Rä Hesu bi ꞌñudi ge nuꞌu̱ yä zi jäꞌi pe̱ꞌtsi nꞌa rä hogä koraso ma dä rekonose ndaꞌä näꞌä relijion mäjuäni (Juan 10:​4, 27). Po rängeꞌä debe gä hutsꞌihu̱ de mä partehu̱ ꞌne gä fatsꞌihu̱ yä zi jäꞌi dä ntiende näꞌä udi rä Noya Äjuä. Pa gä fu̱dihu̱ gä ñäuihu̱ yä jäꞌi, dä za gä embäbihu̱: «¿Nuꞌi ngi pädi ge. . . ?» o «¿Nuꞌi xkä o̱de ge. . . ?». Mꞌe̱fa no̱ni nꞌa rä ntꞌudi de rä Mäkä Tꞌofo, ꞌne ꞌñuti nꞌa rä testo habu̱ ehe näꞌä ntꞌudiꞌä. Ora di utihu̱ yä jäꞌi de rä Noya Äjuä ꞌñenä di potꞌihu̱ nꞌa rä ndaa ha yä koraso, ꞌne rä Zi Dada Jeoba geꞌä japi dä fo̱tsꞌe ꞌne dä te (1 Cor. 3:​6, 7).

•  Näꞌä di to̱ꞌmihu̱

•  Rä familia

•  Äjuä

•  Rä sadi

•  Rä Hesu

•  Rä Tsꞌu̱tꞌhui Äjuä

•  Rä sufrimiento

•  Rä du

•  Rä jamfri

 NÄꞌÄ DI TO̱ꞌMIHU̱

1. 1. Mänꞌitꞌho Äjuä ma dä hñäki nuꞌu̱ yä tsꞌo tꞌo̱tꞌe ja mäpaya (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Rä Xiꞌmhai hindä ma dä uadi (Sal. 104:5; Ecl. 1:4).

3. 3. Ma dä uadi nuꞌu̱ yä dañu xä tꞌo̱tꞌpäbi rä Xiꞌmhai (Is. 35:​1, 2; Apoc. 11:18).

4. 4. Gatꞌho yä jäꞌi ma dä nja yä nzaki (Is. 33:24; 35:​5, 6).

5. 5. Nuꞌi dä za gi mꞌu̱i pa nzäntho ha rä Xiꞌmhai (Sal. 37:29; Mat. 5:5).

 RÄ FAMILIA

1. 6. Rä däme debe dä mädi rä ꞌme̱hñä ja ngu di mädise̱ (Efes. 5:33; Col. 3:19).

2. 7. Rä ꞌme̱hñä debe dä umbäbi rä tꞌekꞌei rä däme (Efes. 5:33; Col. 3:18).

3. 8. Rä däme hindi debe dä hyatꞌä rä ꞌme̱hñä, nixi rä ꞌme̱hñä dä hyatꞌä rä däme (Mal. 2:16; Mat. 19:​4-6, 9; Heb. 13:4).

4. 9. Nuꞌu̱ yä bätsi umbäbi rä tꞌekꞌei ꞌne o̱te yä dada ma dä mabi xä ñho (Prov. 1:​8, 9; Efes. 6:​1-3).

 ÄJUÄ

1. 10. Äjuä pe̱ꞌtsi rä thuhu (Sal. 83:18; Jer. 10:10).

2. 11. Äjuä pe̱ꞌtsi yä hogä noya (2 Ped. 1:​20, 21; 2 Tim. 3:​16, 17).

3. 12. Äjuä hingi huahnitho yä jäꞌi (Deut. 10:17; Hech. 10:​34, 35).

4. 13. Äjuä ne dä maxkägihu̱ (Sal. 46:1; 145:​18, 19).

  RÄ SADI

1. 14. Äjuä ne gä xatuäbihu̱ (Sal. 62:8; 65:2; 1 Ped. 5:7).

2. 15. Rä Mäkä Tꞌofo utkägihu̱ te gä adi ha mä sadihu̱ (Mat. 6:​7-13; Luc. 11:​1-4).

3. 16. Debe gä xatuäbihu̱ Äjuä njatꞌä (Mat. 7:​7, 8; 1 Tes. 5:17).

 RÄ HESU

1. 17. Rä Hesu mrä hogä xahnäte ꞌne nuꞌu̱ yä tsꞌofo bi uni faxte asta mäpaya (Mat. 6:​14, 15, 34; 7:12).

2. 18. Rä Hesu bi mää te ma xä thogi mäpaya (Mat. 24:​3, 7, 8, 14; Luc. 21:​10, 11).

3. 19. Rä Hesu geꞌä rä Tꞌu̱ Äjuä (Mat. 16:16; Juan 3:16; 1 Juan 4:15).

4. 20. Rä Hesu hingä geꞌä Äjuä (Juan 14:28; 1 Cor. 11:3).

 RÄ TSꞌU̱TꞌHUI ÄJUÄ

1. 21. Rä Tsꞌu̱tꞌhui Äjuä geꞌä nꞌa rä gobiernu bi mända dende mähetsꞌi (Mat. 6:​9, 10; Dan. 2:44; 7:​13, 14; Apoc. 11:15).

2. 22. Rä Tsꞌu̱tꞌhui Äjuä ma dä huati nuꞌu̱ yä gobiernu di mända mäpaya (Sal. 2:​7-9; Dan. 2:44).

3. 23. Ho̱nse̱ rä Tsꞌu̱tꞌhui Äjuä ma dä za dä hñäki nuꞌu̱ yä xuñha ja mäpaya (Sal. 37:​10, 11; 46:9; Is. 65:​21-23).

 RÄ SUFRIMIENTO

1. 24. Äjuä hingo tu rä tsꞌoki de nuꞌu̱ yä u̱gi di thogihu̱ (Deut. 32:4; Sant. 1:13).

2. 25. Rä Zithu go geꞌä rä ndä ha nunä xiꞌmhai (Luc. 4:​5, 6; 1 Juan 5:19).

3. 26. Äjuä handi näꞌä gi thogi ꞌne ne dä maxꞌäꞌi (Sal. 34:​17-19; Is. 41:​10, 13).

4. 27. Mänꞌitꞌho Äjuä ma dä hñäki rä sufrimiento (Is. 65:17; Apoc. 21:​3, 4).

 RÄ DU

1. 28. Nuꞌu̱ xä du hinte pädi, nixi bi sufri (Ecl. 9:5; Juan 11:​11-14).

2. 29. Nuꞌu̱ xä du ya hingi tsa te dä yꞌo̱tkägihu̱ (Sal. 146:4; Ecl. 9:​6, 10).

3. 30. Nuꞌu̱ mä zi jäꞌihu̱ xä du ma dä yopa nte (Job 14:​13-15; Juan 5:​28, 29; Hech. 24:15).

4. 31. «Ya hindä nja rä du» (Apoc. 21:​3, 4; Is. 25:8).

 RÄ JAMFRI

1. 32. Äjuä hingi numäñho gatꞌho yä relijion (Jer. 7:11; Mat. 7:​13, 14, 21-23).

2. 33. Äjuä u̱tsa nuꞌu̱ toꞌo enä ge pe̱päbi, pe ko näꞌä pe̱fi udi ge hinä (Is. 29:13; Miq. 3:11; Mar. 7:​6-8).

3. 34. Nuꞌu̱ xa mäjuäni yä ꞌme̱go Äjuä di mädi nꞌa ngu mänꞌaa (Miq. 4:3; Juan 13:​34, 35).