17; 2 Pita 1:​20, 21.

3. 12. Nyamenle di pɛlepɛle yɛɛ ɔnli mɔguazo.—Dit. 10:17; Gyi. 10:​34, 35.

4. 13. Nyamenle kulo kɛ ɔboa yɛ.—Edw. 46:1; 145:​18, 19.

  ASƆNEYƐLƐ

1. 14. Nyamenle kulo kɛ ɔtie yɛ asɔneyɛlɛ.—Edw. 62:8; 65:2; 1 Pita 5:7.

2. 15. Baebolo ne kilehile yɛ kɛzi bɛyɛ asɔne la.—Mat. 6:​7-13; Luku 11:​1-4.

3. 16. Ɔwɔ kɛ yɛta yɛyɛ asɔne.—Mat. 7:​7, 8; 1 Tɛs. 5:17.

 GYISƐSE

1. 17. Gyisɛse le kilehilevolɛ kpole mɔɔ ye folɛdulɛ boa dahuu a.—Mat. 6:​14, 15, 34; 7:12.

2. 18. Gyisɛse hanle ninyɛne mɔɔ ɛlɛkɔ zo ɛnɛ la anwo edwɛkɛ dole ɛkɛ.—Mat. 24:​3, 7, 8, 14; Luku 21:​10, 11.

3. 19. Gyisɛse le Nyamenle Ara.—Mat. 16:16; Dwɔn 3:16; 1 Dwɔn 4:15.

4. 20. Tɛ Gyisɛse a le Nyamenle Tumivolɛ Bedevinli ne.—Dwɔn 14:28; 1 Kɔl. 11:3.

 NYAMENLE BELEMGBUNLILILƐ

1. 21. Nyamenle Belemgbunlililɛ ne le anwuma arane mɔɔ wɔ ɛkɛ amgba.—Dan. 2:44; 7:​13, 14; Mat. 6:​9, 10; Yek. 11:15.

2. 22. Nyamenle Belemgbunlililɛ ne bazɛkye sonla arane.—Edw. 2:​7-9; Dan. 2:44.

3. 23. Nyamenle Belemgbunlililɛ ne ala a bali alesama ngyegyelɛ nwo gyima a.—Edw. 37:​10, 11; 46:9; Aye. 65:​21-23.

 AMANEƐNWUNLƐ

1. 24. Tɛ Nyamenle a maa yɛnwu amaneɛ a.—Dit. 32:4; Gye. 1:13.

2. 25. Seetan a ɛlɛnea ewiade ɛhye azo a.—Luku 4:​5, 6; 1 Dwɔn 5:19.

3. 26. Nyamenle dwenle yɛ amaneɛnwunlɛ nwo.—Edw. 34:​17-19; Aye. 41:​10, 13.

4. 27. Ɔnrɛhyɛ Nyamenle baye amaneɛnwunlɛ avi ɛkɛ.—Aye. 65:17; Yek. 21:​3, 4.

 EWULE

1. 28. Mowuamra ɛnze ɛhwee; bɛnnwu amaneɛ.—Nol. 9:5; Dwɔn 11:​11-14.

2. 29. Mowuamra ɛngola ɛmboa yɛ anzɛɛ ɛngyegye yɛ.—Edw. 146:4; Nol. 9:​6, 10.

3. 30. Bɛbadwazo yɛ alɔvolɛ mɔɔ bɛwu la.—Dwobu 14:​13-15; Dwɔn 5:​28, 29; Gyi. 24:15.

4. 31. Nyamenle baye ewule avi ɛkɛ.—Yek. 21:​3, 4; Aye. 25:8.

 ƐZONLENLƐ

1. 32. Tɛ ɛzonlenlɛ kɔsɔɔti a sɔ Nyamenle anye a.—Gyɛ. 7:11; Mat. 7:​13, 14, 21-23.

2. 33. Nyamenle kyi nabalaba nyɛleɛ.—Aye. 29:13; Maeka 3:11; Maake 7:​6-8.

3. 34. Nɔhalɛ ɛlɔlɛ maa bɛnwu nɔhalɛ ɛzonlenlɛ.—Maeka 4:3; Dwɔn 13:​34, 35.